مشكلة فى الدوارة لسيفيك 93 Si

**mopecoolboy** · 12-08-2013 05:58 AM

العربية سيفيك 93 si موتور vtech 1500

المهم طلعت مشوار مش كبير حوالى 6 كيلو بعد كدة ركنت العربية شوية حوالى نصف ساعة .. جيت أدور العربية أتأخرت فى الدوارة اوى بس دارت .. أتأخرت عن الدوارة اللى هوا مع أول فتحة كونتاكت يعنى مفتحتش و قفلت كذا مرة .. هيا أول مرة بس طولت و لما جت تشتغل حسيت انها مخنوقة و هتبطل زودت بنزين

المهم بعد كدة فى نفس الوقت رحت من المهندسين للمنيل ( مسافة مش كبيرة ) ركنت و روحت اجيب حاجة مفيش تلت ساعة .. جيت أدور نفس الكلام و دارت بعد فترة بس بعد ما دارت فصلت تانى .. جيت أدور أنها تدور ابداااااا ...فين و فين لما دارت ..هقول على حاجات ممكن تساعد اللى يشوف االموضوع انو يوصل لـ حاجة

1- العربية لما اجى أحط المفتاح و أفتح الكونتاكت بس ( مش بدور دوارة كاملة ) بتعمل صوت زنة عالية أو زنتين وحدة خفيفة و التانية عالية .. المهم اللى لاحظتوا ان لما بتبقى الزنة صوتها واطي (( العربية مش بتدور أو بتدور بعد فترة و ممكن تفصل ع طول )) ...إنما لو صوت الزنة او الزنتين اللى ورا بعض عالى (( بعرف ان العربية هتدور على طول ))

2- لما حصلت المشكلة دى انا فضلت أحرك كتاوت الطلمبة بتاعت البنزيل و فتحت الكبوت حركت المجموعة فيش اللى لونها رمادى ( اللى قدام البطارية )) وجربت أدور مدارتش .. بعديعا ب شوية 5 دقايق جربت تانى سمعت صوت الزنة العالية ( أو الزنتين دول ) عرفت ان العربية هتدور و فعلا دارت بس مدوستش بنزين .. و فصلت تانى

أستنيت عليها شوية و عملت نفس الموصوع و أستنيت .. دارت و أعدت أول ما دارت أزود بنزين لغاية ما مشيت

أتا اسف على الاطالة بس أنا قلت أقول كل حاجة عشان بجد أنا أتعقدت من العربية

أرجواااااا الحل يا حل كامل.. أو سامح باشا أو اى حد من نجوم الهوندا يقولى أروح عند كهربائى أعمل أية بالظبط عشان محدش يشتغلنى

تم تعديل العنوان ليتناسب مع المحتوى

**aymanshebl** · 12-08-2013 09:01 AM

واضح ان فى مشكلة فى طرمبة البنزين فى طريقها انها تبوظ تماما اكشف عليها و غيرها

**feky** · 12-08-2013 09:44 AM

بص يا حبى الموضوع ده حصل معايا
وغيرت الطرمبه بس مطلعش العيب منها
بص هتروح لأى مكانيكى او كهربائى او ممكن تعملها بأيدك
Look
تحت الطبله من ناحية السواق تحت الطارة شمال شويه هتلاقى حاجه كده مربعه بلستيك مربوطه بمسمار فى النص هى ديه الكتاوت هتفكها
لو معرفتش خليى اى حد يفكهالك....... يفكها بمهنى يفك المسامر اللى رابطه بس مش يفكها هى ذات نفسها أوك
بعد ما تفكها سيبها مدلدله ناحية رجلك الشمال
لما تيجى تدور ومتسمعش صوت الزنه بتاعتها اخبطه برجلك خبطه صغيرة كده
وافتح الكونتكت تانى هتلاقيها اشتغلت وهتسمع صوت الزنه
للعلم انا ماشى بيها مدلدله بقالى حوالى شهر تقريبا >>> انا معاك ان ده مش صح بس انا كنت محتاج اتأكد ان هى اللى بيظه وثانيا مش فاضى اليومين دول خالص

**SAMEH_FOUAD** · 12-08-2013 10:30 AM

هية كدة كل الدلائل بتشير الى كتاوت طلمبة البنزين

بس انا عايز اعرف منك سحب العربية عامل ازاى

**mopecoolboy** · 13-08-2013 02:55 AM

المشاركة الأصلية كتبت بواسطة SAMEH_FOUAD

هية كدة كل الدلائل بتشير الى كتاوت طلمبة البنزين

بس انا عايز اعرف منك سحب العربية عامل ازاى

**Mecha** · 13-08-2013 04:44 AM

I think you got ignition twin relay issue. it is under the dashboard. sometimes to the rh side of the car .
when cracked it make hot starting issues like yours normally near 200,000 K mileage.

**SAMEH_FOUAD** · 13-08-2013 11:59 AM

المشاركة الأصلية كتبت بواسطة mopecoolboy

شكرااا يا رجاله على الاهتمام و الرد .. بس انا جربت اشعل الطلمبهه بسلك كهربا و حضرت و سمعت الزنه بس برضوو مشتغلتش .....سامح باشا بالنسبه للسحب ساعات بحسن انها مخنوقه و ساعات تسحب تمام

انت عندك لمبة الاعطال منورة وانت بتدور؟؟؟

**mopecoolboy** · 13-08-2013 04:42 PM

المشاركة الأصلية كتبت بواسطة sameh_fouad

انت عندك لمبة الاعطال منورة وانت بتدور؟؟؟

اللمبه بتشتغل الصبح بس و بتقفل اول ما ادور العربيه ..بليل المبه مش بتبقى منوره ابداا ولا لما ادور ولا قبل ما ادور بس العربيه بتدور عادى
انا بعرف العربيه هدور ولا من صوت الزنه ازا كانت عاليه بتدور .. واطيه مش بتدور