الموضوع: اسئله عامه عن البادى كيت والمساعدين المونرو والتيربو

المشاركة الأصلية كتبت بواسطة shepo0o0

انا عايز اعرف حاجه مهمه هوا يا جماعه في (بودي كيت ) كساحات اماميه وخلفيه وسكيرت كاربون فايبر او اي خامه تكون احسن من الفيبر جلاس لانو بيتكسر بسرعه انا عايز حاجه تكون عامله زي الاكصدام الاستوك كده في الخامه او علي الاقل تكون اقوي من الفايبر حتي لو اغلي

و عايز اعرف يا تري المساعدين المونرو تنفع مع الهوندا ديل سول و لو ممكن اركب معاها سوست اسبور غير الستوك يا تري هتبقي العفشه كويسه والعربيه ثباتها يزيد ولو سوست سبور هتوطي العربيه

وبالنسبه للديفل لو عايز اركبلها ديفيل كامل ممكن يتكلف كام

واخر حاجه لو موتور العربيه كويس ونضيف وانا حابب اركب تيربو كيت دا ممكن يتكلف كام لاني بصراحه مبفهمش في الموضوع دا خالص وهيزود الhp قد ايه مع العلم ان ديل سول تقريبا 160 hp

بالنسبه للزوايد ( الكساحات ) بتبقى حاجه اسمها rubber قابله للطى و مبتتكسرش

الزايده الاماميه ب 500 و خلفى ب 400 و عتب ب 750 جنيه ده لل 92 لو 97 زود 50 جنيه على الحاجه دى

بالنسبه للعفشه مونرو عندهم مساعدين للهوندا بس غاليين

ممكن تجيب مساعد ال Kyp ممتاز و صناعه يابانى و على قد الايد

سوست اسبور مع مساعد الاصلى + ارض مكسره يعنى لو منطقتك فيها كسر كتير او بتروح حتت مكسره المساعد مش هيكمل سنه و هيضرب لكن لو استعمالك فى شوارع نضيفه و مفيهاش مطبات كتير ممكن يقعد سنتين تلاته و السوسته الاسبور هتوطى العربيه من 3 ل 4 سم

بالنسبه للديفل لو سيستم كامل من شركات تعديل هتدفع مبلغ و شويه حلوين

لو عموله هتدفع مواسير صلب حوالى 300 جنيه ولو هتعمل هيدر ب 600 و مبنصحش بيه لان محدش بيعرف يعمله

لكن علبه الشكمان الاسبور الاصلى عليها الختم بتبدأ من 500 ل 1500 جنيه

على حسب نوع العلبه

بالنسبه للتربو انت عايز توصل لكام حصان لان كل حصان بفلوس و مصاريف

خد الموضوع ده هيفيدك

http://www.nilemotors.net/Nile/31467...bo-engine.html

^_^