الموضوع: الكبالن يا رجاله!!!!!

المشاركة الأصلية كتبت بواسطة abzoabzo

عدم اخذ الملفات بسرعة ويفضل فصل الحركة (تمور العربية)
وده نتيجة دوران عجلة اسرع من الاخرى نتيجة الملف
وده كان بيتم علاجة قبل كده بالكرونة للسيارات ذات الدفع الخلفى
ولكن بالنسبة للسيارت ذات الدفع الامامى لا يوجد بها كرونة
مع الحرص على التاكيد على كاوتش الكبلن

معلش فيه نقطة مش صح فى الكلام دة

الناس فى مصر بتطلق على الجهاز التفاضلى لنقل الحركة فى العربيات الجر الخلفى "كورونا"


و دى وظيفتها ببساطة فصل حركة الدورانية الى نصفين لكل عجلة مع امكانية دوران العجلات بسرعات مختلفة و دة عشان تقليل تاكل الاطارات فى الملفات



طبعا مع ظهور التعليق المستقل للعجلات الخلفية اصبحت الكورونا هى علبة التروس التفاضلية فقط و تم الاستغناء عن اعمدة النصف و الاستعاضة عنها بالكبالن



فى العربيات الجر الامامى عندنا نفس المشكلة فى الملفات و بالتالى محتاجين برضة جهاز تفاضلى... الفرق بيبقى ان الجهاز التفاضلى جزء لا يتجزاء من الفتيس و بالتالى بيبان ان العربية فيها فتيس فقط بدون "كورونا"

دى صورة فتيس فى عربية جر امامى و الترس الكبير اللى على اليمين هو الجهاز التفاضلى او الدفرنشيال



و دى صورتة لما اتفك برة الفارغة بتاعت الفتيس و طبعا واضح تركيبة التروس المطابقة تماما للتروس اللى جوة الكورونا



MMamdouh