عملت حادثة صعبة واللوجان اتدمرت بالكامل بس عايز اجيب لوجان تانى, محتار

**georgedada82** · 11-08-2013 01:41 AM

يبقي عندك الام سي في كويسة وعندك التويوتا الافانزا برضو كويسة

**Land_Cruiser** · 11-08-2013 02:00 AM

هي ال mcv بس مشكلتها في الانتشار مقارنه باالوجان فمش هتلاقي المستعمل منها كتير زي اللوجان أما لو عايز لوجان سواء مانيوال او اتوماتيك فهتلاقي منها كتير علي كونتاكت كارز و غيره من مواقع بيع المستعمل

**profrivo** · 11-08-2013 03:37 AM

انا شايف لوجان عادية و تركب لها شبكة ... لان فعلا اللوجان المستعملة هتلاقيها متوفرة اكتر و كمان شكلها الى حد ما افضل و اكيد سعر إعادة البيع بتاعها هيكون احسن

**ghosty1313** · 12-08-2013 05:51 PM

عموما انا لسة بدور
وفعلا العثور علي لوجان ام سي في ومستعملة صعب جدا

المشكلة دلوقتي ان بتوع مصر للتأمين عقدوها تاني وبيقولوا انهم مستغربين ان ازاي طلعت سليم من الحادثة ولسة عايش

فلسة عايزين اسبوعين كمان علي الاقل علشان يعملوا استعلام وتحقيق واجراءات

شكلي هاحاصر لهم الشركة

**Land_Cruiser** · 12-08-2013 06:21 PM

المشاركة الأصلية كتبت بواسطة ghosty1313

عموما انا لسة بدور
وفعلا العثور علي لوجان ام سي في ومستعملة صعب جدا

المشكلة دلوقتي ان بتوع مصر للتأمين عقدوها تاني وبيقولوا انهم مستغربين ان ازاي طلعت سليم من الحادثة ولسة عايش

فلسة عايزين اسبوعين كمان علي الاقل علشان يعملوا استعلام وتحقيق واجراءات

شكلي هاحاصر لهم الشركة

لا حول و لا قوه إلا بالله . ايه اللي مستغربين منه مش فاهم.. اهي اي مماطله و خلاص. معلش حضرتك انتظر و لو في امكانيه حضرتك تزود المبلغ شويه و بتفكر في بدائل تانيه ممكن تفكر في حاجه زي الكارينز الشكل القديم . العربيه دي كبيره وواسعه و سعر اعاده البيع بتاعها كويس قوي و قطع غيارها متوافره. هي 5 راكب بس واسعه من جوه و شنطتها كبيره و كويسه

**ahmedeg1** · 13-08-2013 02:55 AM

المشاركة الأصلية كتبت بواسطة k.lotfy

حمد الله على السلامه ... هو انت احمد ماهر مؤسس 6 ابريل؟

أيوه هو أحمد ماهر 6 ابريل

**ahmedeg1** · 13-08-2013 03:01 AM

بص ساعت الميكانيكيون العرب و محمد زكى بيبقى عندهم عربيات استعمال نضيف و ممكن تسأل أحمد طعيمه مسئول توكيل رينو و على العموم انا هسألك و حمد الله على سلامتك من الحادث انا شفت العربيه والعربيه فعلا كانت معجونه و ده اثبتى اد ايه العربيه دى فعلا محترمه و ربنا ينجى كل واحد من الشرور امين

**Egyzizo** · 13-08-2013 01:23 PM

المشاركة الأصلية كتبت بواسطة ghosty1313

شكلي هاحاصر لهم الشركة

يبقى هو أحمد ماهر ههههه ..

المشاركة الأصلية كتبت بواسطة ghosty1313

وفعلا العثور علي لوجان ام سي في ومستعملة صعب جدا

مش صعب قوى ولا حاجة ..
فيه عربية لسه نازلة النهاردة على كونتاكت
موديل 2011 ، على 85 ألف ..
كلم صاحبها وشوف أخبارها 01203565544

ده غير كذا عربية كمان معروضين من كام يوم :

http://www........cars.com/usedcars_...7&CarModel=390

وفيه ييجى 10 هنا
http://egypt.motorsyard.com/cars/use...v#.Ugn8CdKKo2Y

**tamer61** · 15-08-2013 01:43 PM

حمد الله علي سلامتك وقدر الله وما شاء فعل
غريبه جدا حكاية بتوع مصر للتأمين إللي مستغربين إنك طلعت سليم .... إيه الناس التعبانه دي .... أي حوار في أي كلام زبعدين هو ده يخليهم يماطلوا في إيه .... علي وصفك كده العربيه بقت Total Loss يبقي لازمتها إيه المماطله الفارغه دي .... عموما هيا عادتهم كده