اضطرريت اقدم استقالتي بعد مجبت اخري

**akramlail** · 13-08-2013 02:35 PM

السلام عليكم يا اهل المنتدي
كنت بشتغل فشركه ملاحه فالمشتريات بقوم بعمليات الشرا اللي بتحتاجها الشركه والاتفاق مع الموردين لمده سنتين
ابتديت بمرتب 450 اول تلت شهور وكنت وقتها مش لاقي شغل وهقبل باي حاجه واقع يعني والعقد مكتوب في 650 بعدها زودوني بقيت 600 قلت الحمدلله اهو حاجه تسند المهم كان بيصفي علي 500 بعد خصومات وتامين الصحي
بعدها ييجي معاد زياده سنويه لقيتهم مزودني 50 واللي معايا ف المكتب او المحاسبين زادوا 200
ده غي. اللي جاي بواسطه ونايم مرتبه الف
حجات كتير خلتني مقفول منهم عدم المساواة واحساس بالظلم جبت اخري
لما قلتلهم عاوز اجازه جواز الاسبوع الجاي حسيت انهم بيتلككو عشان امشي عشان موفقليش ع اجازه
قدمت استقالتي ومش عارف ده صح ولا لا
بس كنت بحس باهانه كل شهر وانا رايح اقبض في حين ان وحده متعينه معايا نفس شهادتي حقوق بس هي دفعه 2010. مرتبها وصل 1200 عشان معرفه سكرتيره صاحب الشركهالحمدلله ع كل حال
المشكله اني بدور حاليا وحال البلد اسوأ من ذي قبل وقت ملقيت الشغلانه دي
لو حد يقدر يدلني ع اي حاجه قدامه يبقا جزاكم الله كل خير

**Mohamed_Hamid** · 14-08-2013 01:39 AM

ياه راجل كلنا مرينا بالمشاوير دى روق ومتزعلش :)
اطلع عندك فى اسكندرية منطقة الجمرك مليانة مكاتب توكيلات ملاحية (بواسطة بس جرب حظك وانت ونصيبك)لوجيستيكس وتخليص جمركى قدم فيها وربنا يكرمك

**David Micheal** · 14-08-2013 12:17 PM

\انا ممكن اقدر اساعدك بس لو انت عندك خبره تلات سنين في المشتريات و تقدر تجيب شهاده بكده و كمان يكون الانجليزي بتاعك حلو و بتعرف تقرا و تكتب انجليزي كويس و تبعت ميلات و كده
بس الشغل هايكون في الغردقة تبع فنادق سياحيه و طبعا المرتب هايكون تلات مرات المرتب اللي بتقول عليه ده ان ماكنش اربع مرات كمان
هايكون ليك سكن و اكل و شرب في الفندق و كله علي حساب الشركه و الاجازات 8 ايام في الشهر يعني شغل 22 و 8 اجازه

**TAMERMEGAHED** · 14-08-2013 12:36 PM

الله معك وصدقنى ساعات خطوه بتضايق انك عملتها دلوقتى بس بعدين بتبقى مبسوط اوى انك عملتها وربنا ييسرلك الحال

**akramlail** · 15-08-2013 01:57 AM

المشاركة الأصلية كتبت بواسطة david micheal

\انا ممكن اقدر اساعدك بس لو انت عندك خبره تلات سنين في المشتريات و تقدر تجيب شهاده بكده و كمان يكون الانجليزي بتاعك حلو و بتعرف تقرا و تكتب انجليزي كويس و تبعت ميلات و كده
بس الشغل هايكون في الغردقة تبع فنادق سياحيه و طبعا المرتب هايكون تلات مرات المرتب اللي بتقول عليه ده ان ماكنش اربع مرات كمان
هايكون ليك سكن و اكل و شرب في الفندق و كله علي حساب الشركه و الاجازات 8 ايام في الشهر يعني شغل 22 و 8 اجازه

ربنا يجازيك كل خير
بالنسبه للخبره مطلبتش منهم شهاده لسه بس ممكن احاول بس هتبقا سنتين والانجليزي بتاعي معقول بقرا وبكتب وكان شغلي كله كده وميلات بردو بس كان روتيني يعني اومر شرا كلها اسطنمبه وانت بتغير المحتويات والاسعار والمورد

**dede_dodo88** · 15-08-2013 02:15 AM

في رأيي أنك تحاول ترجع في موضوع الأستقالة ده دلوقتي و تصبر لحد ما تحط رجلك في مكان تاني أحسن..
بس أنت خليك متابع و دور على شغل و مش شرط يكون في نفس المجال..
هو عموماً كل واحد بيواجه صعوبات بنسب متفاوتة في أي شغل أياً كان, و حتى لو أنت مدير و منصب كويس فبرضه هيجيلك لحظات هتحس فيها بالظلم و الأهانة من رؤسائك و نفس الوضع بالنسبالهم طول ما في حد أعلى منهم..
فأعصر على نفسك ليمونة معلش و حاول تستحمل شوية لحد ما تلاقي وظيفة أحسن..
و ربنا يوفقك..

**akramlail** · 15-08-2013 10:17 AM

موضوع الرجوع ده معدش ينفع انا حتي مش ظايق اروح اخد بقيت حاجتي وبقيت مرتبي سبته ليهم
ادعولي يا شباب ربنا يرزقني بالاحسن

**gade2** · 20-08-2013 10:31 PM

ان شاء الله خير

**#MAAM#** · 20-08-2013 11:27 PM

ربنا يرزقك بالاحسن يارب وربنا هو الرزاق وصدقني لما ربنا يكرمك بشغل احسن هتحس بقيمة الخطوة اللي عملتها وهتحس انك مرتاح نفسيا ان شاء الله .......... ونصيحة لما تقدم على شغل حاول تطلع بالمرتب على قد ماتقدر علشان هو ده المرتب اللي هتثبت عليه لفترة كبيرة في الشركة

**akramlail** · 27-08-2013 10:11 PM

ربنا يجازيكم خير ويعدي الايام دي ع خير

الموضوع: اضطرريت اقدم استقالتي بعد مجبت اخري

LinkBack

أدوات الموضوع

عرض

-

-

-

المواضيع المتشابهه

من اقدم الرخص في مصر ....!!!

عايز اقدم شكوي

باقي 4 أيام و أقدم استقالتي ..... أخيرا همشي خلاص

محتاج دعواتكم - أصلي ادمت استقالتي

الحمد لله ( قدم استقالتي النهارده )

الكلمات الدلالية لهذا الموضوع

المفضلات

المفضلات

ضوابط المشاركة