الموضوع: هو فى بى ام صناعة سويدى وفى صناعة المانى ؟؟؟

لأ مش صناعة دي تقفيل يا فندم

انما القطع بتتبعت من المانيا طبعاً هم عليهم بس يربطوها مش اكتر

ومتخفش BMW عندها مراقبة على الجودة عالية جداً فمتخفش مش هتقل اي شئ عن BMW تقفيل المانيا نهائياً وعن تجربة حتى التقفيل المصري اكتر من الممتاز وبيوفر لك جامد في العربيات الفئات العالية من BMW اللي بتستعمل محركات 2000 سي سي وانت طالع زي X1 و 320i و X3 ..... الخ

يعن عاااااااااااادى مفيش مشاكل اشيل وعل البركة ان شاء لله مفيش خوووف؟؟؟؟

ال e63 يا فندم كان انتاجها من 2003 ال 2010 و كانت بتتجمع في مكانين فقط في العالم هما ألمانيا و مصر . اعتقد حضرتك متلغبط في الموديل

و بالمناسبه حتي لو كان قصدك e36 و ده الاغلب لانها كانت بتنتج من سنه 1990 الي سنه 2000 فهي كانت بتتجمع في مصر و ألمانيا و أمريكا و المكسيك يعني مفيش تجميع ليها في السويد برضه :) و اكيد هتكون من اي بلد تانيه من اللي ذكرتهم . طبعا BMW بتلتزم التزام صارم بمراقبه الجوده بس خللي بال حضرتك برضه اننا بنتكلم علي عربيه بقالها سنين ماشيه في شوارعنا و لذلك اهم حاجه هي حاله العربيه الفعليه زي حاله الموتور و العفشه و الصاج لان دول اللي يفرقوا عربيه عن التانيه و مع الأخذ في الاعتبار برضه زي ما قلنا ان مقاييس BMW في الجوده عاليه و كمان ان البلاد اللي بتجمع دي كمان محترمه

انا اقصد e36 سورى حصل لغبطة فى الحرووف يعنى افهم من كلمكم مهما كان العربية مهما كان تقفلها نضيفة اصل الميكانيكى قالى اللى بطاريتها ورا دى المانى واللى بطاريتها قدام دى بتبق صناعة سويدى الكلام دة صح ولا غلط؟؟؟؟

المشاركة الأصلية كتبت بواسطة legend_0087

انا اقصد e36 سورى حصل لغبطة فى الحرووف يعنى افهم من كلمكم مهما كان العربية مهما كان تقفلها نضيفة اصل الميكانيكى قالى اللى بطاريتها ورا دى المانى واللى بطاريتها قدام دى بتبق صناعة سويدى الكلام دة صح ولا غلط؟؟؟؟

لأ كلامه غلط و فتي ميكانيكيه. اولا مفيش e36 تجميع السويد اصلا و ثانيا اللي بطاريتها ورا دي تبقي تقفيل مصري أما اللي بطاريتها قدام فدي هتبقي مستورده من اي بلد تانيه من اللي كانوا بيجمعوها في ذلك الوقت زي المانيا او المكسيك او امريكا .

يا جماعة انا شوفت اراء كتير انا عوز اناس تجتمع على حاجة وحدة بس انتو دخلتونى فى ميت سكة بعد ما كونت فى سكتين ههههههههههههههههه العربية اللى بطاريتها ورا دى صناعة اية ؟؟؟ واللى البطارية بتعتها قدام دى صناعة اية ؟؟؟