السرعة القصوى للمازدا 3

**Kamal-1** · 05-09-2008 04:44 PM

يا رافع راس السيفيك فوق يا باشا انا اعلى حاجه جبتها بالعربيه كانت 203 و الصراحه قلقت ازود عن كده انا كلامى على السيفيك طبعا

على فكرة انا مصور عداد عربيتي وهي جايبة 203 هههههه بس على فكرة هي اخرها 211
علة ما اعتقد بس خلاص انا حرمت من ساعة اخر مرة اتسحبت رخصتي 186 على طريق مطروووووووووووووووووووووو ووووح وبقيت ملتزم 120-140 في السفر

**the_wheel_man** · 05-09-2008 04:54 PM

انا سمعت كلام عن المازدا انها بتأفل 200 بس مجربتهاش الصراحة
س الصراحة انا الشارك جايب بيها 205 علي اسكندرية الصحراوي و في 55 دقيقة كنت في القاهرة و دة رقم قياسي
حد يعرف يكسرة؟؟؟؟؟

**tote_ide** · 06-09-2008 03:40 AM

ممكن تقولى مواصفات الشارك اللى انت كنت بيها وكنت مشغل التكييف ولا لأ.؟؟؟

**ahmad--ezzat** · 06-09-2008 05:52 AM

يجماعة هيا ال 200 وال 190 والحجات دى سهلة اوى عندكم كدة لية بس
السرعة العالية خطر ياجماعة وبتخف وزن العربية مهما كانت نوعها (يارب يكفينا شر الطريق)

**abo samra** · 06-09-2008 06:17 AM

بالنسبه للماذدا 3 معروفه من زمان................ فى الظروف العاديه من غير مواجهة الهواء للسياره او مش فى منزل السياره اخرها 195 اوتوماتيك و 200 مانيوال تقريبا

**khaledmekawy2008** · 06-09-2008 06:58 AM

طيب لانسر بومة موديل 2008 جايبة 200 بالظبط على طريق اسماعيلية صحراوى وكانت برضه ثابته والتكييف شغاال على كده موتور البومة اشد من مازدا ولا ايه خصوصا انها اتوماتيك cvt بس صراحة كان فى سيفيك جنبى واحد سيقها فرمنى بمعنى الكلمة فى التسارع وعدانى بعد 200 كمان

**the_wheel_man** · 06-09-2008 07:18 AM

بص يا باشا انا الشارك الي كانت معايا دي كانت Ex العادية و غير كدة كانت ايجار يعني طالع عين امها بس بتجري
و اساسي كنت فاتح التكيف علي 2 عشان الازاز مقفول طبعا
و في مرة كمان و الله جابت 210 في منزل بسيط اوي يعني 105 و نزلة بسيطة 210 و فضلت ماشية عليها شوية لحد مهديت انا عشان كان في منحني و كل دة و التكيف شغالو هيا هيا نفس العربية
ربنا يبارك فيها

**the_wheel_man** · 06-09-2008 07:22 AM

سوري 205 مش 105
و الانسر البوما سافرت بيها مرة موديل 2008 الشكل القديم و الصراحة هيا خنقتني لانها كانت جديدة فلعربية كان اخرها 180 و الصحراوي كان سخن جدا بس الحمدلله القطة عملتها و قطعت الطريق و محدش عرف يجيب (مللك التغريز)

**khaledmekawy2008** · 06-09-2008 07:36 AM

على فكرة اللانسر الشارك ملهاش حل فى حته ان موتورها ممكن يفتح زى السيفيك وده اكيد وهجيبلكوا فيديو متصور لكده وبرضه لانسر بوما بعد ال10 الاف كيلو وتغير زيت هتلاقى عربية جابت 200 وما شاء الله فعلا ثبات رهيب والله عكس الاخوة اللى فى المنتدى اللى بيشككوا فيها

**blazer** · 06-09-2008 07:52 AM

المشاركة الأصلية كتبت بواسطة khaledmekawy2008

على فكرة اللانسر الشارك ملهاش حل فى حته ان موتورها ممكن يفتح زى السيفيك وده اكيد وهجيبلكوا فيديو متصور لكده وبرضه لانسر بوما بعد ال10 الاف كيلو وتغير زيت هتلاقى عربية جابت 200 وما شاء الله فعلا ثبات رهيب والله عكس الاخوة اللى فى المنتدى اللى بيشككوا فيها

يعنى ايه ماتورها يفتح زى السيفيك
قصدك يعنى يجيب اخره ؟؟