تقرير عن ستروين ax&zx

**Anas Nabil** · 22-02-2015 03:56 PM

المشاركة الأصلية كتبت بواسطة Anas Nabil

السلام عليكم ورحمة الله وبركاته

أ.روتانا مسعود
انا بشكر حضرتك و بقاى الاعضاء الكرام على مشاركتكم بالمعلومات لكل واحد محتاجها ... الله يجازيكم خير

انا بقالى فتره بدور على عربيه Ax وبعت العربيه اللى كانت معايا(دايهاتسو ميرا 1997) عشان اجيب Ax مكيفه فبريكه و ده طبعا بد ما قرات مواضيعك عن الAx و Zx و ماشاء الله حضرتك عندك فيهم خبره ممتازه و بقالى فعلا شهرين بدور على حاله محترمه و حاليا قدامى حاله تعتبر افضل حاله فل اللى انا شوفتهم بس فيها شوية حجات و محتاج رئيك

ده لينك اعلان العربيه وفى صورها سيارات مستعملة | ستروين | AX | 1400 سي سي | موديل سنة 1995 - ContactCars.com

طبعا زى ما حضرتك شوفت العربيه فبريكا بالكامل بره و جوه كل حاجه فيها شغاله فعلا و على اصلها , الصالون ممتاز فعلا حتى موكت الشنطه الاصلى لسا ملزوق لزقة الفربيكه

اما بقه العيوب هيا :
1.فى فالعفشه اصوات تخبيط كده مش عاف من اه بضبط لكن السست و المساعدين تمام

2.الكربيراتير واضح انو مش مضبوط خالص العربيه لما كبست بنزين عملت دائيره سوده فى الاسفلت بس الموتور ناعم و السحب حلو حتى والتكيف شغال

3.السقف و الكبوت محتاجين رش نضافه بسبب الشمس

4.فرق فى باب الشنطه من النحيتين بالرغم من عدم وجود اى خبطاط فيها

5.بعض الخبطاط (فى منهم خبطه قدام مخليه الكبوب مفارق و رافع سنه و مش اقادر احدد كده الدر مكبوس ولا الخبطه فى الكبوت بس )صورتها و بس للاسف مش قادر ارفعها على المنتدى بسبب الحجم فا لو ممكن ابعتها لحضرتك على فيسبوك او واتس اب يكون افضل

هو عايز 25 و انا محتار و اخر حاجه اتفقت انى اخده اكشف عليها عند سمكرى و عفشجى انا كن قايلو 23 و يشوف الاسعار اللى هيسمعا لحد ما نتقابل يوم الاثنين ان شاء الله عشان اكشف عليا

هو تانى يد من الزيرو معاه من 2005

انا اسف انا طولت عليكم جدا و ازعجتكم بس ده من العشم والله
و يرات لو اقدر اكلمك على التليفون يا أ.روتانا مسعود يكون احسن كتير لو ميضايقش حضرتك

شكرا جدا لوقتكم

Anas Nabil

ودى صور الخبطاط اللى قولتلكو عليها

**rotanamasoud** · 22-02-2015 06:42 PM

انا شايف اللى فيها ميزعلش بس اللى يزعل السعر
احسبها لو ركيب وعايزها عربيه لمزاجك مبدئيا محتاج 5 الاف على ال23 يبقى 28 حرام كتير جدا
رايى الشخصى على كلامك 18 ممتاز وتشدها صح والراى ليك ب23 تجيب زد اكس معقوله

**Anas Nabil** · 22-02-2015 10:28 PM

المشاركة الأصلية كتبت بواسطة rotanamasoud

انا شايف اللى فيها ميزعلش بس اللى يزعل السعر
احسبها لو ركيب وعايزها عربيه لمزاجك مبدئيا محتاج 5 الاف على ال23 يبقى 28 حرام كتير جدا
رايى الشخصى على كلامك 18 ممتاز وتشدها صح والراى ليك ب23 تجيب زد اكس معقوله

