الموضوع: تقرير عن ستروين ax&zx

المشاركة الأصلية كتبت بواسطة medhatr

انا عاوز اجيب zx واظبطها بس عاوز اعرف ممكن اركبلها مكنه اكسارا بفتيس اوتوماتيك ولا لا

يركب بس حتدخل نفسك فى حوار يعنى ضفيره كنترول للموتور وللفتيس وعددات اكسارا طيب متركب اكسارا

المشاركة الأصلية كتبت بواسطة anas nabil

بسم الله الرحمن الرحيم

أ.روتانا عندى استفسار بخصوص تكيف الax و محتاج مساعدتك ...فلو ميديقش حضرتك استأذنك في رقم تليفونك عشان اقدر استفسر منك بشكل مفصل و اسهل و كمان عندي فكره محتاج مساعدتك فيها ان امكن ان شاء الله ... و شكرا

01098558339

المشاركة الأصلية كتبت بواسطة mahrous elkeay

بسم الله الرحمن الرحيم
دي ان شاء الله أول مشاركة لي معاكم وانا ان شاء الله لسه شاري عربية ax 1400 ومحتاج استفسارات منكم لو سمحتم : اول حاجة قلقتني في العربية ان صاحبها الاول مشغل مروحة الريداتير بزرار يشغله اول ما يركب العربية وىطفيه لما يبطل العربية ده صح ولا غلط وايه الخطر من كدة وياتري ده يأثر علي عمر البطارية ويخليها تنام باستمرار وهو قلي انه كان مغير وش سلندر نص عمرة بسبب السخونة ومركب عداد حرارة في التابلوة زيادة لمعرفة الحرارة غير الاصلي وشايل التكييف وثرموستات الكوعة وكلامك عن الموتور البارد بيفوت بسرعة يمشي علي الموتور ده
ثانيا فيه تخبيط تحت الفتيس
ثالثا الميكانيكي اللي شافها قالي دي كده كده لازم تغيير الموتور بسبب النص عمره اللي معمول صح ولا غلط
وده موقع كانت العربية معروضة فيه واسف جدا علي التطويل https://egypt.dubizzle.com/ar/gharbi...fsc2umcgfnzt0x

بالرغم ان شكلها الخارجى كويس بس تعانى الاهمال
عندك شويه عك زى المروحه انت ممكن تستخدم الزرار ده بس للطوارئ لاكن الترموستات هو اللى بيتحكم فى تشغيل وفصل المروحه
اعمل المروحه عند كهربائى نضيف
الموتور مشى حالك بيه لحد لما يجيب اخره وبعدين سقط مكنه
العربيه 1100 وليست 1400 حتى لو المكنه 1400 اصل العربيه1100

المشاركة الأصلية كتبت بواسطة ragehys

السلام عليكم :)

بعد كلام كتير جدا قرأته هنا و فى اماكن تانية .. الى حد كبير استقريت على انى اشترى ستروين zx ...

بس فى شوية حاجات محتاج فيها رأى اصحاب الخبرة ..

اولا السعر ... ايه اقل سعر منطقى لها فى السوق .. و ايه اعلى سعر ؟ ..
20-30 كله بتمنه حسب حالته
لو فى قدامى عربية حالتها كويسة و فيها سنتر و تكييف و باور .. المفروض يبقى سعرها فى حدود كام ؟
25-30 كله شغال بكفائه
و لو عربية حالتها كويسة بس من غير باور و التكييف فيه مشاكل يبقى سعرها فى حدود كام ؟
20-25
ثانيا .. لو التكييف مش شغال .. هيكلفنى ايه فى تصليحه او تغييره فى المتوسط ؟
2000-3000 تغيير كامل 500-1000 لوصيانات واصلاح
ثالثا .. فى عربيات فى السوق 1600 ولا دى كلها بتبقى متسقطلها موتور ؟ ... و لو متسقطلها موتور 1600 سعرها ممكن يبقى كام ؟ .. و هل التكييف مع الموتور الـ 1400 غير محتملين يعنى ولا ممكن استخدمهم بشكل معقول لحد ما اقدر اسقطلها موتور 1600 ؟
فبريكه بره مصر بينزلها حتى2400 نادر فى مصر المكن الاكبر الغالب متسقط لها موتور(ممكن تتكلم فى نفس الاسعار)
لو 1400 حالته ممتازه ممكن تتحملها مع التكييف
رابعا و ده الاهم .. ايه اشهر العيوب و الاعطال اللى بتحصل للـ zx و لازم اتأكد منها قبل ما اشتريها ؟ .. و هل الافضل آخد معايا ميكانيكى يعاينها ولا اخدها اكشف عليها فى التوكيل مثلا .. و لو عملت كدة هيكلفنى كام الكشف ده ؟ :)
زى اى عربيه ممكن تتعطل من قله الصيانه وميزتها انك لو شديتها صح بتنساها قطع الغيار اصلى ومفيش تقليد
كشف عادى الشاسيه يكون سليم ومرشتش دواخل اى حاجه تانيه تتخصم وتتعمل
و الف شكر مقدما لكل اللى حيهتم :)

معاك فى اى سؤال

المشاركة الأصلية كتبت بواسطة ragehys

معلش يا باشا عارف انى مصدعك معايا و اسئلتى كتير :d ....

لو سمحت كنت عاوز اعرف رأيك بس فى العربية اللى فى الاعلان ده
https://egypt.dubizzle.com/ar/cars/c...u9jnbhz2u9mq==

و هل السعر ده كدا منطقى ولا عالى قوى ؟ .. و لو فعلا العربية بالحالة اللى هو كاتبها يبقى المفروض اتكلم فى سعر ايه عشان ولا يبقى مضحوك عليا ولا ابقى ظالمه فى السعر ؟ :)

و يا ترى رأيك اخلينى متمسك باختيار الزد اكس ولا لو لاقيت قدامى فيات سيينا فى حدود 33 مثلا تبقى احسن ؟ ...

من الصور الخارجيه حلوه لاكن فى حجات محتاجه كشف عليها
راىى الشخصى لو حالتها ممتازه تسوى 30 (مفيهاش اى شغل ومكنه 1600 وكاوتش جديد الخ)
مضحوك عليك او ظالمه دى ملهاش مقياس وعلى قد ما تقدر قلل لمصلحتك يعنى لو عرفت تبدء ب28 ابدء بس بعد ما تتفرج وتكون تستاهل بجد اما اقصى سعر تدفعه ده راجع لان العربيه تكون عاجباك جدا وتقديرك لها
السيينا ال1400 تتركب لانها كاربراتير لاكن عيبها البارومه