لانسر شارك 2009 ولا رينو لوجان كسر الزيرو

**IronHead** · 12-08-2013 12:23 AM

المشاركة الأصلية كتبت بواسطة soma2002ss

معلش بتعبكم معايا يا جماعة باستفساراتي الكتير . استاذ ice man نصحني بالهاي لاين اللي هي بتكون اوتوماتيك وانا سمعت ان المانيوال اامن اكتر منها لان الفتيس الاوتوماتيك لاقدر الله لوحصل فيه حاجة مش بيتصلح بشتري فتيس جديد . وان العمر الافتراضي للموانيوال اكتر هل الكلام ده صح ؟

فتايس الميتسوبيشى الاوتوماتيك عمر ماظهر فيها اى عيب, ده حتى المازدا بتستعمل فتيس ميتسوبيشى فى المازدا3 لاعتماديته العاليه ولان نسب التروس بتعطى اداء ممتاز فى السحب واستهلاك بنزين

العربيات الاوروبى تخاف منها فى المستعمل اوتوماتيك عشان تكتولوجيا الفتيس بتاعتهم معقده ومشاكلها كتير

**soma2002ss** · 12-08-2013 04:35 PM

المشاركة الأصلية كتبت بواسطة ironhead

فتايس الميتسوبيشى الاوتوماتيك عمر ماظهر فيها اى عيب, ده حتى المازدا بتستعمل فتيس ميتسوبيشى فى المازدا3 لاعتماديته العاليه ولان نسب التروس بتعطى اداء ممتاز فى السحب واستهلاك بنزين

العربيات الاوروبى تخاف منها فى المستعمل اوتوماتيك عشان تكتولوجيا الفتيس بتاعتهم معقده ومشاكلها كتير

شكرا جدا ع النصيحة احمد باشا بس انا كنت سمعت عموما ان الاوتوماتيك مشاكله اكتر من المانيوال وانه مابيتصلحش
بس خلاص طالما الكل شايف ان ده مش موجود في الشارك يبقي ع بركة لله

**S O P H O S** · 14-08-2013 05:09 PM

الشارك تكتسح فالمقارنة دي

**M I D O** · 14-08-2013 05:46 PM

المشاركة الأصلية كتبت بواسطة soma2002ss

اشكرك ميدو ع النصيحة :oc_sun1[1]:
الحقيقة بعد الاجماع الكبير ده انا هستخير ربنا ان شاء الله ع الشارك بس انا عاوز اعرف نقطتين
الناس قلقتني من اسعار قطع الغيار ؟ هل هي فعلا نار ولا مناسبة مع طول عمرها الاقتراضي .؟
تنصحني اشتري في نهاية الصيف السنة دي ولا استني بداية السنة الجديدة ( الشتاء ان شاء الله )عشان سعر 2009 و 2010 بتاع دلوقتي هيقل مع نزول موديل 2014 ولا مش فارقة ( يعني مش هيقل كتير ؟؟ يارت تقولي رايك يا كبير

اسعار قطع الغيار غالية عشان العربية مش منتشرة اوي وبالنسبة لعمرها الافتراضي مناسبة جدا بس المقصود هنا الحجات المتداولة يعني مثلا مراية اتكسرت تمنها غالي دي الفكرة ولو مش مستعجل في الشراء استني موديل 2014 هترخص شوية

**soma2002ss** · 19-08-2013 02:28 AM

المشاركة الأصلية كتبت بواسطة S O P H O S

الشارك تكتسح فالمقارنة دي

اشكرك ع النصيحة

**soma2002ss** · 19-08-2013 02:30 AM

المشاركة الأصلية كتبت بواسطة Haitham G

انا معترض على فكرة ان العربية قطع غيارها غالية عشان مش منتشرة لانه انتشرت وسيبك الدليل على ان التوكيل هو اللى بيبالغ فى الأسعار ان البومه قطع غيارها غالية برضة اغلى من الاوربى فى حاجات كمان !!!!

اشكرك جدا

**soma2002ss** · 23-08-2013 07:47 PM

طيب لو دخلت الكورولا اوتوماتيك في المقارنة مع الشارك الهاي لاين ؟
مين اللي يكسب ؟

**soma2002ss** · 23-08-2013 07:58 PM

انا كنت في بورسعيد امبارح وحبيت استغل الفرصة طالما انا هناك و روحت ع الميناء عشان اتفرج علي السيارات المستعملة وارد الخارج يمكن الاقي لانسر او كورولا نضيفة و بصراحة فعلا حالة معظم السيارات اللي شوفتها هناك كانت فوق الممتازة خصوصا اوكتافيا a4 هناك كتير لقيت موديل 99 كانت عاملة 45000 مانيوال والاوتو 2004 ب 65000 ومعظم العربيات ماشية من 15000 الي 25000 كم !!!
بس للاسف فوجئت ان العربيات دي مخصصة للاخوة المعاقين فقط شفاهم الله ولا يجوز شرائها حتي من المعاق نفسه الا بعد 5 سنين ....
انا مش عارف هما بيحافظوا ع حالة العربية ازاي كدة ماشاء الله في الخارج .
وانا دلوقتي بحاول ببحث عن معارض سيارات سواء في بورسعيد او القاهرة بتشتغل في العربيات المستعملة وارد الخارج فقط
حد عنده فكرة عن الموضوع ده يا شباب