يا جماعه ف الول احب اقولكم رمضان كريم بس انا عندي مشكله و هي الكبالن :diablo1:
و السؤال يا جماعه المسلمين ايه السبب اللي بيخليها تتلف و ازاي احافظ عليها :smile:
عرض للطباعة
يا جماعه ف الول احب اقولكم رمضان كريم بس انا عندي مشكله و هي الكبالن :diablo1:
و السؤال يا جماعه المسلمين ايه السبب اللي بيخليها تتلف و ازاي احافظ عليها :smile:
المحافظة على الكبالن بيكون فى الاستخدام على المدى البعيد
- يعنى حاول على اد ما تقدر متكسرش الدركسيون على الاخر فى الملفات
- متسبش العربية مركونة و الدركسيون مكسور يمين او شمال حول ترجعة للمنتصف بعد الركن
- الكشف الدورى على كويتش الكبالن
- تغير الكويتش و كبس شحم فى الكبلن لو لحظت تهالك الكويتش
مشكور جدا يا اخي ع الرد الوافي
عدم اخذ الملفات بسرعة ويفضل فصل الحركة (تمور العربية)
وده نتيجة دوران عجلة اسرع من الاخرى نتيجة الملف
وده كان بيتم علاجة قبل كده بالكرونة للسيارات ذات الدفع الخلفى
ولكن بالنسبة للسيارت ذات الدفع الامامى لا يوجد بها كرونة
مع الحرص على التاكيد على كاوتش الكبلن
معلش فيه نقطة مش صح فى الكلام دة
الناس فى مصر بتطلق على الجهاز التفاضلى لنقل الحركة فى العربيات الجر الخلفى "كورونا"
http://www.birfield.com/%7Emorgan/63...tered_diff.jpg
و دى وظيفتها ببساطة فصل حركة الدورانية الى نصفين لكل عجلة مع امكانية دوران العجلات بسرعات مختلفة و دة عشان تقليل تاكل الاطارات فى الملفات
http://www.traxxas.com/products/nitr...tails/Diff.jpg
طبعا مع ظهور التعليق المستقل للعجلات الخلفية اصبحت الكورونا هى علبة التروس التفاضلية فقط و تم الاستغناء عن اعمدة النصف و الاستعاضة عنها بالكبالن
http://www.pixcl.com/summitgtx/4boltAxleDiff.jpg
فى العربيات الجر الامامى عندنا نفس المشكلة فى الملفات و بالتالى محتاجين برضة جهاز تفاضلى... الفرق بيبقى ان الجهاز التفاضلى جزء لا يتجزاء من الفتيس و بالتالى بيبان ان العربية فيها فتيس فقط بدون "كورونا"
دى صورة فتيس فى عربية جر امامى و الترس الكبير اللى على اليمين هو الجهاز التفاضلى او الدفرنشيال
http://www.quantums.info/pictures/gearbox/gb282-896.jpg
و دى صورتة لما اتفك برة الفارغة بتاعت الفتيس و طبعا واضح تركيبة التروس المطابقة تماما للتروس اللى جوة الكورونا
http://www.quantums.info/pictures/gearbox/gb310-896.jpg
MMamdouh
جزاك الله خير يا محمد باشا
بس براحة علينا شوية
وبعدين انت اعتراضك على كلمة مش الموضوع
هو انا قولت الموضوع غلط؟؟ انا قلت ليا اعتراض على نقطة... ووضحت النقطة... وشرحت الصح ايه لتعميم الفائدة... اعتقد عدانى العيب و قزح :flirt:
كل سنة و انتم طيبين :D
MMamdouh
معاك بس انت موضحتش ازاى نحافظ على كبالن العربية
علشان على كلامك المفروض الكبالن تشتغل زى الفل
انا معاك ان الملفات بتاثر على عمر الكبالن ... بس ايه اللى يفرق فى شغل الكوبلن بين الملف و الطريق العدل؟؟
عشان نجاوب لازم نعرف تكوين لكوبلن من جوة
الكوبلن عبارة عن كرة معدنية مصمطة داخل كرة معدنية مفرغة و بين الاتنين مجوعة من البلى قاعدة فى حزوز عرضية فى جسب الكرتين و البلى حواليه شبكة معدنية... كلام مش مفهوم اوى... دى صور لكبالن بجد
http://www.automotive-technology.co....CV%20joint.jpg
http://home.halden.net/discovery/pics/CV-joint.jpg
زى مل هو واضح ان الاكس اللى راكب فى العجلة اخرة الكرة المعدنية المصمطة و فيها حزوز بالعرض و الكرة المعدنية المفرغة متصلة بعامود الدفع اللى خارج من الفتيس... وواضح من الصورة البلى و القفص اللى ماسك البلى و الجزوز اللى فى الكرتين
طيب فى المشى الطوالى بيحصل ايه؟؟ ولا اى حاجة... العجلة المفرغة بتلف و تزق البلى للامام و بما ان البلى قاعد فى الحزوز اللى فوق و تح فا البلى بدورة بيزق الكرة المصممطة لنفس اتجاه الدوران و بالتالى الاكس بيلف... اذا هنا الكوبلن زية زى العامود العادى خالص و تقريبا مفيش اى احتكاك فى الاجزاء الداخلية للكوبلن و بالتالى الاجزاء الداخلية ممكن تعيش العمبر كلة
طيب فى الملف بيحصل ايه؟؟ الاكس زاويتة بتختلف عن العامود و بالتالى الكرة المصمطة بلتف داخل الكرة المفرغة لكن هما الاتنين مازالوا متصلين ببعض من خلال البلى... لكن هنا حنلاقى البلى واخد الخزوز اللى فى الكرتين رايح جاى مع دوران الاكس... دى صورة توضيحيه حتبين المقصود
http://upload.wikimedia.org/wikipedi...t_animated.gif
لاحظوا ان البلى بيبداء من تحت على اقصى اليمين و ينتهى فوق فى اقصى الشمال... معنى كدة ان كا نص لفة البلى بيمشى بعرض الكوبلن فى اتجاه و فى النص لفة التانى بيمشى فى الاتجاه المقابل... طبعا هنا تقدروا تتخيلوا كم الاحتكاك بين البلى و الكرتين المفرغة و المصمطة فى عدد لفات الكاوتش فى كل ملف... و كل ما كانت زاوية الملف اكثر حدة كل ما كان مشوار البى اكبر بالتالى الاحتكاك و التاكل اكبر
من هنا يتضح ان عشان المحافظة على عمر الكبالن يجب:
1- تجنب الملفات القاسية قدر الامكان
2- تجنب القرص الشديد على السيارة فى الملفات
3- المتابعة و المحافظة على حالة كاوتش الكوبلن لان الكاوتش لو اتقطع حتعمل قوى الطرد المركذى على طرد الشحم بتاع الكوبلن و لو دخل شوية تراب لجوة حيبقى اكنك بتسنفر كل مكونات الكوبلن الداخلية و حيبوظ تماما
ارجو اكون قدرت اشرح الموضوع بشكل مبسط وواضح
MMamdouh
الـــــــــــــــف شـــــــــكر ع الردود الحلوة دي و كل عام و انتم بالف صحه و سلامة