حادثه جامده .. ساعدونى بسرعه ارجوكم ..

**amriar** · 09-09-2013 04:34 AM

المشاركة الأصلية كتبت بواسطة saddam

قدر الله وما شاء فعل زي متوقعت في اﻷول عربيتك كلفة إصلاحها لن تزيد عن 8 آلاف مهما حصل وأنا عمري مدخلت لتوكيل في مصر إلا في حاجات مش موجودة خالص وبخش أكشف بس وبعدها أتصرف في قطع الغيار
أما موضوع الزجاج فروح للثلاثي في الحرفيين حتلاقي عنده كذا نوع وكذا سعر وعنده جريش أما لو رحت لجريش فمفيش غير نوع جريش تركبه ودمتم للنضال

ممكن رقم تليفونه او العنوان بالضبط

**saddam** · 09-09-2013 07:07 AM

تفصد رقم.الثلاثي والله هو.عندي بس حتاخدلها بتاع ساعة وانا بدور عليه ومش حينفعك رقمه بحاجة وفي الحرفيين.فرعين للثلاثي اﻷول الستاندرد ده أول حاجة.في الحرفيين وإنت جي من الدائري تحت كوبري السلام تمشي 150 متر بعد عربيات السوبر جيت حتلاقيه على يمينك عنده كذا نوع وتنقي وجنبه كذا محل زجاج لزوم المنافسة والفرع الثاني فيه إضافة لتركيب الزجاج قسم للتفصيل وده بيكون تخلص شارع المرسيدس وتاخد شمال بتاع 10 متر يكون على يمينك وموضوعك بسيط لا تقلق ودمتم للنضال

**baset** · 10-09-2013 12:54 AM

باشا
طبعاً ربنا يعينك على الماساة اللي إنت عايشها دي
كان ليا سؤال صغير كدة - هو حضرتك عملت المقايسة بكام في التوكيل ؟

**amriar** · 11-09-2013 06:09 AM

المشاركة الأصلية كتبت بواسطة baset

باشا
طبعاً ربنا يعينك على الماساة اللي إنت عايشها دي
كان ليا سؤال صغير كدة - هو حضرتك عملت المقايسة بكام في التوكيل ؟

1100 جنيه .. مقايسه إهلاك كلي ربنا يبعد عنكم

**a_nbm** · 11-09-2013 11:53 AM

المشاركة الأصلية كتبت بواسطة amriar

1100 جنيه .. مقايسه إهلاك كلي ربنا يبعد عنكم

طيب ايه الأخبار طمنا
العربيه خلصت ولا لسه ؟

**amriar** · 15-09-2013 12:52 AM

المشاركة الأصلية كتبت بواسطة a_nbm

طيب ايه الأخبار طمنا
العربيه خلصت ولا لسه ؟

شكرا علي السؤال ..

العربيه خلصت سمكره فعلا امبارح .. اتفقت مع بتاع الدهان .. قالي 900 جنيه رفرف شمال و باببين امامي و خلفي و حادثه في الخلفى قديمه و رش داخلي بدهانات سكينز و معجون سكيب

و العربيه لسه محتاجه قنطره عفشه و كارتيره فبر و مرايه شمال

الإكصدام وديته لبتاع الفيبر عشان يصلح شرخ فيه و يعمل الودام المكسوره اللي بيركب فيها الصاج

علبة الفيوزات طلعت مكسوره و مش عارف ها تلحمها و نصلخ فيها ولا ها اضطر اغيرها.. كانت معجونه من الحادث

انا كنت اشتريت كوبلن استيراد ب 800 جنيه و مقبض و كالون
فاضل زجاج امامي و كشف ميكانيكا و ربنا يستر

**wael30003** · 27-09-2013 12:12 AM

الله يكون فى عونك بجد

ربنا يصبرك على مشاوير الصناعية بس والسؤال على اللى بيطلبوه منك

يبقى طمنا اول باول

**wael30003** · 27-09-2013 12:15 AM

ما تنساش تكتب تفاصيل تكلفة الاصلاح بعد ما تخلص واسماء السمكرى وبتاع الدهان وقطع الغيار

عشان ممكن اى واحد فينا بعد الشر عننا كلنا يحتاج اى واحد

وربنا يحفظنا كلنا من شر الطريق واللى فى الطرق

**adel_edrees** · 27-09-2013 10:57 AM

أولا ألف من حد لبكره حمد الله على سلامتك و الحمد لله أنها جت على قد كده بس تصدق بأيه الناس اللى فى التوكيل زى العسل تبقى شارى عربية ب 70 ألف جنيه و تصلحها ب 60 % من تمنها علشان خبطة ما سمعتش فى الشاسيه
أما ل لو كانت فلوانس كانوا طلبوا كام و ما علش صدقنى أستعوض ربنا يمكن ربنا رايد لك خير لو علمتم الغيب لأخترتم الواقع و ربنا يعوض عليكب الأحسن أن شاء الله و أنا عندى مشكلة أن التأمين حيخلص كمان شهر و القسط أنا عايز أخلص من موضوع القسط أنا قرت بفضل اللهو توفيقه أنى أجمع مبلغ الأقساط الباقية و هو مبلغ 12 ألف جنيه لأن العربية عليها أقساط لمدة سنة واحدة و بعد كده الأقساط تنتهى و مش عارف أعمل أيه أسدد تمن القرض و أخلص و بالتالى مش حيبقى فيه أجبار من البنك على التأمين و ألا ربنا هو اللى حامى و أخلص من القسط و كفاية ألفين جنيه بيدفعوا كل سنة مالهومش لازمة أعمل أيه أفيدونى أفادكم الله