متشكر جدا على ردك السريع و انا سعيد لاستيجبتك

هو انا فعلا عايز اجيبها و اروئه خوصوصا نيتى لركوبها فتره طويله ان شاء الله و هى عجبانى لان فعلا انضف حالة صالون شفتها و كل حاجه فيها شغاله حتى الكاسيت الاصلى و التكيف مش محتاج شحن حتى و انا طبعا موافئك ان السعر غالى بس للاسف تاسعار كولها بقت هبل و الZx بقت بتبدأ تتكلم من 28 فا عشان كدا بفكر فى دى

معلش ليا سؤال ثانى هو فعلا ممكن تتقلب half injection و لو ينفع بتتكلف كام ؟؟

و شكرا بجد مره ثانيه

**tetomahmoud** · 23-02-2015 02:23 AM

لو سمحت يارجالة كنت محتاج واحد شاطر فى عفشة الستروين ax لان عندى شوية مشاكل وذهات من فتى الصنيعية ومستعد اروح اى مكان اهم حاجة يكون متخصص فى الستروين وشكرا لكم جزاكم الله خير

**rotanamasoud** · 23-02-2015 10:28 PM

المشاركة الأصلية كتبت بواسطة anas nabil

معلش ليا سؤال ثانى هو فعلا ممكن تتقلب half injection و لو ينفع بتتكلف كام ؟؟

و شكرا بجد مره ثانيه

ملوش لازمه يا انجكشن كامل يا كاربراتير

المشاركة الأصلية كتبت بواسطة tetomahmoud

لو سمحت يارجالة كنت محتاج واحد شاطر فى عفشة الستروين ax لان عندى شوية مشاكل وذهات من فتى الصنيعية ومستعد اروح اى مكان اهم حاجة يكون متخصص فى الستروين وشكرا لكم جزاكم الله خير

لا اعلم فى القاهره

**tetomahmoud** · 24-02-2015 01:38 AM

شكرا لردك

**tetomahmoud** · 24-02-2015 01:42 AM

معلش ليا سؤال ثانى هو فعلا ممكن تتقلب half injection و لو ينفع بتتكلف كام ؟؟
معايا سيتروين ax ومركب لها موتور اكسا را وان 1600 والتكلفة من 4 سنوات كانت 4 الالف لكن دلوقتى حوالى من 5 الى 6 الالف

**santos egypt** · 24-02-2015 08:45 PM

المشاركة الأصلية كتبت بواسطة tetomahmoud

لو سمحت يارجالة كنت محتاج واحد شاطر فى عفشة الستروين ax لان عندى شوية مشاكل وذهات من فتى الصنيعية ومستعد اروح اى مكان اهم حاجة يكون متخصص فى الستروين وشكرا لكم جزاكم الله خير

فى واحد ورا اشرفكوا اللى فى جسر السويس عند محطة العرب اسمه محمد بطيخه واحمد ينى اسااتذه وحافظين ال ax واسعارهم معقوله جدا هتلاقى الورشه مكتوب عليها الخواجه وعندهم قطع غيار استيراد وحواليهم كمان ناس بتبيع فمش هتغلب فى حاجه

**tetomahmoud** · 25-02-2015 02:35 AM

المشاركة الأصلية كتبت بواسطة tetomahmoud مشاهدة المشاركة

لو سمحت يارجالة كنت محتاج واحد شاطر فى عفشة الستروين ax لان عندى شوية مشاكل وذهات من فتى الصنيعية ومستعد اروح اى مكان اهم حاجة يكون متخصص فى الستروين وشكرا لكم جزاكم الله خير

فى واحد ورا اشرفكوا اللى فى جسر السويس عند محطة العرب اسمه محمد بطيخه واحمد ينى اسااتذه وحافظين ال ax واسعارهم معقوله جدا هتلاقى الورشه مكتوب عليها الخواجه وعندهم قطع غيار استيراد وحواليهم كمان ناس بتبيع فمش هتغلب فى حاجه
تسلم ياباشا على ردك على فكرة انا روحتلو قبل كدا وعمل معايا موقف مش ظريف فممكن يكون حظى كدا فالحمدلله