الموضوع: صوت تزييق في المساعدين !!

المشاركة الأصلية كتبت بواسطة shark3040

تسلم يا باشا ما شاء الله الناس هنا خبرتها اعلي من الصنايعيه لو فكرو يفتحو ورش هيقعدو الصنايعيه في بيوتهم :c_laugh[1]:

أنا بصراحة ما كنش هينفع اروحله عشان بعيد عني عشان انا في المعادي وظروف البلد والوقت فروحت لمركز في شبرا الخيمه في طريقي اول ما شاف العربيه وسمع الصوت قالي بطاحات قولتله انا لسه مغيرها قالي يمكن مش راكيه كويس بس بعد ما بدأ شغل قالي ان بيض الدريكسيون هو اللي عاوز يتغير وهو عنده كمان قطع غيار وفي الاخر اخد ٢٠٠ جنيه تمنهم ومصنعيته المهم وصلت لاخر الشارع اقيت الصوت رجع تاني بس اخف شويه طقطقه من غير تزييق كلمته قالي هاتها عشان اكشفلك علي العفشه كلها المهم انا روحت لعفشجي غيره ولسه بحكيله علي الصوت قالي بيض الدريكسيون قولتله انا لسه مغيره راح فاكك وحطله زيت وربط وقالي اطلع جرب لقيت ما شاء الله الصوت راح تماما ومن يوميها والصوت غار في ٦٠ داهية :)

ربنا يخليك, وأحنا مش بنعمل الشغل بأيدينا زي الصنايعية,,
بس مشكلة أنعدام الضمير عن معظم الصنايعية ورغبت كل ورشجي أنو يقلب جيب الزبون اللي جايلة علي أساس أنه بيه وأفندي هيا اللي خلاتنا نتعلم كل حاجة قبل ما نروح لحد
ونعرف أيه اللي بيبوظ دي ودي والصوت لو طلع يكون من أيه, عشان لو روحت لحد مايشتغلكش ويغير لك حاجات كتير سليمة وممكن مايكونش العيب منها زي ما كان عايز يغير لك بطاحات وهما أغلي من البيض والعيب مش منهم كمان.!!

والحمدلله أنك حليت المشكلة وعرفت سببها, لدلوقتي وبعد كدا,
واللي ركب البيض المفروض كان يزيته قبل وا يربط, بس كدا أنت كله تمام عندك إن شاء الله.
والتكلفة ما شاء الله مش كتير,,

مبروك تاني علي حل المشكلة.