هيا الفيوزات فى منها انواع ؟؟

**michohat** · 06-09-2008 02:50 PM

هيا الفيوزات اللى عندى اظنها عظمه لان شكلها انبوبى

**michohat** · 06-09-2008 02:51 PM

الفيوزات عندى اظنها عظمه لان شكلها انبوبى

**pointer** · 06-09-2008 05:59 PM

كدا اما تمليح وصداء واما الوصلات اللي ورا واللي جوه البوكس راجع علي توصيلات بدايه من الفيوز وفي الاتجاهين هتلاقي حاجه مش متركبه حلو

**Nader** · 12-09-2008 03:48 AM

الفيوز يعتبر احد انظمة الحماية لمكونات السيارة

الكهربائية. يْقطع سلك صغير بالفيوز عند حدوث خلل

كهربائي بالدورة لتفادي تلف احد المكونات الكهربائية

بالسيارة ويتم تحديد الامبير طبقاً للجهاز المطالب حمايتة

من التأثر بالقفلة الكهربائية.

يعني لو الفيوز مكتوب علية 15 متركبش واحد تاني مكتوب

علية 25 لان بكدة امت ممكن تخسر احد المكونات او الاجهزة

الكهربائية بالسيارة.

**michohat** · 13-09-2008 08:58 PM

الفيوز اللى غيرتة(بيشغل الكلاكس) مش مدى الكفاءة المطلوبة بمعنى ان شوية يفصل الكلاكس وشوية يشغله ودلوقتى لماحاولت احركه فى مكانه طلع شرز وشرار
ولما فكيته كان اطرافه سايحه
ركبت واحد تانى زيه مش كمل معايا ربع ساعه والكلاكس فصل تانى
جيت اشوف الفيوز كان سخن مولع
ايه اللى بيحصل ده والعيب فين؟

**pointer** · 14-09-2008 02:19 AM

مكان ما طلع الشراره هي مكان العطل وهي دي الحته اللي ملخلخه حاول تلحمها
ممكن يكون السلك بتاع الكلاكس ملمس او مهرب كهربا مثلا مياهجت عليه بس الاحتمال الاول هو الاكثر وجود والتاني اعراضه ان الفيوز بيسخن لواحده من غير ما تدوس كلاكس او الشراره تطلع اول ما تركب الفيوز من غير ما تدوس كلاكس اصلا

**michohat** · 14-09-2008 07:06 PM

مش عرفت افك علبه الفيوزات فرحت لواحد كهربائى فقال لى ان ده من كتاوت ده ضعيف فبدل الكتاوت بكتاوت سخان الزجاج الخلفى وركب الكتاوت الضعيف مكان كتاوت السخان
فهل ده كده صح؟ ولا اراجع واحد تانى

**pointer** · 15-09-2008 03:20 AM

الشراره اللي انت شفتها دي طلعت من فين بالضبط لاني ما اعتقدش انها من الكتاوت ومش عاوز اظلم الراجل بس ياريت شرح الحكايه بدقه من الاول وتوضيح ايه اللي سخن وايه اللي طلع الشراره و مشكله التقطيع بتاع الكلاكس انتهت ولا لأعلي شان نحصر المشكله خصوصا اني مش شايفها فالشرح الدقيق مطلوب علي شان اقدر اتخيل العيب فين بس هو غالبا مش هيطلع عن اللي انكتب فوق باذن الله

**michohat** · 15-09-2008 12:12 PM

اللى حصل ان الكلاكس كان بيفصل منى فاكتر من مرة كنت بروح للكهربائى فبلاقية بيقعد يلعب فى الفيوز ويلفه و يظبطه لغايه ما يشغل الكلاكس
فجه الكلاكس عمل معايا اكتر من مرة كده فانا عملت زى ما الكهربائى كان بيعمل
لغايه ما قولت اخلص نفسى واغيرالفيوز فكتبت الموضوع و غيرته ب واحد 25 فبعد ردك عليا فى الموضوع رجعت وغيرته ب 16 وبعد فترة الكلاكس رجع يفصل تانى
ف فى مرة وانا ب أأكد على الفيوز لقيته مع اى حركه منى للفيوز الفيوز بيطلع شرار من اطرافة اللى متوصله مع العلبه ف بطلت العربية و شيلت الفيوز لقيت اطرافة زى ما تكون سايحه وكان الفيوز سخن والشريط المعندى اللى مشدود بين اطرافة مقوس
رحت غيرت الفيوز بفيوز احتياطى معايا وعملت مشوار حوالى ربع ساعه (30 كيلو)
ولقيت الكلاكس فصل تانى
ففكيت الفيوز اشوفة لقيته سخن جدا و كان بادئ يسيح وكنت ساعتها وقت الفطار ف خلعت الفيوز من مكانه (كنت عاوز افصل البطارية) و استنيت شوية لحد ما اطمنت و بعد الفطار رحت لاقرب كهربائي فاتح وحكيت له اللى حصل ف لقيته راح مبدل كتاوت مكان كتاوت فقولت ليه ايه اللى كان فيها قال لى الكتاوت كان فيه مشكله فبدل الكتاوت اللى فيه مشكله مع كتاوت سخان الازاز اللى ورا
ومن ساعتها الكلاكس مش فصل معايا وشغال حلو بس خايف ابص تانى على الفيوز
فهل عندى مشكله فى الكهربا محتاجه اشوف كهربائى تانى؟

الموضوع: هيا الفيوزات فى منها انواع ؟؟

LinkBack

أدوات الموضوع

عرض

-

-

-

-

المواضيع المتشابهه

هى الفورد سكورد انواع؟؟؟؟؟ ولو انواع ....واية الفرق بينهم؟؟؟

سخونه فى الفيوزات

الفيوزات

انواع الدراجات النارية والاستخدام الافضل لكل منها(صور)

شرح لعلبة الفيوزات

الكلمات الدلالية لهذا الموضوع

المفضلات

المفضلات

ضوابط المشاركة