الموضوع: حادثه جامده .. ساعدونى بسرعه ارجوكم ..

شكرا لاحلي شباب

نزلت امبارح جبت طلبات السمكري و العفشه من الحرفيين .. اختصارا الحاجه بتاعه رينو قليله و عند مجموعه قليله من الناس ..

اشتريت من محمد الصعيدى ( محترمين و بيساعدوا بصراحه وحبيت التعامل معاهم ) بعد ما لفيت علي كل الناس التانيه

- مقص تركي جديد - 200 جنيه
- مساعد اتحاد اوروبي Automotor امامي جديد - 400 جنيه
- مجموعة الشمعدان ( شمعدان + طنبوره + خزنه + تيل ) إستيراد - 700 جنيه
- رفرف جديد تايوانى - 275
- فانوس امامي جديد .DEPO تيوانى - 275 جنيه
- جنظ إستيراد 300 جتيه

الباب الشمال الامامي لفيت عليه عشان الاقيه استيراد كامل .. كان مش موجود خالص.. حته واحده بس ولونها ابيض و فيها سمكره صعبه عند الصعيدى

لقيت الباب صاج جديد عند الاسراء ب 1700 جنيه صاج بس طبعا .. في التوكيل 1650 شامل الضريبه

لفيت لغايه ما لقيت باب صاج فيه شغل برضو استيراد - 800 جنيه اشتريته


شكرا علي مساعتدكم و خصوصا الأخوه اللي ساعدوا بارقام التيفونات و الكروت بتاعه المحل
..

العربيه دلوقتي قالعه هدومها عند السمكري عشان يشتغل فيها ..





محتاج زجاج الواجهة الامامى و التركيب فين و سعره كام ؟؟





شكرا ليكم علي تعبكم معايا ودي صوره العربيه في الوضع الحالي





دى الحاجات اللي جبتها



وانا بلف لقيت اللمبات دي .. اوسرام 50% إضاءة اكبر للوجان بدون كاتاوت سعرها 175 جنيه



شكرا ليكم جدا

قدر الله وما شاء فعل زي متوقعت في اﻷول عربيتك كلفة إصلاحها لن تزيد عن 8 آلاف مهما حصل وأنا عمري مدخلت لتوكيل في مصر إلا في حاجات مش موجودة خالص وبخش أكشف بس وبعدها أتصرف في قطع الغيار
أما موضوع الزجاج فروح للثلاثي في الحرفيين حتلاقي عنده كذا نوع وكذا سعر وعنده جريش أما لو رحت لجريش فمفيش غير نوع جريش تركبه ودمتم للنضال