التوكيل اللي في (مرغم) دا هوا الأساسي,,
واللي في محطة التعاون دا اللي في رشدي شارع أبو قير دا (نصاب) والتوكيل أتسحب منه من زمان,
ولسه سايب علامة بيجو عليه مش عارف ليه عشان يجر رجل, وراجل نصاب.!!!
مرة قعدة الفتيس عندي باظت في بيجو 307 ولما سمعت صوت عالي ورعشة في العربية ومكنتش أعرف وقتها أنو منها وكلمت ناس شرحت لهم الموقف وقالو لي دي قاعدة فتيس,
ركنت العربية يومها وروحت له تاني يوم الصبح لأني كنت بشوف علامة بيجو في الشارع ولأنه كان أقرب لي من أني أطلع مرغم, بشرح له الموضوع دخل دور العربية وقالي قاعدة فتيس,
قلت ف سري الله ينور راجل بيفهم,,
قلت ماشي هيتكلف كام تصليحها, عشان أعرف تمن القاعدة والمصنعية بتاعتها,
لاقيته قالي 500 جنية.!!!!
كدا خبط لزق من غير ما يقولي لا تمنها كام ولا المصنعية كام,, طبعاً أنا مقتنعتش بالمبلغ,
كلمت بيجو مرغم وعرفت أن القاعدة ب 175 عندهم بالضريبة, وسئلتهم عال مصنعية قالي 90 جنية.!
طبعاً فرق السما من الأرض,
قلت له في رشدي شكراً أنا هروح دلوقتي وأبقي أجي لك بعدين عشان مش معايا 500 جنيه,
لاقيته بيقولي أستني بس أحنا لسه هنعمل معاك خصم !!!!! قلت له نعم ؟ كام يعني ؟
قالي هتبقي 400 جنيه بس وبعتنا ولد يجيب القاعدة,, قلت هيا القاعدة مش متوفرة عندك كمان ؟ قالي لأ.
قلت له طب شكراً, ومشيت.
طلعت علي توكيل بيجو العامرية ودا المركز الرئيسي في أسكندرية, مهملين شوية في الأستقبال,,
بس عندهم قطع الغيار الأصلية ونفس أسعار المركز الرئيسي في القاهرة وفي المصنعيات
غيرت القاعدة بالمصنعية كلة كان 290 جنية بالضريبة, ومأخدتش نص ساعة وأخدت العربية ومشيت زي الفل والحمدلله أني موقعتش في أيد النصاب دا..
فا خد بالك, وعرف الناس اللي معاهم بيجو اللي تعرفهم اللي ميعرفوش الموضوع دا,,
لأنه مش مركز خدمة معتمد, وبيشتغل الناس علي أنه معتمد,
وبيحاسبك علي أنه توكيل وفي حالتي كان هياخد مني ضعف الحساب اللي دفعته في التوكيل,
وأخر بلوة أنو بيجيب القطع من برة يعني مش من عنده ومش أصلية,,
وممكن تبقي تشوف المراكز المعتمدة لبيجو من الصفحة دي,
الأسكندرية أخر واحدة..
مراكز خدمة بيجو | التوكيل
المفضلات