شاهين 1600

**mohamed2002** · 13-10-2008 02:18 AM

المشاركة الأصلية كتبت بواسطة MoDyBeNz2008

اهدوا شويتين يا جماعة

هو حجز افيو و هيستلم قريب مش فاكر امتى يعني الموضوع ملوش لازمة اصلا

الف مبروك وربنا يديه خيرها ويكفيه شرها ,الناس هادية مفيش مشكلة لكن احنا بنتناقش لا اكثر ولا اقل

**zizophone** · 15-10-2008 03:29 AM

بص والله يباشا انت بتسافر خمس مرات انا كل يوم بسافر
1- سواء طلعت الكرسي رجعتة مش مرتاح .
2-الدواسة مقرفة كل الدوسات جنب بعضهم تيجي تدوس فرامل تلاقي البنزين معاك.
3-التكيف مالوش اي لازمة ومتحاولش تشغلة لانك بتتعب نفسك على الفاضي.
4-أستهلاك البنزين عادي هو مشعالي ولا قليل بالنسبة ل1600.
5-طبعا دة غير الي قاعد ورا ياكبدي معذب وبيموت.
6-مفيش اي نوع من انواع الثبات بعد 120 وانا مصر على كدة مع اني مركب كاوتش بريدجستون ومساعدين منرو .(كفاية انها ب70 الف جنية ومفيهاش اي حاجة من دة كلة)

**Nour_Peugeot** · 16-10-2008 04:22 AM

وليا سوال هينهي الحوار ده خالص ازاي يعني نقارن عربية او ماركة بقالها مفيش 15 20 سنة بعربات بقالها 100 سنة و بنقول مفيش تحيز

يا جماعه لو سمحتم اليعرف معلومه يتفضل يقولها مش عارف ينتظر باقي الاعضاء لتوضيح الامر

و من امتي البيجو بتنزل بكاوتش نسر

**فادى** · 16-10-2008 12:48 PM

المشاركة الأصلية كتبت بواسطة Nour_Peugeot

وليا سوال هينهي الحوار ده خالص ازاي يعني نقارن عربية او ماركة بقالها مفيش 15 20 سنة بعربات بقالها 100 سنة و بنقول مفيش تحيز

يا جماعه لو سمحتم اليعرف معلومه يتفضل يقولها مش عارف ينتظر باقي الاعضاء لتوضيح الامر

و من امتي البيجو بتنزل بكاوتش نسر

جبنا البيجو 405 موديل 99 وجيه اباظة و كانت نازلة بكاوتش نسر و غيرناه بعد فترة بميشلان.

**hesham_tawfiq** · 16-10-2008 04:09 PM

يا جماعه اسمحولى اشترك معاكو فالموضوع دا مع انى معييش شاهين انما جربتها كتير.
استاذ فادى واضح ان حضرتك متحيز جدا لعربيتك وضد اى حاجه تانيه ودا مش صح لانو ببساطه لولا اختلاف الاذواق لبارت السلع. نيجى بأه للتقييم الشاهين محركها عملى واى حد ممكن يصللحها ودى ميزه انما دا برض يدل على ان تكنولوجيا المحرك متأخره نسبيا عن كل اللى بيتصنع دلوقتى.وبالنسبه لصوت المحرك عمره ماكان مقياس فمش معنى ان المحرك صوته واطى انو ضعيف والا كان زماننا شايفين ال128 فى لفورميولا وان :-) وكمان ممسمعتش عن عربيه حديثه عاوزه تتكهن بعد 100 الف كيلو امال الانسر والاكسل والاكسنت ... الخ دول ماشيين ازاى
بالنسبه للكماليات وخصوصا التكييف حضرتك شايف ان التكييف كافى للى راكب قدام طب واللى ورا مش من نفسه فالحر دا يقعد برضه فالتكييف !وكمان العفشه بتاعة الشاهين ناشفه جدا
فى رايى مزايا الشاهين الوسع - رخص وتوافر قطع الغيار - صاج ناشف وقوة التحمل انما معرفش استهلاك الوقود اخباره ايه لكن اكبر عيب السعر المبالغ فيه جدا خصوصا للكامله
دا سعر يجيب حاجات تانيه احسن كتييير وكماليات ومحرك افضل.
وفى النهايه الاختلاف فالراى لايفسد لود قضيه ودى مجرد اذواق