تكييف ثلاجة باليل و الصبح صوت بس ؟؟؟

**mohd7380** · 19-08-2013 06:35 AM

ازاي يبقي تكييف عربيتي باليل ماقدرش استحمله على واحد و الصبح يبقى ضعيف لدرجة انه ساعات فى الايام الحر قوي بقفله و افتح الشباك
انا قرات موضوع عن عزل العربيات الداخلي هنا علي المنتدي ضد الحرارة و الصوت بهرني ياتري ممكن يكون العزل هو الحل خصوصا ان عربيتي موديل 2000 يعني ممكن يكون العزل دة زي البوية الفبريكة له مدة و بيفقد خواصه
ياريت نتشارك فى الموضوع دة كلنا لاني اعتقد انه مهم لكل انواع العربيات

**wael61** · 19-08-2013 07:45 AM

طب زرار تقليب الهوا شغال ولا لا

**aldesha989** · 19-08-2013 09:26 AM

بص ياريس

مش شرط عزل

اول حاجه لما بتركب العربيه الصبح لو كانت واقفه فى شمس فصعب جدآ ان التكيف يديلك السقعويه اللى عايزها بسرعه

لازم تخرج السخونيه من العربيه الاول حتى لو فتحت الشبابيك شويه خمس دقايق وانتا ماشى لحد ما تخرج السخونيه من العربيه

تانى حاجه اغسل السربنتينه الاول بمايه وهواء مضغوط علشان لو متوسخه مش بتدى تبريد

تالت حاجه متأكد ان المروحه ببتاعت السربنتينه شغاله كويس او السرعه التانيه شغاله ؟

بعدين نشوف موضوع العزل ولو تقدر تركب ستاير كبس هتفرق معاك فى الشمس جامد

**elpasha1** · 19-08-2013 12:21 PM

ممكن يكون عاوز يتزود فريون

**عبدالرحمن-جبر** · 19-08-2013 09:41 PM

انا عندى نفس المشكلة دى

**samyyousef** · 19-08-2013 11:13 PM

اعتقد ان هذه المشكلة في معظم الانواع الاوربي

**mohd7380** · 20-08-2013 05:32 AM

ياجماعة سربنتينة اية و فريون اية ال عايزني اراجع عليه بقولكوا التكييف بعد الساعة 5 العصر بيبقى تلاجة انا المشكلة عندي من 12 الضهر ل 4 او 5 العصر

**elbaz45** · 20-08-2013 10:01 PM

يا باشا لان بالليل بيحصل انتقال حرارة conduction+convection فبتكون درجة الحرارة جوة العربية زى برة انما بالنهار بيحصل انتقال حرارة لداخل العربية conduction+convection+rediation فبتكون درجة الحرارة جوه العربية اعلى من بره بتاع 7 درجات سيليزية وبما ان الاوربى عموما تكييفه مش زى الكورى فبالنهار يدوبك بتحس بيه وبالليل بتحس انه اتحسن كتير

**mohd7380** · 21-08-2013 12:12 AM

المشاركة الأصلية كتبت بواسطة elbaz45

يا باشا لان بالليل بيحصل انتقال حرارة conduction+convection فبتكون درجة الحرارة جوة العربية زى برة انما بالنهار بيحصل انتقال حرارة لداخل العربية conduction+convection+rediation فبتكون درجة الحرارة جوه العربية اعلى من بره بتاع 7 درجات سيليزية وبما ان الاوربى عموما تكييفه مش زى الكورى فبالنهار يدوبك بتحس بيه وبالليل بتحس انه اتحسن كتير

طب حضرتك شايف ان المشكلة دي ليها علاقة بالعزل او عموما ليها حل و لا لأ ؟