حد يعرف بنك فى مصر بيسمح بالتحويل عبر الانترنت

**أحمد كمال** · 12-08-2013 11:58 PM

المشاركة الأصلية كتبت بواسطة Trondo

ياباشا الامكانيه لسه متاحه و مفيش اى مشكله بس لازم تكون عامل ال SECURE KEY

انا لسه مشيك عليها تمام موجوده

و دا شكل السيكيور كى اللى بقولك عليه

انا عميل معاهم من 2004 في مصر و بلد تاني كمان

و معايا 2 سيكيور كي ..... بتاع مصر و بتاع البلد التاني !

جرب حضرتك تعمل تحويل لبرة و لو نفع ادفع لك انا الفلوس

انا ما قلتش مش موجودة بس جرب مش هتنفع لانهم قافلينها عشان تعليمات البنك المركزي

حتى ال Global View/Global Transfer

شغال معايا بس تحويل من الخارج لمصر

العكس مش شغال ........ موجود برضه و كل حاجة بس قفلوه

----------

زي برضه جرب التحويل من حساب لحساب و الاتنين بتوعك واحد بالجنيه و التاني بالدولار

و شوف هينفع و لا لأ

مقفولة ....... سواء جنيه لدولار او دولار لجنيه...... هيطلع لك ايرور يقول لك تجاوزت الحد المتاح لك للتحويل بين العملات (الحد المتاح زيرو ! مش هتقدر حتى تحول دولار واحد بس من دولار لجنيهات)

**أحمد كمال** · 13-08-2013 04:17 PM

المشاركة الأصلية كتبت بواسطة trondo

فهمت قصدك ... انا مجربتش احول الصراحه علشان انا عندى نفس القصه
حساب فى نفس البنك فى هونج كونج الفرع الرئيسى اللى فى tsim sha tsui
و مخصصه للتحويلات الخارجيه يعنى بحول من حسابى هناك لحسابات ناس في نفس البلد
فكله بيتم وقتى ...

انا عندى خبره كويسه فى الاونلاين بانكينج علشان عندى حسابين كمان فى امريكا و الصين

انشالله الدنيا تتعدل و البنك المركزى يفتحها تانى

تحياتى

يا رب امين لاحسن بصراحة حاجة شلل و ما تشجعش انك تحط فلوس في مصر لانك مش هتعرف تخرجها تاني لو احتجتها :(

تقدر تحول من هونج كونج لمصر و هتتحول فوري برضه ....... العكس للاسف مش هتشتغل :(

**hussein** · 19-08-2013 01:59 AM

هو الواحد ممكن يفتح حساب فى بنك خارجى من غير مايكون معاه اقامة و سكن فى الدولة دى ولا لأ
ولو فيه بيكون فى دول ايه؟

**أحمد كمال** · 19-08-2013 07:56 AM

المشاركة الأصلية كتبت بواسطة elrasy

يبقى الخلاصة ان بنك hsbc فية الخاصية بس موقوفة مؤقتا

طيب حد السحب من فيزا hsbc من ماكنة صرافة خارج مصر كام ؟؟ و علية رسوم اد اية؟
وبعد كام يوم يتم اصدار الفيزا من البنك بعد فتح الحساب ؟؟

خالص تحياتى للاهتمام

من ال debit card السحبة ب 8 جنيه

الحد الاقصى للسحب من ال debit card هو 70 الف جنيه شهريا شامل المعاملات داحل و خارج مصر

الكارت بيطلع في اسبوع او اسبوعين بالكتير

**Trondo** · 19-08-2013 09:10 AM

المشاركة الأصلية كتبت بواسطة hussein

هو الواحد ممكن يفتح حساب فى بنك خارجى من غير مايكون معاه اقامة و سكن فى الدولة دى ولا لأ
ولو فيه بيكون فى دول ايه؟

دول كتيره بتسمح بي كده ... بس معظمها من غير فوايد و لو قل عن مبلغ معين بيحسبوا مصاريف شهرية
بس ممكن ميسمحش يديك كريديت كارت علشان ملكش ورق اقامه

كل بنك له سياسه و كل بلد ليها ظوابط مصرفيه