عجبتنى الريو جدا عن السيراتو ونازل اشترى بكرا يا ريت الافادة

**carfreak92** · 18-08-2013 11:07 PM

مساء الخير عليكم جميعا

انا والله كنت رافع موضوع تسعير كيا سيراتو وانا اريح اشتريها صاحبها عمل حادثة بيها الجنب الشمال اطبق كله فمكنش ليا فيها نصيب

فلقيت كلام كتير عن الريو وانها عربية حلوة شكلا وموضوعا وانتشرت فى السوق ونجحت والاعلانات على النت كتير فحبيت اتفرج عليها

وفعلا نزلت شفت واحدة لونها اسود فرش كونياك هاتش باك هاى لاين 2013ماشية 13000 كيلو

جنط 17 شكله تحفة عليها كاملة كل حاجه عدا البصمة

وسعرها كان 129000 ومش راضى ينزل عن كدا

فيا ريت التسعير وهل السعر دا كويس ولا لا بس يا ريت الافادة فى اقرب وقت لانى هشتريها بكرا ان شاء الله ومتشكرين جدا

**2CODE** · 19-08-2013 12:24 AM

13 الف كيلو ومنزل سعر العربية من 148 الف لـ129 الف - حلو طبعاً لو مش راشه ولا اي حاجة (خلي بالك لان الريو هاي لاين سيدان اتباعت قدامي 8000 كيلو بـ138 الف!!!!!!!!!!) فعلشان كده لو مش راشه ولا مجرحة ولا اي حاجة يعني كأنها زيرو تبقى تمام جداً وتوكل على الله

**carfreak92** · 19-08-2013 12:36 AM

العربية زيرو وكشف عليها عن سمكرى وبوهيجى وفى التوكيل كله تمام وزى الفل ومتشكر جدا لردك المشجع يا فندم ربنا يدينا خيرها ويكفينا شرها

**mosboss** · 19-08-2013 12:48 AM

شوف عندك في .......cars rio 2013 hatchback highline f ب120 الف http://www........cars.com/usedcars_...?CarID=1335520

**mosboss** · 19-08-2013 12:48 AM

http://www........cars.com/usedcars_...?CarID=1335520

**carfreak92** · 19-08-2013 12:51 AM

اللينك اللى حضرتك ادتهولى مش بيفتح طب حضرتك ممكن تفيدنى فى سعرها وانا قرأت كلام لحضرتك حببتى فى العربية الصراحة بس بالنسبة لسعرها كدا كويس ولا لا و 2 code طمنى من ناحية السعر ومتشكر جدا لتفاعلكم ومستنى رد حضرتك

**mosboss** · 19-08-2013 12:53 AM

خش علي .......cars واختار kia rio هتلقيها في اول صفحة

**ahmed salah90** · 19-08-2013 12:53 AM

حضرتك من النوع اللي بيشتري عربيه تعمر معاه و لاخمسه و تبيع
لو عربيه تعمر معاك ابعد عن الكوري المبلغ اللي حضرتك كاتبه انا الصراحه استخسر ادفعه في عربيه كوري اما لو حضرتك بتاع خمس سنين و تبيع مافيش مشاكل سعر اعاده البيع قد تكون جيده

**mosboss** · 19-08-2013 12:54 AM

في مشكلة في المنتدي مش عارف اكتب كويس شوف خش علي كونتكت كارز و اختار في العربيات المستعملة كيا ريو هتلاقيها في اول صفحة

**carfreak92** · 19-08-2013 12:59 AM

لا انا العربية عموما بتفضل معايا اكتر حاجه سنة ل سنتين وممكن 6 شهور كمان وببيع وبجيب غيرها ولو جالى فيها سعر اعلى ببيع على طول مبقتش بحب اخلى عربية تفضل معايا فترة وبحب اركب عربيات كسر زيرو وبشترى دماغى :)