هل في خوف على الودائع في البنوك وتعاملات البورصة؟

**marsguy** · 16-08-2013 06:06 PM

المشاركة الأصلية كتبت بواسطة أحمد كمال

ده الجنيه السوداني الجديد ..... اللي ب 100 دينار سوداني ..... اللي ب 10 جنيه سوداني قديم

يعني الجنيه السوداني الجديد بألف جنيه سوداني قديم !

إيه الإشتغالات دي يا عم :)

خلاص من بكره نعمل جنيه جديد ونكتب ما بين قوسين إنه يساوي 100 جنيه قديم :) وبكده نرجع لعصر الأربعينات لما مصر كانت أغنى من إنجلترا وكان الموظف اللي بيقبض 20 جنيه عايش مبسوط

**أحمد كمال** · 16-08-2013 06:10 PM

المشاركة الأصلية كتبت بواسطة marsguy

إيه الإشتغالات دي يا عم :)

خلاص من بكره نعمل جنيه جديد ونكتب ما بين قوسين إنه يساوي 100 جنيه قديم :) وبكده نرجع لعصر الأربعينات لما مصر كانت أغنى من إنجلترا وكان الموظف اللي بيقبض 20 جنيه عايش مبسوط

انت عارف ان لسه فيه ناس في السودان بتقول الاسعار بالجنيه القديم

يعني اول ما رحت السودان ....... باجيب كباية قهوة من فرشة شاي و قهوة في الشارع (بيسموها ست الشاي) ...... باقول لها بكام بتقول لي 2000 !!! 2000 ايه يا ولية؟؟؟؟؟ 2000 جنيه ....... ليييييييييييييه؟؟؟؟؟؟؟

طلع قصدها 2 جنيه جديد يعني

تروح تسال على ايجار شقة مفروشة يقول لك ب 4 مليون في الشهر هههههههههه

**marsguy** · 16-08-2013 06:28 PM

المشاركة الأصلية كتبت بواسطة aliabdo

عمر ما الانهيار الاقتصادى بيحصل فى يوم و ليله ابدا ده بياخد وقت كبير و بيكون ملخوظ للجميع
المشاكل الموجوده حاليا مشاكل سياسيه مش مشاكل اقتصاديه و لو كانت بالفعل موجوده بالفعل
استبعد انخفاض سعر الجنيه المصري امام العملات الاخري بل اتوقع ارتفاعه نظر لتايد العديد من دول الخليج للمسار الحالى فى مصر متمثل فى قروض و ودائع بالعملات الاجنبيه فى البنوك المصريه

موضوع عدم وجود فلوس فى البنك سببه الاساسى تقليل الكاش فى البنوك لتفادى حدوث اى اعمال سرقه انما لو عايز تسحب مليون جنيه و قالك مفيش تانى يوم حيكون موفرهم لك
من الاسباب بروضو الناس كتير بتسجب فلوس من البنك بس مجرد هدوء الوضع حيعود كل حاجه زى ما كانت و احسن ان شاء الله

دى مجرد وجهة نظر شخصيه ممكن تكون صح او غلط

أعتقد فعلا إن بمجرد هدوء الوضع المفروض الدنيا تتحسن جامد أوي وبسرعه

وده بسبب إن إحنا في الحضيض حاليا

بس المشكله هو إمتى الدنيا ها تهدى وإزاي

ربنا يفرجها من عنده

**aliabdo** · 16-08-2013 06:43 PM

ان شاء الله الوضع حيتحسن بسرعه اكتر مما نتخيل و الدنيا حتهدى الشرطه و الجيش "مع عدم نسيان تاريخهم فى الاحداث الماضيه " مش ناوين يتساهلو تمام مع اى احداث و ده حيأدى ان الدنيا تهدى بسرعه كبيره ان شاء الله

**elmo7areb** · 16-08-2013 06:44 PM

الاخوان كانو من اسبوعين طالعين بكلمتين بيقولك فيهم اى حد له اى فلوس فى البنك يروح يسحبها وميسيبش فى رصيده حتي 100 جنية

وطبعا هما عاوزين يوقعو اقتصاد البلد بحالها مش انتقام من السيسي لا انتقام من مصر كلها

وطبعا انا اول حاجة عملتها كلمت واحد صاحبى فى البنك العقاري وطمني جدا وقالى لو عاوز تيجى تسحب كل فلوسك انا تحت امرك وبمزاجك احنا عندنا فى البنك المركزي رصيد بيساوي مجموع ارصده العملاء

