الموضوع: مشكله فلتر المياه قرفني في عيشتي

المشاركة الأصلية كتبت بواسطة mohameddarwish

السلام عليكم يا شباب


عندي استفسار بخصوص فلتر مياه تانك 6 مراحل

لسه مركبو انبارح

اول مشكله

بعد التركيب بواسطه فني الشركه
قالي ان الخزان شغله نص ساعه و فضيه تاني-- 4 مرات كل مره لممده نص ساعه علشان الخزان ينضف

عملت الموضوع دا زي مقالي بالظبط و ميه الفلتر لاقيت عليهم ريم ابيض كدا اكنها دهون او حاجه كدا

تاني مشكله

الفني قالي انو الخزان بيتملي كلو في حوالي ساعتين او تلات ساعات و الموتور بتاع الفلتر بيفضل شغال و لما يفصل يبقي معني كدا ان الخزان اتملي

عندي بقي الموتور الفلتر بيعد ربع ساعه و يفصل ---موتور الفلتر بيشتغل تاني لو فتحت ميه الفلتر !!

تالت حاجه هي مش مشكله هو استفسار بسيط

المياه قبل الفلتر 250 tds

بعد الفلتر 35 tds

هل دي نسبه قليله تدعو للقلق ؟

الريم ده من خرطوشة الاملاح لو فيه وحدة اغادة تمليح المية (خرطوشة شفافة فيها كور بلي املاح صغيرة) و عادي


الموتور بيفصل لما الخزان يتملي ...... تيجي انت تفتح الحنفية تملا كباية مثلا تشرب ....... يقوم الموتور يشتغل عشان يملا الخزان تاني ....... طبعا مش هيشتغل ساعتين لانك اخدت كباية بس مش جالون ..... يقوم ينقي مية قد اللي انت سحبتها لحد ما يفصل

لانه بيفصل و بيشتغل بالضغط ...... اما الخزان يتملي فالضغط يعلى بيفصل ...... حضرتك تفتح الحنفية تسحب شوية من الخزان يفصل .....


35 نسبة زي الفل و لو فيه وحدة اعادة تمليح يبقى ال 35 دي مش شوائب دي املاح صحية