الموضوع: هشترى عربية لانسر كرستالة99 وعاوز رأيكم فى السعر وبعض الامور

بص يا باشا
مع احترامى لكل معجبين اللانسر وخاصة 98 وال 99

عربية متستاهلش سعرها دة نهائى فانا شخصيا اشبها بالفيرنا نفس النظام بالظبط لا تختلف عنها كثيرا
هى قطع الغيار كثيرة جدا ورخيصة جدا وسهلة البيع الاثنين فعلا واحد


الموتور بتاع الكريستالة ضعيف جدا جدا جدا 1300 وكمان 1 كامة والبودى منتهى الضعف ورقة فعلا
الفرامل بتاعتها اكثر من ضايعة
الحاجة الوحيدة ال كويسة فيها الثبات وكمان الشكل الشبابى

يعنى ممكن برقم من 40 الى 55 تركب يها افضل من الكرستالة بكتييييييييييييير
عندك مثلا
- هوندا
- اوبل فيكترا b
- bmw m40
-نيسان الصنى موديل 99 لحد 2001 دول شكلين
-فيات جراند بونتو

يعنى بدون غضب من اى احد من السادة الاعضاء المحترمين
العربيات ال انا زكرتها دى لا يمكن ان تقارن نهائى بالكريستالة تحت اى بند


الاخ صاحب الموضوع انا عايز افيدك ليس اكثر واوجهة اهتمامك لما هو افضل من اختيارك من واقع خبراتى السابقة بمختلف انواع السيارات



مع كامل احترامى الشديد للجميع

هوندا قطع غيار موجودة كتير وفى اصلى وفى صينى
واسعار قطع الغيار فى رخيص وفى غالى
استهلاك البنزين عربية موفرة جدا جدا جدا (بس اهم حاجة الحساسات كلها تكون سليمة) عشان تدى اداء وتوفير وقود

النيسان صنى موديل 99 الى 2000 الشكل القديم خالص كربراتير وموتور 1300 2 كامة عربية بتمشى بريحة البنزين وموتور اقوى من الكريستالة والعربية مجمل دبابة شاسية حمال قسية هو السف بتاعها بس ورقة
والعربية ليها مكن 1600 استيراد كتير
قطع الغيار موجودة كتير ورخيصة

هوندا سيفيك 92 الى 94
وتدور على ال Civic SI
الحساسات: دى بتبقى فى جميع العربيات الانجكشن وفى عربيان كربراتير بس قليل فيها حساسات

وعشان اشرحلك يبقى خرجنا من الموضوع بس بمنتهى الاختصار العربيات المتطورة كلها فيها وحدة معالجة اختصار اسمها ECU دة زى الكمبيوتر بتاعك بالظبط بس مصغر مربوط بشوية حساسات موزعة فى اماكن مختلفة بالموتور والفتيس والتكيف وحتى ادوات الجر

المطلوب من الحساسات الحصول على بيانات كلا حسب طبيعة عملة وارجاعها الى ECU وعلى ه>ة الوحدة التصرف تجاهها دون الرجوع الى السائق او اى تدخل من اى نوع

دى صورة توضيحية
-------------------
[shfaf2]http://img177.imageshack.us/img177/4256/v3extwiringtf7.gif[/shfaf2]

ابعد عن ال 1300 اوتوماتيك نهائى
لو متعدلة جاهز بمكنة 1600 عادية افضل من 1600 ميفيك او حتى 1500
عشان الميفيك بقى قطع غيار غالية

يكون فيها جنوط 15 او 16 وتكون متعدلة عفشة كاملة "evo" امامى وخلفى
وتجيبها ال هى فول اوبشن يعنى اربعة ازاز كهرباء وبور ستيرينج وفتحة سقف .... دى بتجيب فلوس افضل لما تتباع
يعنى ممكن كمان سنتين تبيعها بــ 75 الف (طبعا بضحك على اساس جنان اسعار السوق المصرى)

تكون نضيفة من جوة اخر حاجة


بالتوفيق يا وحش..... بس على فكرة الهوندا اسعارها دلوقتى بقت نار ومطلوبة جامد جدا وبيعها سهل جدا