الموضوع: مشكلة عند تشغيل التكيف

طيب اول حاجة المفروض العربية دية تعلى شوية , لان الطبيعى 850 لفة مش 600 لفة

يبقى حضرتك هتنظف بلف الايدل , ويفضل تعمل نظافة لل throttle body

- موضوع خنقة العربية مع التكييف وانها تفتح وتقفل السحب كل شوية , دة معناة ان ضغط الفريون عندك زائد عن الطبيعى
فياريت تظبط , الضغط

وكمان تقوم بتنظيف السربنتينة والريدياتير بضغط مياة خفيف

1- العربية فى الطبيعى بدون تشغيل التكييف بتكون على 850 لفة

مع تشغيل التكييف لو كل حاجة عندك تمام , الاربى ام بيرتفع 500 لفة يعنى بيكون 900 لفة

غير كدة يبقى انت عندك مشكلة

موضوع بقى انك تعليها وتوطيها , هو مش اى مشكلة بتكون حلها تعلية العربية وخلاص , لأ انت ليك وضعية فى مسمار الفاكيوم المفروض ماتزيدش عنها او تقل عنها , لو الوضعية دية اختلفت , معناة وجود مشكلة عندك فى vacum العربية ودة بيكون نتيجة ان فية Sensor مش قارى كويس , او ال idle عايز يتنظف او يتغير ان لزم الامر

فلازم تبدأ الاول بالتنظيف قبل ماتعلى او تبدأ تلعب فى الحاجات دية , لان لو هتعليها بدون حل جذرى للمشكلة معناة انك بتزود استهلاك البنزين على الفاضى والمشكلة هتفضل تزيد لحد ماهيبقى مش نافع معاها حاجة , وهتفك بردة فى الاخر وتنظف

المشاركة الأصلية كتبت بواسطة ahmedshetewy

x ماشي ياسامح إن شاء الله هانضف الايدل وقولك عملت ايه

بقولك اية ياباشا , انت كنت جايب صدادات اللى بتتركب فى السوست , صح , كنت جايبهم منين وبكام , عشان فية ناس عايزة تشتريها