سؤال بخصوص السحب والجنوط

**egyptian_eagle** · 11-08-2013 03:56 PM

السلام عليكم ورحمة الله وبركاته

كل سنة وانتو طيبين
انا لسة معنديش خبرة اوي في موضوع العربيات لكن بدأت افكر اشتري عربية وده اللي خلاني ابدأ اسيرش علي كل حاجة في العربيات عشان ابقي فاهم انا بشتري ايه...واثناء السيرش قابلني بعض المفاهيم اللي مش فاهم معناها وبشوفها كتير في تقييم العربيات فياريت لو حد يفهمني الحاجات دي معناها ايه:

-ايه المقصود بسحب العربية؟؟؟
-ايه هو الجنط؟؟

دي اول مشاركة ليا في المنتدي واتمني اني الاقي ردود عند اهل الخبرة الكرام

سلام عليكم

**aw2100** · 11-08-2013 04:48 PM

اهلا بيك فى المنتدى بالنسبة للجنط اللى هو الجزء الحديد اللى جوة الكاوتش اللى بيبقى مربوط فى العربية ده
وبالنسبة للعربية عاوز مواصفاتها اية عائلية ولاشبابية وبكام فلوس ؟
https://encrypted-tbn3.gstatic.com/i...KRzEuH9Nzup_UK

**borio1704** · 12-08-2013 06:03 AM

السحب هو التسارع... أو بمعنى آخر.. هو مدى استجابة العربية لدوسة البنزين، وتقدر تقول عليه إنه محصلة قوة الموتور في مقابل كل أنواع المقاومة اللي بتواجه العربية.

قوة الموتور تعتمد على تصميمه وكفاءة احتراق البنزين فيه، بالإضافة لأي مشاكل فيه ممكن تنزل من القوة اللي طالعة منه

المقاومة بقى ما لهاش حدود... يعني من أول وزن الركاب وأي أوزان تانية زيادة على وزن العربية الأصلي... لمقاومة الهواء وانت ماشي بسرعة عالية... للقيادة في المرتفعات... لنوعية الكاوتش... ونوعية الطرق.. بالإضافة إلى أي مشاكل ميكانيكية أو كهربية بتعمل إعاقة ومقاومة للعربية... إلخ.

بس أنا شايف إن حضرتك لسه جديد في السواقة... أنا لو منك... ما تشتريش عربية جديدة... علشان حتزعل قوي لما العربية يحصلها حاجة بسبب غلطة ممكن تغلطها .. وده شيء طبيعي .. إحنا بني آدمين بنغلط... بالذات واحنا بنتعلم.

الصح.. اشتري عربية مستعملة.. اتعلم فيها.. ويفضل تكون رخيصة نوعا ما.. قعدها عندك سنة أو سنتين بالكتير... ولما تبيعها مش هتخسر فيها.

وساعتها.. لما تشتري عربية جديدة.. خبراتك اللي اتعلمتها في العربية القديمة حتفيدك كتير في الجديدة... وكده هتحافظ عليها... وعمرها هيطول

...

**aw2100** · 13-08-2013 12:37 AM

المشاركة الأصلية كتبت بواسطة egyptian_eagle

سلام عليكم
متشكر جدا لرد حضرتك وللشرح الوافي
انا فعلا مكنتش مهتم خالص بعالم السيارات والسواقة والكلام ده بس لما احتجت اشتري عربية لقيت نفسي محتاج اعرف حاجات كتير.
وبخصوص اني اشتري عربية مستعملة في الاول ده هيبقي صعب شوية لكذا سبب اولا اني اكيد هبيعها بخسارة ثانيا ان اسعار العربيات في ازدياد مستمر ثالثا ان انا الحمد لله مش من النوع المتهور ومش ههلكها معايا ولا هعرضها لاي اذي.

شكرا ليك مرة تانية عالرد :)

سلام عليكم

معلومه ليك العربية الزيرو بتخسر فى بيعها اكترمن المستعملة بمعنى لو عربية فى حدود 120000 وجيت تبيعها تخسر 15000 فى اول سنة استعمال وهى على حالتها فبريكة لكن لو عربية مستعملة ب 120000 برضه ممكن تكسب فيها لما تبيعها او تجيب نفس ثمنها انصحك تشترى عربية مثلا جولف او ابيزا فى حدود ال40000 مستعملة تتعلم عليها السواقة والميكانيكا كمان لمده سنة ولما تبيعها مش حتخسر معاك قوى والفرق لو لاقدر الله اتحكت او حاجة فى الموتور حصلت بتتصلح بملاليم واسمها عربية مستعملة لكن لو ده حصل فى عربية 0 بينزل سعرها فى الأرض وبراحتك طبعا !!