الموضوع: عسكرى ولا ظابط احتياط !!

راي عسكري
والله اعلم

شكرا ع تفاعلكم ونصايحكم هيا وسام ع صدرى
وربنا يكرمكو فعلا انكو بتحبوا المساعده لوجه الله

المشاركة الأصلية كتبت بواسطة mero100

سيبها علي الله ... و استعن بالله ... و تأكد ان الله حيوفقك للي فيه الخير .

كله ع الله وانا متاكد ان ربنا هيختارلى الاصلح باذن الله

المشاركة الأصلية كتبت بواسطة mostafa.ismail

المعلومة دى خاطئة .. خش عسكرى وخلص السنة واطلع شوف حالك.

الحقيقه بيتحكيلى من واقع التجربه لناس كتير ان كرامه العكسرى بيتمسح بيها الارض
للاسف
تانى حاجة انا لو دخلت عسكرى وخرجت ملقتش شغل هلوم نفسى جامد انى عملت كده

المشاركة الأصلية كتبت بواسطة eso101

أنا شايفك مايل لظابط إحتياط
عسكري الميزة الوحيدة من ناحية المدة
لكن تعامل سيء جدًا
الظابط تعامل أفضل ومدة أطول
محدش هيقدر يفيدك
أنا شخصيًا كنت بتمنى عسكري عشان المدة
لكن لبست ظابط إحتياط
متنساش ظابط 3 سنين فالأيام السودة دي

طب وحضرتك من واقع الخبره شايف ايه الاختيار الانسب ؟ّ!

المشاركة الأصلية كتبت بواسطة samyyousef

موضوع أن الضابط له مكانه كويسة و افضل من العسكري ...فيها كلام
المفروض أن كلاهما يعامل معاملة تحفظ كرامته
العسكري هو ادنى الدرجات، لكن الضابط تعلوه رتب أعلى منه كما أن تصنيفه داخل الجيش انه احتياط و ليس ضابط عامل، فإذا كان العسكري سيعامل معاملة تحط من كرامته فسيلقى الضابط ذات المعاملة من الرتب الاعلى، اما اذا عُمل العسكري معاملة تحفظ له كرامته فابلتبعية سيعامل الضابط كذلك....ايا ما كان الامر
اتصور لو انك امامك فرصة عمل فيفضل ان تجند عسكري
اما لو لم يكن في الافق فرصة او لا تتوقع فوات فرص فيستحسن ان تدخل ضابط
بعبارة اخرى لو انك تبحث عن عمل في القطاع الخاص يفضل ان تلحق بسوق العمل بدري و ان تجهز نفسك بالدراسات و الكورسات اللازمة
اما لو انك ستعمل في الحكومة فسيحتفظ لك بعملك طوال فترة الخدمة فالتدخل ضابط
كلام حضرتك الصح واانا متاكد من كده مليون الميه
بس للاسف مش ده للى بيحصل عايز اقل لحضرتك ان العسكرى نفسه لو طال فرصه للركوب مش هيتردد الا من رحم ربى
وده بان لما رحت اكشف اما بيصدقوا اى حاجة يزعقوا ويقلوا من كرامه اللى اداموا

المشاركة الأصلية كتبت بواسطة mido01050

المعاملة بتفرق ان محدش يقدر يعسفك زي مبيعملوا في العساكر لأني كنت ضابط احتياط لكن مبتتعاملش زي الضابط العامل بس انا طبيب بشري فكان معظم المعاملة على اني طبيب و كل الوحدة بتقلي يا دكتور من اصغر لاكبر رتبة.. اعتقد كونك مهندس هيفرق برده في المعاملة و الناس هاتتحترمك و تقدر مؤهلك
مشكلتك انك ملكش وظيفة بره الجيش و هتضطر تدور من اول و جديد يعد الجيش

بالظبط عدم وجود فرصه شغل بع دالجيش مخلينى بفكر اكتر
ربنا يقدم الاصلح

المشاركة الأصلية كتبت بواسطة ice_man

ياباشا مش ناقصة عطلة .. عسكرى و خلص بسرعة و شوف مستقبلك

كله بايد ربنا
بس انا لو خخلصت بسرعه وقعددت ف بيتنا او اشتغلت شغلانه بالمرتبان التعبانه اللى بنسمعها دى
هبقى خسرت انى مكملتش ف الجيش

