مشاكل الجيلى ايمجراند

**M I D O** · 14-08-2013 03:10 AM

المشاركة الأصلية كتبت بواسطة dedi

اسمحلى اقول لك الموضوع مختلف انا بردة فى مجال السياحة و خريج سياحة و فنادق لو الزبون متفق على افطار كونتنتال حضرتك سوف تنزل لة مخبوزات دانش و كرواسون ....... و عصير و قهوة ....... و غير كدة يبقى من حقة يشتكى و لكن افطار عادى اى افطار ممكن يكون شرقى و الزبون موش هايشتكى لكن لما تقدم لة غرفة بحمام و المية بتسرب و ترشح من كل مكان او غرفة بتيلفون و لا يعمل او تليفزيون و لا يسقبل اى قنوات كدة اسمة نصب و يقع تحت طائلة القانون
انا عندما اتكلم عن العربية و الجودة لا اقارن بينها و بين الكورى انا اقارن بينها و بين نفس الماركة و لكن تجميع الصين يعنى بص على العربية فى السعودية و قارن و شوفها فى روسيا و الدول الشرقية الناس مبهورة جدا هو بعد 1000 كيلو الدوكو يغير و يعمل بقعة و الفرامل تعمل صوت و لمبة الشيك تنور و صوت الشكمان و السحب الذى مثل البطة و البطارية و الكاسيت .................... دة تسمية اية
انا شايف الموضوع بسيط يستوردها مجمعة من الصين و يريح

مستحيل يستوردها من الصين لسببين الاول هيبقي عليها 40% ضرائب ودة معناة العربية ان سعرها هيزيد ل 110 الف او اكتر عشان يحافظ علي ارباحة ثانيا لو رفع السعر للرقم دة محدش هيشتريها عشان كدة هية ماشية معاة بقلاوة كدة

**M I D O** · 14-08-2013 03:12 AM

المشاركة الأصلية كتبت بواسطة dedi

طيب انا راضى ضمير الناس دة يندرج تحت بند اية
ياناس 82500 جنية واخذ عربية بها هذا الكم من العيوب ياراجل دة الواحد دمة اتحرق بتمنها و تعكنن
صدقن عندى لانوس 2000 و مرشتش لغاية دلوقت يادوب من سنتين لون السقف ابتا يغير بسبب ركنتها اليوم كلة فى الشمس
فاكر لما مصنع لانوس قفل و جمعوها فى مصر بدون خبراء كوريين و لا مكونات -- كان الكتير منها صينى ماكناش بنسمع عن عيوب فيها
صدقنى احنا شعب غلبان احنا موش عاوزين bmw احنا عاوزين عربية جيدة بدون عيوب و مشاكل معقولة دة نفس العربية فى السعودية 1800 سى سى و مافيها العيوب بتاعة هنا طيب لية

لازم يكون في رقابة علي اي منتج و للاسف العربية جميلة جدا ومحققة مبيعات خرافية برة مصر وفي مصر محققة مبيعات كبيرة برضو حاليا بس بالاسلوب دة و سوء مراكز الخدمة هيدمر العربية في مصر لازم كل المشاكل تتحل في موديل 2014 و الموديلات القديمة تروح تتصلح كلها

**M I D O** · 14-08-2013 03:13 AM

[QUOTE=dedi;3875131912]

المشاركة الأصلية كتبت بواسطة m i d o

عارف يا باشا انا بافكر شكوى لجيلى فى الصين

اتوكل علي الله وياريت تكتب كل المشاكل الي قابلت الناس في مصر ولو بعتلهم ابقي اكتب هنا نص الرسالة عشان ابعتها انا كمان عشان يشوفو حل معا غبور ويظبطو العربية

**M I D O** · 14-08-2013 03:13 AM

المشاركة الأصلية كتبت بواسطة meggieboy

تعليق على موضوع العيوب.....مش معنى أن سعر العربية ٨٥٠٠٠ ألف جنيه أن العربية تكون شربه و مليانه مشاكل.....سعر العربية رخيص لانها مكونات صيني متجمعة فى مصر مش لانها حتة خردة على قد فلوس الزبون
العربية الصيني رخيصة عامة لانها بتستخدم تكنولوجيا محركات و تروس قديمة من شركات كبيرة عالمية زى تويوتا و ميتسوبيشى....فبتكون سعر المكونات دى رخيص مقارنة بالتكنولوجيا الحديثة الموجودة حاليا اللى بيضاف عليها سعر البحث و التطوير....

العيوب دى نتيجة سوء تجميع من مصانع غبور مع و هو الأهم عدم الاهتمام بالجودة من المورد المصرى ( البطاريات، الكاسيت، الشكمان، .....) و مسؤلية مهندسو غبور فى عدم اختبار المكونات المستلمة من الموردين الصيني و المصرى و عمل اختبارات جوده لكل مكون و اختبارات تحمل و اختبارات عمر افتراضي زى ما أى مصنع محترم فى العالم لازم لازم يعمل بالإضافة لعدم متابعة عملية التجميع و خصوصا فى البداية من شركة عالمية محترمة زى خبراء من تويوتا أو ميتسوبيشى أو كده فى اول كام شهر لتدريب المهندسين المصريين على تجميع هذه السيارة فى مصر...مش الأسبوعين اللى سافروهم الصين أتفرجوا على خط تجميع السيارة و رجعوا و كده يبقى تمام......

طبعا بعد المنتج النهاءى ما يطلع لازم أخد كام عربية من اول إنتاج و اعملهم اختبارات شاقة و كمان أدى طقم المهندسين المسؤولين عن التجميع عينات للتجربة الفعلية و التقييم على الطرق المصرية فى مختلف الظروف و بعد كله ده انزل العربية السوق للمستهلك و اعد حاطط رجل على رجل و سمعتى زى الفل.....مش معنى كده أن مفيش مشاكل هتظهر و لكن مش هتكون ضخمة و لا متكررة زى الموجود دلوقتى.....

