رجاااااء المساعدة

**temosay** · 12-08-2013 05:00 AM

السلام عليكم يا سادة ، ارجو الافادة لعمل صيانة كاملة عاجلة لبومة 1600 اوتوماتيك 2008 ماشية 83 الف كم كنت عايز اعرف اعملها فين (دايموند ولا مصرية ولا المتخصصون)وتكلفة قطع الغيار والمصنيعيات وشكرا مقدما على الرد

**ALKareem** · 12-08-2013 07:43 AM

انا ريحت دماغي و ظبطت ميكانيكي من التوكيل بيجيلي تحت البيت يعملي الصيانة كلها في الجراج تربيط عفشة و تظبيط موتور اليكتروني معاة الجهاز و بيغير فلتر بنزين و زيت و كل السيور بيعمل نفس الي شركة بتعملة في الصيانة و الحمد الله العربية تمام و بحس انها احسن من صيانة المركز و بياخد 80 جنية بس :)

**delaga** · 12-08-2013 08:47 AM

المشاركة الأصلية كتبت بواسطة alkareem

انا ريحت دماغي و ظبطت ميكانيكي من التوكيل بيجيلي تحت البيت يعملي الصيانة كلها في الجراج تربيط عفشة و تظبيط موتور اليكتروني معاة الجهاز و بيغير فلتر بنزين و زيت و كل السيور بيعمل نفس الي شركة بتعملة في الصيانة و الحمد الله العربية تمام و بحس انها احسن من صيانة المركز و بياخد 80 جنية بس :)

طب فين الكلام ده والراجل ممكن ييجى لاى حد فى اى مكان
وانا بتعامل مع المتخصصون على طول ايه رأبكوا ؟؟؟؟

**MITSUKERO** · 12-08-2013 09:49 AM

قليوب = المتخصصون

لو مش مستريح مع المتخصصون يبقي متروحشي قليوب لان هم اللي هيشتغلوا في العربية هناك :)

لو مستريح معاهم يبقي روح لهم

و بالنسبة للراجل اللي شغال في التوكيل اللي بيجي البيت ده جربه بس مش في الصيانة الرخمة دي خليه لحاجة خفيفة الاول و بعدين كمل معاه لو حسيت انه شاطر

والله اعلي و اعلم

**abadawy** · 12-08-2013 04:57 PM

لك جزيل الشكر لو ارسلت تليفونه على الخاص

**ALKareem** · 13-08-2013 03:28 AM

بص انا معاة بقالي سنتين زي الفل بيعمل صيانة عربية امي كان معاها الانترا و بعيتها و جابت متريكس و هو الي بيعمل الصيانة للاتنين دة مرة لبست مطب بوظت المساعدين و المقص كلمتة جالي تحت البيت عمل كل دة و خد مية جنية بس طبعا ثمن المساعدين و المقص هو جابهملي من التوكيل بسعر حلو لان العمال بيبقى ليها خصم على الحاجة الي بيشتروها لنفسهم :) غير انة في المرسيدس جربتة بصراحة محترم و بيفهم فيها

**ALKareem** · 13-08-2013 03:28 AM

و كمان بيجيلك تحت بيتك و بتبقى شايفة و هو بيعمل كل حاجة

**temosay** · 13-08-2013 03:30 AM

طب ممكن حد يقولنا ايه اللى هيتعمل فى صيانه ال 80 الف كم وتكلفة قطع الغيار

**ALKareem** · 13-08-2013 03:43 AM

معلش اتاخرت في ارسال الرقم كان عندي مشاكل قد كدة واحد منة لله كسرلي البرابريز الي ورا و دوخت على ما لاقيت حد فتح عشان اصلحوا غير ان المحل استغل الموقف ان كلو قافل و غلا علية سعر الازاز عمتا دة رقم الميكانيكي اسمة

عاطف 01006738387

و دة رقم السمكري و الدوكو دهان
حسن ابو ابراهيم 01143365611 | 01001764267

قلة انك من طرف دكتور كريم الي في ابراج اغاخان الي عملتلة الماتريكس الزرقاء و مرسيدس البيضة في الجراج و على فكرة الميكانيكي يعرف بتاع الدوكو و اسف مرة تانية على التاخير

**ALKareem** · 13-08-2013 03:46 AM

قطع الغيار هتكلفك حوالي 500 جنية بسيور تكيف دينامو كتينة + فلتر بنزين + فلتر زيت + غيار زيت موتور و زيت فتيس و باور دول لو حابب يعني + بلية مساعدين كبيرة و صغيرة و سوست دعم الموتور