المشاركة الأصلية كتبت بواسطة hugan

الضابط الاحتياط اي نعم ضابط لكن درجه تالته
الضباط العاملين بيعاملوهم معامله سيئه
غير ان كل الشغل بتاع الكتائب بيكون علي ضابط الاحتياط
والنوم خارج مبيتات الضباط العاملين
يعني ده اللي شوفته في سنه الجيش

مهما وصلت بردو اكيد احسن من العسكرى
انا مش عارف ليه الناس كلها كده طول مهو رتبه اعلى لازم يقرف ويكدر اللى اقل منه
ده بقى اسلوب ححياه الا من رحم ربى

المشاركة الأصلية كتبت بواسطة أحمد كمال

و يعني لو دخلت ظابط 3 سنين عالاقل هتخرج تلاقي شغل بسهولة و زمايلك يبقوا مديرين عليك؟

عسكري طبعا احسن


كمان لو ظابط احتياطك هيبقى لحد سن 46 ...... عسكري احتياطك 10 سنين بس ...... تخيل الذل انك تفضل لحد ما تتم 46 سنة بتسافر بتصاريح !!

من وجهه نظرى جزئيه التلات سنين دى لو خرجت ومشتغلتش ع طول هيعوضها نسبيا المرتب الكويس
وفعلا الاستدعا ل 45 سنه مشكله

المشاركة الأصلية كتبت بواسطة mido01050

معلومة بس مرتب الضابط الاحتياط بقى في حدود اربع الاف

اول 6 شهور 300
تانى 8 700
والباقى 3800

المشاركة الأصلية كتبت بواسطة vinosse

انا كنت ضابط احتياط وكان بيجيلى استدعاء كل سنة لحد مسبتهالهم وسافرت
المرتب حتضيعوا لما يجيلك استدعاء
اول سنة مفيهاش مرتب
حيمضوك على عهد الدنيا علشان يخلعوا
عسكرى مهندس افضل بكتير وكل زمايلك العساكر والضباط بيحترموك احسن من ضابط وكلة محسسك انك طمعان فى الدبورتين

ممكن توضيح لجزئيه الامضا دى مش فهمها !
المشكله انى ببص الحال البلد والشغل بقول ده لو ف جيش خمس سنين كنت دخلت وبفكر فعليا ف كليه الضباط الاحتياط بس لسه مخدتش قرار

المشاركة الأصلية كتبت بواسطة s o p h o s

راي عسكري
والله اعلم

ربنا ييسر الحال
امبارح انا اترشحت ظابط لسه الارجا وكشف الهيئه

المشاركة الأصلية كتبت بواسطة elawany13

موضوع المعاملة الحسنة ولا السيئة بيكون انت ونصيبك وحسب المكان اللى اتحطيت فيه
أنا من 10 سنوات كنت عسكرى وعلشان خبرتى فى الكمبيوتر اخدونى فى مكان تانى فى القيادة أرقى بكتير من وحدتى اللى كنت هترمى فيها
من 10 سنين الكمبيوتر ده كان حاجه كبيره قوى
وكانت النظرة لينا ان احنا علماء وعباقرة وكإننا إخترعناه
والكل كان بيحترمنا من اصغر عسكرى الى صف الضابط الى قائد الجيش
وكان لينا معاملة خاصة فى كل حاجه
بنام ونصحى بمزاجنا بدون طوابير - عمرى ما وقفت خدمات ولا اعرفها ........... الخ
برستيج تانى خاااااااااااالص

كنت بشوف ضباط احتياط بيتبهدلوا
وعساكر تانية مؤهلات عليا كانوا بياخدوا بالقلم على وشهم علشان غلطه عملوها
مرتبى كان بيجيلى من وحدتى لحد عندى من الوحدة من ضباط احتياط باين عليهم الكحرته والبهدلة
كانوا بينبهروا بالمكان اللى انا فيه والاجهزة الى قدامى والتكييف والرفاهيه
وكل ده كان بدون واسطة وبتدبير عجيب من ربنا سبحانه وتعالى
سيبها على الله وربنا يقدملك اللى فيه الخير

سبحان الله
اكيد عشان حضرتك انسان كويس ربنا كرمك الكرم ده
انا اتمنى انى مضطرش انى استخدم اى واسطه ف حياتى ان شاء الله
ربنا يكرم وييسر الحال