الموضوع: بيجو 301 أم سيتروين سى إليزييه ؟ :-)

المشاركة الأصلية كتبت بواسطة amrelsaqqa

مش قصدى والله
انا عارف ان في مشاكل
يارب تتحل في اسرع وقت يارب
بس قصدى في العربية بتاعت استاذ 3bada كمان
اصل لو هى كمان فيها مشكلة ، يبقى كدة المشكلة في كل الاليزيه مش مع مجموعة محددة

انا مش قصدى حاجة ولا بضغط على الناس ، كل الموضوع انى مقلق من القصة دى ،
لانى هحجز اختها وكل شوية حاجة تطمنى و100 حاجة تقلقنى

بعتذر لو ردي او اسلوبى اتفهموا بالطريقة دى

بص يا عمر, المشكلة واضحة ومفيش سبب يخليك تقلق نفسك بنفسك زي ما بتعمل دلوقتي,,
أنت قريت المواضيع كلها هنا وهناك,, وشوفت أن مفيش مشاكل مع التكيف في البيجو عشان تقول كدا,,


أنا عارف إن أي حد عنده بيشتري عربية جديدة بيبقي قلقان ولازم يتأكد من كل حاجة قبل الشراء ودا من حقك,
بس أنت عارف برضه وقريت أن أستاذ مهاجر معانا هنا قال أن مفيش مشاكل معاه في التكيف في البيجو 301,
وحتي مع قريبة اللي أشتري له 301 برضه,, وكمان مع أستاذ أبراهيم وأستاذ بطوط.

المشاركة الأصلية كتبت بواسطة mohjarr

أنا فى ظل الظروف الحالية السيئة لا أستخدم السيارة كثيراً و لكن سافرت بها لأكثر من مرة و ضغط عليها فى طريق العلمين و على النمط الرياضى أيضاً على سرعات عالية و لمسافات طويلة و لم أواجه هذه المشكلة حتى الأن و عداد السيارة عندى حوالى 2500 كيلومتر و لى قريب دائم التحرك بسيارته و عمل بسيارته أكثر من 5000 كيلومتر و لم تواجهه هذه المشكلة ... ننتظر أراء باقى الملاك بس حتى الأن لم أرى أى شخص بهذه الشكوى فى البيجو ال301 . و كما أرى فى قسم الستروين أنه ليس كل السيارات المستلمة بها هذه المشكلة!! بس الغريب إن السيارتين المفروض يتطابقوا فى كل شىء!!

http://www.nilemotors.net/Nile/37531...post3875151833

المشاركة الأصلية كتبت بواسطة ebrahim mayalo

لك ان تتخيل ان درجة الحرارة عندنا في راس البر بتبقي 37 بالنسبة لينا حر جدا وبشغل التكييف علي 2 في عز الضهر وبوطيه علي علي 1 لاني 2 ده بيخليني اتلج والعربية هتبقي هطير من علي الارض يبقي فين بتاثر علي السحب

وأنت ماتبع في القسمين وشايف إن مفيش حد ذكر أن عنده مشكلة مع التكيف في البيجو,
يبقي أزاي بتقول حاجة بتطمنك و 100 حاجة بتقلقك!!
حتي أنت متابع ورديت في الموضوع اللي أنا جايب لك الأقتباسات منه.!!!
وشوفت برضه إن المشاكل أتكررت ورا بعضها بس من التكييف في الأليزية في قسم سيتروين, ومحصلتش لحد دلوقتي مع البيجو..

يعني المشكلة حتي الأن بعيدة عن البيجو..





