الحمد لله اشتريت امبارح ميجان 2006 اعلى فئة

**medo_molto** · 08-08-2013 11:25 AM

السلام عليكم يارجالة وكل سنة وانتو طيبين وعيد سعيد على مصر كلها ان شاء الله ...تانى حاجة الحمد الله ربنا كرمنى واشتريت امبارح عربية ميجان 2006 سيدان كاملة فتحة سقف وفرش جلد وجنط وهى رشة حزام بس العربية كشفت عليها فى التوكيل وقالى كويسة وفيها حاجات بسيطة هتتعمل عادى فى الصيانة العادية بس فى حاجة مضيقانى اوى ياجماعة ان مفيش غير كارت واحد بس وبيفتح العربية وبيقفلها عادى بس كل محاول ادور يقلى card not dedected وافضل اطلع الكارت اربع خمس مرات عشان العربية تقراه وادور فخايف اوى من الموضوع دا ياريت حد يقلى دا خطر ولا عادى ولازم اعمل مفتاح تانى ولا اية ياريت حد يطمنى لحسن مخنوق من الحركة دى..... تانى حاجة كنت عاوز اغير زيت وقالى صاحبها حط زيت موبيل 3000 وقالى فى اى بنزينة عادى ياترى فى مشكلة ولا حد عندة حاجة افضل ومجربها ومستنى ردكم يارجالة وكل سنة وانتو طيبين تانى

**Ahmed_Ramadan** · 08-08-2013 11:37 AM

ألف مبروك و ربنا يباركلك فيها ... عربية بحبها جدا من حيث الشكل و المضمون ... طيب أنت ليه مسألتش فى التوكيل على موضوع الكارت ده .. عموما فيه واحد معلم فى الحاجات ده عندى فى القاهرة فى جسر السويس هعدى أسألك عليه بس بعد العيد بقى

**حسام السويدي** · 08-08-2013 11:54 AM

الف مبروك

**medo_molto** · 08-08-2013 12:03 PM

الله يبارك فيك ياباشا ومتشكر اوى على اهتمامك بجد ومستنى ردك بفارغ الصبر تانى حاجة انا فى التوكيل العربية كانت معاهم ومعرفتش موضوع الكارت غير لما روحت وجيت انقل مكان العربية الكارت لقيتة مش بيلقط من اول مرة

**kar!m** · 08-08-2013 12:23 PM

ألف مبروك .. ربنا يبارك لك فيها و يحفظهالك

التكييف عامل معاك ايه؟

**medo_molto** · 08-08-2013 12:25 PM

المشاركة الأصلية كتبت بواسطة kar!m

ألف مبروك .. ربنا يبارك لك فيها و يحفظهالك

التكييف عامل معاك ايه؟

هو شغال بس مش قوى اوى محتاج شحن بس انا مش هواه التكيف العالى يعنى بحب الجو يبقى كويس مش اكتر نقدر نقول معقول نسبيا

**ahmad--ezzat** · 08-08-2013 01:07 PM

طيب عندي سؤالين ,,,ليه مكلمتش صاحب العربيه وسالته عن الموضوع ده!! وليه هو مقالكش عليه,,,,طالاما بتقول التوكيل قلك انها حجات بسيطه يبقي ان شاء الله خير

حاول تشيل كبل البطاريه لمده 10 ثواني وركبه تاني وجرب

**mshmshm3** · 08-08-2013 01:10 PM

الف الف مبروك و ربنا يديلك خيرها و يكفيك شرها
روح التوكيل اعمله هايكلفك مبلغ و قدره بس نفسيا هاتبقي مرتاح
او عند بتاع المفاتيح اللي في جسر السويس زي ما في عضو قال ده مشهور فعلا و ممتاز