اللى بقوله ده مش انشا و لا أحلام و لا كلام كتب....ده ألف به تصنيع لأى شركة محترمة عايزه تحافظ على اسمها و بتحترم عميلها.....

انا لما بشترى صيني و نتيجة لرخص السعر عن الأوروبي ببقى عارف أن اعتمادية القطع اقل بكتير من الأوروبي .....دى حاجة معروفة و متفق عليها لكن اللى بيحصل ده عيوب صناعة ١٠٠٪ و عيوب تجميع و مكونات و منتج تام لم يختبر لكى ينزل السوق فى اسرع وقت ويحقق اعلى مكسب بغض النظر عن الجودة.

للأسف غبور بيستخدم المستهلك كحقل تجارب لسيارته.....منتهى الاستخفاف بصراحة و لن تتقدم مصر فى الصناعة طول ما هذه الثقافة و هذا الاستخفاف سائد.

قلبى مع كل اللى اشترى هذه السيارة و عنده مشاكل فيها.

كلام سليم 100% ومفيش كلام يتقال بعد كلام حضرتك

**dedi** · 15-08-2013 01:06 AM

المشاركة الأصلية كتبت بواسطة M I D O

مستحيل يستوردها من الصين لسببين الاول هيبقي عليها 40% ضرائب ودة معناة العربية ان سعرها هيزيد ل 110 الف او اكتر عشان يحافظ علي ارباحة ثانيا لو رفع السعر للرقم دة محدش هيشتريها عشان كدة هية ماشية معاة بقلاوة كدة

اختلف معاك يا باشا موش هايبقى فرق اعتقد لانة كدة كدة بيدفع ضرايب و ايضا العديد من السيارات التى مستوردة من الصين بتتباع بسعر منافس جدا مثال المابل الشيرى a 15 و qq و التانجو و الاينفى الجديدة التى تعتبر بسعر منافس للايمجراند و كلهم تصنيع الصين و الكثير غيرهم

**M I D O** · 15-08-2013 04:59 AM

المشاركة الأصلية كتبت بواسطة dedi

اختلف معاك يا باشا موش هايبقى فرق اعتقد لانة كدة كدة بيدفع ضرايب و ايضا العديد من السيارات التى مستوردة من الصين بتتباع بسعر منافس جدا مثال المابل الشيرى a 15 و qq و التانجو و الاينفى الجديدة التى تعتبر بسعر منافس للايمجراند و كلهم تصنيع الصين و الكثير غيرهم

لا يا باشا انت فاهم غلط بص بقي يا كبير اي عربية تجميع محلي بيكون الضرائب عليها 5% فقط واي عربية تجميع بلادها الضرائب 40% و الانفي تجميع صيني لانها اول انتاج وباقي خطوط الانتاج تجميع محلي زي البي واي دي كدة اول ما نزلت و الاسبرانزا 516 كانت صيني وبعدين تجميع محلص

**M I D O** · 15-08-2013 05:00 AM

المشاركة الأصلية كتبت بواسطة dedi

دلوقت قريت على الفيس صفحة الايمجراند الناس مبهورة و احد يقول انا اعشق الايمجراند والاخر يقول اية يعنى بالرغم من العيوب بس ممتازة والاخر يقول عيوب بسيطة شئ مستفز جدا كانة الناس موش تعبانة على القرش و لا خلاص احنا اخذنا على اليدينا على قفانا ولا فية ناس ماشية بنظام انا و قعت واوقع غيرى و كل ماتنتشر مصلحة للصيانة و قطع الغيار و اعادة البيع الذى بيعمل كدة هايروح من ضميرة و ربنا فين
انا دمى اتحرق من المكتوب ومارضيتش اكتب اى كومنت يعنى دهان زى الزفت ومشاكل السحب للموتور الغير متناسب مع الحجم وكاسيت و تكييف بهم مشاكل و عفريت لمبة الشيك و تيل الفرامل واحد فى مرة كاتب انة بعت اشتراة من برة علشان ضمان جودتة و بطارية سيئة و فبرة التانك الخامتها زبالة و بتتكسر ..........و يقول اية باعشق الايمجراند يااخى حرام عليك
عيوب اللانوس فىبداية تجميعها سنة 2000 كان بيقولوا انة فرامل اليد بتسخن بسبب و جودها بجوار الشكمان و كانت الدنيا قايمة و قاعدة بسبب العيب دة الذى لم يكن موجود اصلا وعجبى على الذى يحدث دلوقت

انا فعلا شفت الكلام حتي كتبت كومنت قلت لما حضراتكم كلكم مبهورين بالعربية امال مين الي بيشتكي منها انا مستغرب جدا بصراحة يمكن هما العربية معاهم معقولة الله اعلم او يمكن فيهم الي زي حالاتي يعني انا لما انقل للام 11 او الاميجراند ان شاء الله هحس بنقلة تاريخية لاني طالع من شاهين عموما ربنا يصلح الحال وغبور يراعي ضميرة شوية

الموضوع: مشاكل الجيلى ايمجراند

LinkBack

أدوات الموضوع

عرض

-

-

-

-

-

-

المواضيع المتشابهه

رائيكم ايه فى الجيلى ck 2006

سؤال منطقى عن الجيلى

ما رأيكم فى الجيلى ck 11

هى الجيلى Mk كويسه وليه

بخصوص الجيلى فروتته

الكلمات الدلالية لهذا الموضوع

المفضلات

المفضلات

ضوابط المشاركة