أخبار المرور معاكوا ايه في رمضان؟

**Karim_Monir** · 05-09-2008 04:35 AM

اول ثلاث ليم رائعين
الخميس قادتني الظروف اخرج من شغلي في النزهة اروح العبور مشوار وكانت الساعة 2 الضهر
راجع الساعة 3:30
من 3:30 الى 5:45 بين المنطقة بتاعت العبور وموقف العاشر عشان انزل الحرفييين
كان عندي امل انام ساعتين قبل الفطار
دخلت السلام من ورا
احساس غبي جدا اني بيني وبين بيتي شارعين بالظبط والطريق مغلق تماما
الناس مش بتفهم
والله ما بتفهم
مجرد ثغرة بسيطة في الاتجاه المقابل يسدوها
طب اللي جاي هايمشي ازاي
مش مشكلة هازنق على اللي جانبي
طب ماهو اللي جنبك مفيش جنبة فاضي
مش مهم هاصدر الطرشة
طب ماهو الطريق وقف كدة لان لازم رايح جاي
بقولوكو ايه
انا صايم ومشربتش ولا سوجارة ومخي قافل
لا اله الا انت سبحانك اني كنت من الظالمين
كان هو لوحدة اللي صايم او كان الصيام دي حاجة مش بيعملها من 20 سنة واكتر
رجعت بضهري ولفيت 5 كم عشان اوصل بيتنا من الناحية التانية عشان واحد بدون عقل:cuss:
فكروني بالانعام لما بتمشي كل نعجة تحط راسها في ديل اللي قدامها
بدون اي تنظيم

**iunknown** · 06-09-2008 02:34 AM

القرية الذكية
صحراوي
رماية
منصورية
دائري
مدينة نصر (الحي العاشر)

يا ريت تفضل كدة على طول ما بقفش في اي مكان

باخرج بعد 4

يوم الخميس غيرت الطريق والميعاد
قعدت من 3:30 لـــــــــــــــــــحــــ ــــــــــــــــااااااااا ااااااااااااااااااد 4:40 من قبل نفق مدينة السلام لمدخل النفق

زي ما كريم منير قال كدة بالظبط

**Chicco** · 06-09-2008 02:39 AM

ديه حاجة مطمئنة جدا .......يا رب يسهل الأمور و يرحمني من السواقة الأجازة ديه

**OlaOsman** · 07-09-2008 06:53 PM

النهاردة كانت الطرق آخر جمال و تعتبر فاضية إلى حد كبير.

هل ده يا تورا عشان النهاردة الأحد؟

**Chicco** · 07-09-2008 11:08 PM

أنا ماشي في اجراءات أني آجر عربية بسواق و أنا في الأجازة .....مش طالبة خالص أي مغامرات :)

**aliabutaleb** · 07-09-2008 11:52 PM

المشاركة الأصلية كتبت بواسطة Chicco

أنا ماشي في اجراءات أني آجر عربية بسواق و أنا في الأجازة .....مش طالبة خالص أي مغامرات :)

انا فاكر إن أخانا محمد عز كان له تجربة ظريفة أوي في تأجير سيارة في القاهرة من EuropCar موجودة على الرابط ده

وده ويبسايت الشركة من موضوع الأخ محمد برضة

وفي نفس الموضوع الأخ NOOR اتعامل مع شركة تانية أشاد بيها هي كمان

**Chicco** · 08-09-2008 12:01 AM

جزاك الله خيرا يا علي باشا ...دايما حرجني بذوقك العالي ده ....ربنا يخليك لحمزة و رقية يا رب

أنا فعلا كنت كلمت الباشمهندس محمد عز على تجربته و هو مشكور رد علي و لفت نظري لحاجات كتير ....مثال آخر في الأدب و الأخلاق و الله

بس أنا معايا عربيتي في مصر .....ما حدش يضحك علي بس أنا فعلا خايف من السواقه في المحروسة و عايز آجر عربية بسواق .....السواقة في القاهرة بتعتمد على مجموعة من ردود الأفعال لللي حواليك و أنا سواقتي هنا خلتني افقد كتير منها .....غير اني حانزل في رمضان و كمان قانون الجباية الجديد ده مش مطمني
أنا فعلا مكلم أخ فاضل هنا على الحكاية ديه و ربنا يسهل