سيور صنى n16

**wardet** · 13-08-2013 04:26 PM

انا معايا سوبر صالون 2011
عاملة 52 الف كيلو
ولسه مغيرتش سيور اللى المفروض التوكيل بيغيرها فى صيانة ال 40 الف
عاوز اعرف هما كام سير والسعر فى التوكيل وهل لو جبتهم من برا عادى ولا بيبقو تعبانين
وهل اغيرهم دلوقت ولا ممكن على صيانة ال 60 مثلاًَ

**elnady_1987** · 14-08-2013 10:30 AM

يا باشا هما سعرهم 360ج فى التوكيل وهمة سيرين وطبعا احسن ما تجبهب من برة وممكن تستنى لل60الف متقلقش بس متتاخرش عن كدا وهاتهم وركبهم الراجل ركبهملى فر ربع ساعة ب40ج

**wardet** · 14-08-2013 11:17 AM

مش شايف ان سعرهم غالى شوية؟؟

**mony10** · 15-08-2013 10:59 AM

هما فعلا سيرين بس انا غيرتهم برا التوكيل من سنتين تقريبا مش متذكر التكلفه بس اعتقد انها حوالي 150 جنيه وعلى فكره لو السيور مش بتصفر معاك يبقى مش محتاجه تتغير دلوقتي لأن السير لما يبدا ينشف يصفر ودا معناه انه ممكن يتقطع.
لو مفيش اي صوت تصفير ظاهر من السيور تبقى لسه كويسه مش محتاجه تتغير دلوقتي اما لو عايز تعملهم في التوكيل او برا دي حاجه ترجعلك مع فرق السعر الكبير دا

**wama00** · 15-08-2013 07:03 PM

طيب يا شباب السيرين دول بتوع ايه؟ يعنى دينمو وتكييف؟؟؟ ولا ايه؟ على ما اعرف ان سير الكاتينة جنزير فمش محتاج يتغير

كمان انا عندى لما بشغل التكييف بسمع صوت زى صفارة زى كدة سسسسسسسسسسسسسسس وده ساعات بيستمر وساعات لا وبيبدا اول ما بشغل التكييف على طول ياترى ده بلية عايزة تتغير ولا سير ولا ايه بالظبط؟

**Youssef.Awad** · 19-08-2013 01:19 AM

انا غيرتهم مرة واحدة فى 2011 بعد سنة ومرور 40 الف كم من الشراء وكانوا بحالة ممتازة لكن غيرتهم وقاية
وباذن الله اغيرهم مرة تانية السنة الجاية لما اوصل 80 الف كم او قبلها
ثمنهم كان 100+150 = 250 ج والتركيب داخل فى مصنعيات صيانة ال40 اللى كانت 300 ج

الافضل طبعا تشتريهم من التوكيل وعاوز تركب جوة او برة حسب راحتك
وعادى ممكن تقعد لصيانة ال60 شرط ما يكونش مر اكتر من 3 سنين عليهم كوقاية برضه لأنى مش مع الرأى اللى افضل ماشى بيهم لحد اما يصفروا ولا يتقطعوا ونفس الكلام بالنسبة للتيل والفلاتر والبوجيهات اللى اعرف ناس بيغيروها كل 60 او 100 الف كم وهى عادية v-grooved المفترض تتغير كل 20 الف ولو كشفت عليهم بعد 10 الاف كم هتلاقيهم محروقين وعليهم كربون وسحب العربية سيىء !!!

**wardet** · 19-08-2013 02:12 PM

بالنسبة لصوت التكييف ياباشا انا برضه عندى كده بس بيقعد ثانيتين تقريباًَ اول ما اشغل التكييف وبعد كدا يختفي
اعتقد انه بداية السير لما يمشي بس

**mohamed saaad** · 30-12-2015 10:35 PM

لو سمحتم ياجماعه عاوز اعرف ازاي اغير بوجيهات لنيسان الشكل القديم لاني معنديش وقت خالص اروح لصنايعي
واشكركم

**rob3a** · 31-12-2015 01:04 AM

متابع

الموضوع: سيور صنى n16

LinkBack

أدوات الموضوع

عرض

-

-

المواضيع المتشابهه

سيور a113

طقم سيور

طقم سيور البوما

سيور النوبيرا

سيور النيوبيرا

الكلمات الدلالية لهذا الموضوع

المفضلات

المفضلات

ضوابط المشاركة