انا مسحبتش ولا مليم من البنك لان المبادره الاخوانيه دي فيها انهيار مصر

ولان الدوله بتضمن جميع اموال المودعيين فى البنوك

السؤال المهم

هل الدوله بتضمن جميع اموال المودعيين فى البنوك الخاصة كمان ؟؟

على فكرة البنك العقاري بنك حكومي

**ramy_gamal** · 16-08-2013 07:19 PM

البنك المركزى بيضمن جميع الودائع بالجنيه المصرى فى كل البنوك لو الودائع بالدولار ممكن تسحبها بس بالجنيه
بالنسبه ل البورصه مفيش اى مشكله فى بيع الاسهم بس اللى مخوف الواحد انها تقل كتير زى اللى حصل فى 25 يناير يعنى ممكن تتحبس فى الاسهم بتاعتك فترة لحد ما البورصه تفتح ويا ترى لما تفتح الاسعار هتكون ايه فى ثورة يناير لما فتحت بعد شهرين اول يوم كان نزول غير عادى يعنى مكنش له لزمه القفل لان اللى كانو خايفين منه حصل وهو النزول الرهيب .... ربنا يستر على بلدنا

**Ahmed_Adham** · 16-08-2013 10:47 PM

البنك المركزي بيضمن أي أرصده للمودعين بس ده لو بنك واحد أفلس مثلا لكن لو الموضوع انهيار كامل للاقتصاد البنك المركزي مش هيسد بحاجه لأن الاحتياطي اللي بيحطه أي بنك في البنك المركزي بيبقى 20% (يارب متخونيش الذاكره في النسبه) من رأس مال البنك مش حجم الودائع. البنك المركزي (والبنوك التجاريه) تقدر توفي بالتزاماتها تجاه مجموعه من المودعين لكن متقدرش توفي بالتزاماتها تجاه جميع المودعين في وقت واحد لأنها بتخرج جزء كبير من أرصدتها في صوره قروض عشان تحقق أرباح.

بعيد عن ده بقى معتقدش ان فيه أي خطر واللي محصلش ايام يناير 2011 مش هيحصل دلوقتي. اللي ممكن يحصل بس هوه شويه نقص سيوله في ماكينات الصرف نتيجه قله حركه عربيات نقل الاموال لملو ماكينات الصرف وأنا لفيت النهارده على كذا atm عشان ألاقي واحده فيها فلوس ولما لقيت كان الليمت 2000 جنيه بس مش اكتر.

ربنا يستر وتعدي الايام دي على خير.

**Imhotep** · 16-08-2013 11:11 PM

وقت الازمات عايزين نتعلم الثقة فى انفسنا و فى بلدنا و نتكاتف بيننا و بين بعض بدلا من الاستسلام للسلوك الفردى العشوائى و الاستسلام للاشاعات و هو ده فعلا اللى ممكن يعمل ازمة...... النظام المصرفى المصرى فيه اكتر من تريليون جنيه ودائع بتاعة الناس بيستثمرها لهم..... و بيمشى بيها حال الاقتصاد بتاع البلد و بيعطى للناس فوائدها بأنتظام...... اعتقد تبقى سبوبة حلوة اوى للبلطجية دلوقت لو كل واحد فكر ياخد فلوسه و يشيلها تحت البلاطة..... و ادى موضوع سابق فيه كلام عن الاقتصاد بيوضح جوانب كتير للموضوع ده:
http://www.nilemotors.net/Nile/325001-a.html

**kondor** · 16-08-2013 11:30 PM

مفيش اى خوف على الفلوس من ناحية السحب و الايداع
اصلا نسبة تشغيل موجودات البنوك اقل من 60% يعنى اقل من 60% من فلوس الناس فى البنوك شغالة في شكل قروض و تسهيلات ائتمانية و غيرها و الباقى ال 40% كاش فى الخزن (و ده مش حاجة كويسة بس علشان الوضع الاقتصادي الحالي) فا حكاية مفيش فلوس و الفلوس تسحبة من البنك يقولك مفيش الكلام ده مستحيل يحصل حتى لو قامت حرب بكل ما تحملة الكلمة من معني

المشكلة الحقيقة بقي ان الوضع الاقتصادي و الضغوط الموجودة ده هتزود البطالة و هتقلل من قيمة العملة و الى بتنعكس على اسعار اى سلعة او خدمة مستوردة من الخارج.

ملحوظة اخيره امان مكان تشيل فيه فلوس و في الظروف ده هو البنك و تمشي بل Credit or Debit Card خصوصا مع الانفلات الامني الحالي

الموضوع: هل في خوف على الودائع في البنوك وتعاملات البورصة؟

LinkBack

أدوات الموضوع

عرض

-

-

-

-

-

المواضيع المتشابهه

البنك المركزى يضمن جميع الودائع فى البنوك

بخصوص الودائع فى البنوك مهم جدا

الفائده البنكيه على الودائع والشهادات بالدولار واليورو

هيا اغلاق البنوك بيؤثر على عوائد الودائع فى البنوك؟؟

تحويل الودائع من جنية لدولار صح ام خطا

الكلمات الدلالية لهذا الموضوع

المفضلات

المفضلات

ضوابط المشاركة