وعموماً من رد أستاذ أسلام عفيفي, وضح جداً ليا ولأي حد يقرأ الكلام كويس أنها مشكلة سوفتوير مش مشكلة ميكانيكية,
لأنها بالعقل لو ميكانيكا كانت هتظهر في ال 301 برضه,, لأن الأتنين خارجين من نفس المصنع بنفس الأجزاء الميكانية بالظبططط مفيش فرق ما بينهم,,

وكانو هيحتاجو يتغيرو الأتنين لهم الكومبريسور لو كان العيب منه,
لكن تاني أنت شوفت حد أشتكي من التكييف من ال 301 عشان تقول قلقتوني ؟

وأدي الأثبات اللي يوضح أنها مشكلة سوفت وير,, مش ميكانيكا,

المشاركة الأصلية كتبت بواسطة islam.afifi

مهو للأسف قبل السوفت وير ما يتغير العربية كانت مكتومة و مش بتستجيب لدواسة البنزين بسرعة
و بعد السوفت وير بقت بتكركر
و فعلا حاجة تحير

المشاركة الأصلية كتبت بواسطة islam.afifi

طبعا اسمحلي ارد على كلام حضرتك
الموضوع اكبر من بنزين
لأن الكركرة و الرجة بتحصل لما بنكون في زحمة و التكييف شغال
و التكييف مقفول الدنيا حلوة و هادية و العربية بتجري
و التوكيل لحد النهاردة راجع على كل حاجة في العربية و مفيش فيها حاجة
يبقى يا بنزين و مش مقتنع انها تكون بنزين او كومبريسور تكييف او التكييف كله الله اعلم
مش منطقي اني افول عربية من بنزينه نظيفة في التجمع مرتين و العربية مفيش فيها حاجة غير الرجة اللي في الماتور
و لما ينزلي سوفت وير العربية يظهر فيها صوت الكركرة
و لو زي ما حضرتك بتقول انها بنزين , يعني افضل مستحمل الصوت ده و كمان كام شهر الماتور يضيع لانهم مش عارفين يشخصوا المشكلة ؟!!
فيه شكوى عضو محترم بدأها و كلنا ان شاء الله هننضم ليه
احنا المفروض معانا عربيات جديدة و مش كل يوم و التاني رايحين نصلح , كنا جبنا عربيات مستعملة احسن

و اتمنى ان المشكلة تتحل على وجه السرعة بدون خسائر

http://www.nilemotors.net/Nile/375147-a-4.html
فااللي عنده مشكلة بيبقي محتار وعايز يعرف السبب من أيه,
الأجابة أهي واضحة بين السطور,,


وتاني العربيتين نفس الميكانيكا بالظبط, ونفس العفشة,, <<<<<<<<<<<<<
وكمان الأتنين بيدخل عليهم الكومبيوتر بنفس الكابل,

>>>>>>>>>>>>> ولكن سوفتوير بيجو الي عال ECU بتاع ال 301, <<<<<<<<<<<<<
>>>>>>>>>>>>> غير سوفتوير الستروين,,, <<<<<<<<<<<<<
ودا اللي أنا أعتقد إن المشكلة منه,, زي مانا شوفت من الحاجات اللي أستاذ أسلام حكاها,


وعشان كدا زي ما قلت لازم الناس تتجمع تراسل ستروين فرنسا بشكوي جماعية عن الموضوع دا عشان يحصل أهتمام بيه,
ونفس الشكوي دي تتبعت لمصانع PSA في أسبانيا عشان هما اللي هيعملو Update للمشكلة دي ويبعتوه لعز العرب وسيتروين مصر عشان الناس تنزل الأبديت الأخير اللي يحل المشكلة دي.

لأنها تاني لو مشكلة ميكانيكة مكنتش أتغيرت مع تغير السوفتوير للأسوء,
ولو مشكلة ميكانيكا تاني كانت ظهرت في البيجو301 لأنها ختها في كل الأجزاء الميكانيكية والعفشة, والأختلاف ما بينهم فقط في الشكل الخارجي والصالون, والسوفت وير الخاص بال ECU

بتمني لأصحاب الأليزيه ياخدو خطوة جدية في الموضوع دا وميعتمدوش علي الشكاوي في جهاز حماية المستهلك والتوكيل هنا بس, لأزم الشكوي تتبعت لهم برة لو عايزين حل قريب,,,

ويارب يتم حل مشكلتهم في أقرب وقت.