من 3 شهور كنت مروح على الدائرى قبل الفجر واتخبطت من نقل مقطورة كانت بتجرى من على شمالى وراحت منزلانى تحت عربية نقل تانى عاليمين, راحت ملبسانى فى الحاجز بتاع الطريق وطالعة فوق العربية

العربية اتدمرت بالكامل واتعجنت زى علبة السجاير لما بتتطبق وتتهرس

الحمدلله جت سليمة والايرباج اتفتحت وربنا ستر

وبعد مشاوير وجدال واجراءات وخناقات مع شركة التأمين وتفاصيل كتير قدرت اخلص اجراءات التأمين وهايكون فيه تعويض اقل شوية من قيمة التأمين وللاسف مبلغ التأمين اقل برضه من قيمة اللوجان المستعملة

المهم عايز اجيب لوجان تانى برضه ومحتار بين اللوجان سيدان زى اللى كانت معايا ولا لوجان mcv

انا كان معايا لوجان سيدان 2011 .. لكن سفرى عموما كتير بين المحافظات

غير ان شكل ال mcv سخيف شوية .. لكن موضوع ال 7 راكب والشبكة مغرى جدا وهايكون مفيد فى السفر
بس مش عارف سعرها كام جديد ومستعمل كام وانهى موديل احسن؟

وعموما لو هاجيب سيدان او ستيشان فمنين اجيب مستعمل نضيف ومضمون وبسعر كويس