الموضوع: ارجوووكو افيدوني في هيونداي النترا

المشاركة الأصلية كتبت بواسطة x.evil

انا مشترك جديد ف الموقع و الصراحة الموقع افادني كتير بخبرة اعضائه المحترمين
الموضوع
انا معروض عليا النترا 2009 خليجي العربية من الداخل ممتازة لا يوجد بيها خدش و التابلوه بتاعها لسه عليه المشمع بتاع المصنع و لكن العربية كانت مرفوعة ف يوجد بها بعض الخدوش و دا مفيهوش مشكلة المشكلة ان فيه خدش غائر ف الباب الخلفي و الخدش تقريبا بنص عرض الباب و ( مصدي ) و عرفت اني صدى ف العربية ممكن تعمل برومة كمان الخدش غائر ف بالتالي لازم يترد و يتمعجن
سؤالي لو حصل و اتردت عند السمكري كدا العربية مش هتبقا فبريكا بالكامل ؟ كمان الصدى دا عادي و لا اقلق منه ؟ و لو مفيش قلق اخصم كام من تمنها تقريبا علاج الخدش دا و حزام النضافة ؟
سؤالي تاني و اسف اني طولت عليكم
العربية موديل 2009 خليجي مانيوال ماشية 70 الف كيلو و حالتها زي ما قولت من الداخل اكتر من ممتازة و الماتور ممتاز و هادي ف السواقة بس لسه مكشفتش عليها بس صاحبها طالب 77 الف و قال قابل للتفاوض رأيكو اوصلها لكام معاه ؟

و اخير بجد شكرا ليكو جميعا و للموقع المحترم دا و القائمين عليه و كل سنة و الجميع بخير

حضرتك العربيه ديه - بالمواصفات ديه طبعا تبقى ممتازه
وجهة نظرى الشخصيه ان العربيه ديه بدون مشكلة الباب تعمل فى حدود 75 الف
الباب ممكن تغيره بالكامل وتجيب باب فابريكه (فاضى) وتحط جواه مكونات الباب القديم
شوف الباب استيراد بتركيبه يعمل كام - اطرح الرقم من 75 أو 76 الف - يبقى هو ده ثمن العربيه
ملحوظه رفيعه - من الواضح ان العربيه هاتحتاج تغير كاوتش اول لما هاتخدها - يعنى على الاقل 3000 جنيه على سعرها

لو حضرتك مش هاتاخد العربيه ديه انا ممكن اخدها
بالتوفيق