ساجااو لوجان او فيرنا او لانوس او بى واى دى

**abohend** · 29-01-2014 03:15 PM

المشاركة الأصلية كتبت بواسطة m i d o

بعد دراسة الافضل منهم كعربية ال byd لاكن اسوء توكيل ومراكز خدمة عشان كدة في رايي في المجمل الافضل فيهم الفيرنا انما الباقي الي مش معروف عنة حاجة زي الانفي و الي مليان مشاكل زي الامجراند

الله الله
قلبت على الإيمجراند كده ليه يا ميدو
ده أنا قلت إنت أول واحد هيرشحها

**omar101970** · 21-05-2014 06:40 AM

فيرنا

**abdoumahros** · 09-06-2014 09:50 AM

انا معايا ساجا والحمد لله زي الفل

**zohdy** · 09-08-2014 12:34 AM

ساجا بيها abs وebd وesp وسائد هوائية للسائق

ده اهم حاجة في الطريق والماتور شغال والتكيف كويس
مش فيرنا ماتور قوي علي هيكل ضعيف وبدون abs يبقا انتحار رسمي في اول حادثة

**zohdy** · 09-08-2014 12:35 AM

مقارنة بين مواصفات واسعار ميتسوبيشى اتراج وبروتون ساجا 2014 - جريدة البورصة

**Omar Mahmoud** · 12-08-2014 10:12 PM

المشاركة الأصلية كتبت بواسطة zohdy

ساجا بيها abs وebd وesp وسائد هوائية للسائق

ده اهم حاجة في الطريق والماتور شغال والتكيف كويس
مش فيرنا ماتور قوي علي هيكل ضعيف وبدون abs يبقا انتحار رسمي في اول حادثة

متأكد إن الساجا اللي في مصر فيها كل ده؟؟؟؟
لو برة مصر اقوللك ماشي
إنما اخر حاجة اعرفها عن الساجا في مصر إنها بدون abs,ebd و ايرباج واحدة و ايموبلايزر بس

**ahmzd** · 31-08-2014 09:30 PM

لوجان من نتائج الاستطلاع .. اكتساااااااااااااااااااح !!

**M_HaFeZ** · 01-09-2014 12:06 AM

لو اهم حاجه عندك هى انتشار قطع الغيار وهتبيعها بسرعة يبقى تحط الفيرنا واللانوس فى المقدمه
غير كده ولا يقارنوا باى عربيه من اللى فى المقارنه رغم تقارب الفئه السعرية
الفيرنا موتور قوى وسرعة كبيرة بدون وسائل امان واتزان سئ صالون ضييق يبقى بلاش منه اصلا
اللانوس معقول ثبات جيد بدون وسائل امان موتور محترم قطع غيارها متوفرة جدا ومنتشرة زى ال 128 فى التمنانينات

ال byd اكيد تقصد ال f3 اتساع ممتاز وشنطه كبيرة قطع غيار منتشرة الصينى والمتوافق من التويوتا كورولا فى العفشة وسائل امان محترمه

لوجان لو تقصد نيو لوجان عربية جميله جدا واسعة اوى من جوه تابلوه شيك وسائل امان عالية عن الارض

انفى مش منتشرة رغم ان شكلها اكتر من ممتاز بس مفيش معلومات كتير اعرفها عنها

ساجا جميله ... مش متاكد بخصوص الامان ضيقه شويه اعتقد هتبقى نفس وسع الفيرننا مثلا انتشارها مش عالى قطع الغيار هتبقى مرتفع تمنها مقارنة بقيمة السيارة

ايمجراند من اكتر العربيات اللى باعت فى 2014 عيوبها بالنسبه لى عفشة ناشفة ... كراسى ناشفة
وعيب عند بعض الناس وهى انها مانيوال فقط وانتشار مشاكل الباروما بس عربيه جميله من جوه ومن برة

اعتقد اى عربية غير الفيرنا واللانوس هتقدملك شئ جديد بدل ثقافة التمنانينات حيث ان الامان رفاهية جدا

**memo_p910** · 02-11-2014 10:26 PM

الساجا افضلهم كقيمه مقابل السعر ب 88000 الف اوتو كامله مستورده بالكامل من ماليزيا متانه ورساوه على الطريق ماتور كامبرو انجليزي قوي وعفشه من لوتس وصالونها واسع فيها مشكله واحده فقط لا غير هي ان كتير اشتكوا من استهلاك البنزين

**carrier** · 07-11-2014 12:44 PM

ترشيحى للبروتون عموما
لأن الماليزيين عملين عربية مفهاش مشاكل الا مشاكل دلع ظهرت

فعلامة بروتون فعلا محتاجة وكيل محترم يستثمر علامتها صح غير عز العرب

مشاهدة نتائج الإستطلاع: ايهما افضل من وجهه نظرك

الموضوع: ساجااو لوجان او فيرنا او لانوس او بى واى دى

LinkBack

أدوات الموضوع

عرض

-

-

-

-

المواضيع المتشابهه

فيرنا أم لانوس أم لوجان أم بي واي دي إف3 أم إسبرانزا 516

محتار بين فيرنا او لانوس او لوجان

اسبيرانزا 516 ,لانوس,لوجان.فيرنا

لانوس فيرنا لوجان a516

لوجان ولا فيرنا ولا لانوس؟

الكلمات الدلالية لهذا الموضوع

المفضلات

المفضلات

ضوابط المشاركة