الموضوع: ما الحل في تهريب المخدرات في ابواب السيارات !!

الكلاب البولسية دي بتبقى كلاب مدمنة على المخدرات اساساً
لكن اذا المخدرات متغلف تغليف فاخر ومفرغة من الهوى وملفوفة حلو لفه كده شيك ونضيفه
هل تتوقع ممكن الكلب يشمها استحالة. بالذات ان العربية الجديدة بيبقى ريحتها ريحت الفبريكة الي هيا مزيج من ريحة. الباتيكس. او الصمغ. الاوهو مع رائحة الجلود وريحة الباتيكس فس حد ذاتها لو شمتها مره او مرتين انتا خلاص ادمنتها تماماً زي العيال الي بتدمن الكولة .
ده غير ان الكلاب البولسية الداخليه مبتغزهاش زي زمان .... كان زمان تلاقي الكلب كده قد الاسد. النهرده تلاقي القلب ياعيني مخستع. وموقفينوا على باب سيتي استار وكام كلب هنا وهناك وبس



وهو لو الشرطة شايفه شغلها. اومال المخدرات الي مغرقة البلد دي جيه منين
ولا تكنش مزروعه. محلي. واحنا مش عارفين ... ولا الاسلحة الي العيال بيبقوا فارشين على الارض فوق اي رصيف بيبعوها دي بتعمل ايه ... ثم احنا كلنا لينا قرايب في الشرطة وانا بقول لحضرتك مش شغالين .
طيب هسئل حضرتك سؤال مش حضرتك اخوكي ضابط وساكن وراكي. طيب هل حاضرتك شاعره بالامن في بيتك !!
ومحدش يقلي اصل الاخوان ومرسي وبتوع رابعه وحسني. والبرادعي والكلام ده كلو انتا ضابط ملكش دعوة بالسياسة فييين الامن ... ده العالم كلو. لاموا الجيش الامريكي اول ما احتلوا العراق انهم حلو جهاز الشرطة العراقية يعني تصوري لو البلد محتله من قبل دولة تانية. الشرطة تفضل شغاله عادي وملهاش علاقة بالي بيحصل .

حتى في مصر ايام مكانت محتلة مصر من الانجليز ولا الفرنسين ولا حتى الجن الازرق الامن بيفضل شغال والعساكر رايحه جيه في الشوارع شايفه شغلها ... حتى. لو في غارة على مصر. كان الباش شويش تلاقيه واقف زنهاااااار كده زي الاسد في الشارع بيصفر بالصفارة ويقول طفو النووور غارة طفو النور .

فين الكلام ده حالياً ... انا مش شاعر بالامن
وتعالي حضرتك انزلي عندنا كده وخديلك لفه ، مدينة طويلة عرررررررررررررررريضة امشي فيها براحتك من شرقها لغربها
وعدي كام عسكري هتشوفيه ولا كام ضابط شرطة هيوقفك ولا حتى شوفي فيها كام امين شرطة
عمرك شفتي حضرتك دولة محترمه في الدنيا تتصلي بالنجدة بتاعتها يديكي الرقم جرس مشغول ... ده بره لو اتصلت على النجده مش محتاج اقولهم مكاني فين. هما بيحددو الموقع ويقلك في ظرف خمس دقايق هتكون عربية عندك تنجدك حتى لو كانت وحده جوزها بيضربها من حقهااا تتصل بالشرطة تستنجد بيهم ويجيو. ينجدوها فين الكلام ده في مصر ... هتلاقي الزباط. يقولوا بتريقة تلاقيها حرقت صنية البطاطس. وجوزها ظرفها قلمين ياعمي نفض نفض .... مع ان ممكن واحد يكون جوزها مجنون او اتجنن وفقد اعصابوا وهيقتلها ويقتل عيالوا (( اااه ممكن جتلوا لسعة جنان ) )
فين دور الشرطة في نجدة المواطن فين !!!
جربي اتصلي على الشرطة وصوتي في التيلفون وقلولي الحقوني في حرامي هيقتلني او واحد تحت البيت رافع سلاح وشوفي اذا حد رد عليكي واذا ردوا هيجولك بعد كاااام ساعه

مش عاوز اقولك. مره زمان ابني الصغير سهاني وفتح الباب وخرج في الشارع اتصلت بالشرطة ٩٩٩ بلغت بعتولي عربيتين في ظرف خمس دقايق. وفي ظرف عشر دقايق كانت تلات عربيات كابريس. وواحد بيوك مش فاكر ولا اولدز موبيل كانت عمالة تلف. في المربع السكني مع العلم اني علشان اعمل بلاغ رسمي. لازم يمر على اختفاء ابني ٢٤ ساعه بس هما قدروا اهمية الوقت. بالنسبة لحياة طفل صغير .... قوليلي فين الكلام ده في مصر .

مع احترامي لمشاعرك النبيلة وحبك لمصر ... بس فاكرتيني وانا بقول لاخويا ابنك فاشل طالع بمادتين. لقيت مرات اخويا بترد عليا و بتقولي ماهو الواد بيذاكر بطلوا انتوا بس تحبطوه وهو ينجح هههههههههه

وتحياتي متزعليش مني انا بحب ادحك من غلبي واللهي ... وتحياتي كمان مره :)