هشترى عربية لانسر كرستالة99 وعاوز رأيكم فى السعر وبعض الامور

**buddha** · 22-08-2013 04:54 PM

مواتير اللانسر ال بتيجى استيراد كلها جميلة جدا جدا
وعموما المواتير الـــ dohc او ال 2 كامة بتبقى اداء رياضى
وال 1500 2 كامة تقريبا دة بتاع ميراج
(موتور جميل)

بس عشان تبقى عارف العملية مش موتور وبس لازم وشرط اساسى تعديل جميع نظام التعليق الخلفى والامامى ونظام الفرامل دون زللك يبقى انتحار

بس قبل اى كلام انتا عايز مكن عفى وقوى ورياضى ولا استخدام عادى
عشان فى مواتير كتير جميلة للكريستالة و رياضية جدا

وكمان الموتور ال 1500 دة بينزل بفتيس اوتوماتيك tiptronic

---------------------------------------------------------------------------------
السيفك مطلوب بطريقة جامدة وسعر اعادة البيع ممتاز
ادخل على قسم الهوندا واسائل عن اسعار موديل 93 و لما تيجى تبيعها اية نظمها

**اسلام السعيد** · 24-08-2013 03:38 AM

اكيد مكن عفى وقوى علشان هسافر بيها كتير هدخل كده اشوف الدنيا فيها ايه فى السيفيك

**جيفارا** · 15-09-2013 10:49 PM

المشاركة الأصلية كتبت بواسطة zizophone

check the below topic
http://www.nilemotors.net/Nile/372831-a.html

حليب هارتي....!!!!

**جيفارا** · 15-09-2013 10:53 PM

المشاركة الأصلية كتبت بواسطة buddha

بص يا باشا
مع احترامى لكل معجبين اللانسر وخاصة 98 وال 99

عربية متستاهلش سعرها دة نهائى فانا شخصيا اشبها بالفيرنا نفس النظام بالظبط لا تختلف عنها كثيرا
هى قطع الغيار كثيرة جدا ورخيصة جدا وسهلة البيع الاثنين فعلا واحد

الموتور بتاع الكريستالة ضعيف جدا جدا جدا 1300 وكمان 1 كامة والبودى منتهى الضعف ورقة فعلا
الفرامل بتاعتها اكثر من ضايعة
الحاجة الوحيدة ال كويسة فيها الثبات وكمان الشكل الشبابى

يعنى ممكن برقم من 40 الى 55 تركب يها افضل من الكرستالة بكتييييييييييييير
عندك مثلا
- هوندا
- اوبل فيكترا b
- bmw m40
-نيسان الصنى موديل 99 لحد 2001 دول شكلين
-فيات جراند بونتو

يعنى بدون غضب من اى احد من السادة الاعضاء المحترمين
العربيات ال انا زكرتها دى لا يمكن ان تقارن نهائى بالكريستالة تحت اى بند

الاخ صاحب الموضوع انا عايز افيدك ليس اكثر واوجهة اهتمامك لما هو افضل من اختيارك من واقع خبراتى السابقة بمختلف انواع السيارات

مع كامل احترامى الشديد للجميع

انا ممكن اسمح لك تغلط ف امي وابويا....
انما الكريستالة ....لاااااااااااااااااااااا ااااااااااااااااااااااااا اا
بس الموتور 1300 ده معاق فعلا....
انا معاك

**جيفارا** · 15-09-2013 10:59 PM

المشاركة الأصلية كتبت بواسطة prosecutor

بص يباشا انا كان معايا كريستالة 1300 وكان ماتورها زى الفل وسفلا زى ما انته عايز متور قوى ويتحمل وتكييف تلاجة بس التكبف بيهبط العربية بس فى الجرى

اوسخ حاجة عملتها اليابان هي 1300 ف الكريستالة
زي الخ{....... ولا مؤاخذة
والتعديل والتسقيط بشهادة ناس كتير مسموح ومطلوب ومينزلش العربية لو مهتم بيها ومتكونش انصاص
بالذات الكريستالة والهوندا والجولف والجولييت

**جيفارا** · 15-09-2013 11:02 PM

المشاركة الأصلية كتبت بواسطة mohammedabdallh

المتور 1300
لازم مع التكييف تلاقيه متكتف اما مع السرعات العاليه فوق 100كم بيقى كويس متحسش انه متكتف اوى

تسقيط متور مفيهوش ضرر على العربيه
بس وقت البيع الناس الى بتفهم هتشترى على طووول اما الناس التانيه هتوجعلك دماغك

مش هقول غير انك معلم
انا ف الزحمة ببقى مخنوق وحاسس بخنقة الموتور مع المكيف
انما ف السفر الله اكبر عليه ال 1300 بحس انه قرد ف السحب
بس برضه له حدود...

**اسلام السعيد** · 16-09-2013 04:37 AM

والله يا استاذ جيفارا انت زي العسل انا الحمد لله اشتريت عربيه كريستاله 99 لسه متسقط فيها ماتور 1500 2 كامه من شهريين وفيها جنوط اسبور من الغاليه وعدة صوت كينود هى بس محتاجه فرش ورش للأكصدامين وسبب بيع صاحبها ليها انه هيشترى زيرو وهو جارى يعنى حاجه مضمونه