مكتوب في موقع تويوتا مصر ارتفاع السيارة من الارض 12.5سم الاستندار اقل حاجة 14 سم في مصر يعنى الواحد يشرب مطبات للصبح
الاوكتافيا وكيل 16 سم
هوندا سيفك 16.66 سم
نيسان صنى 15.5 سم
اوكتافيا خليجى 14 سم
عرض للطباعة
مكتوب في موقع تويوتا مصر ارتفاع السيارة من الارض 12.5سم الاستندار اقل حاجة 14 سم في مصر يعنى الواحد يشرب مطبات للصبح
الاوكتافيا وكيل 16 سم
هوندا سيفك 16.66 سم
نيسان صنى 15.5 سم
اوكتافيا خليجى 14 سم
دة هينزل كل الي راكبين معاة من عربية لما يجي يطلع علي مطب
احتمال ان السواق شخصيا ينزل ويزق العربية لما يعطي المطب
عشان الصورة تبقى واضحة
ال wheelbase قد ايه ؟
نسيت اقولك ان ال ground clearance للكورولا 2008 كان اقل من السيفيك
و مع ذلك العربية مش بتحك ف المطبات زى السيفيك
ممكن يابانيين عملين فيها حوار علشان متخدش المطب وومكن بيعلموا الي بيركبوها ازاي يخسوا
يعنى الصنى اوطى من السيفيك !
wheelbase 2700mm
وسؤال من فضلكم : ايه العلاقة بين الـwheelbase والـGround clearance....
انا خايف من كارتيرة الزيت والشكمان
ال wheelbase بتاعها 270 cm
و ال ground clearence بتاعها مكتوب فعلا انه 12.5 cm
Toyota - Corolla Specifications
العلاقه يجب ان تكون طرديه
يعنى فى حاله ground clearance قليل يجب ان يكون الـwheelbase قصير
كده الـwheelbase طويل (2700 ملم) مقارنة بالـ ground clearance المنخفض (125 ملم)
يعنى العربيه هتاخد مطبات كتيييييير
فى الهوندا سيفيك
الـ ground clearance يساوى 166 ملم وال wheelbase يساوى 2,668 ملم
فى النيسان صنى
الـ ground clearance يساوى 155 ملم وال wheelbase يساوى 2600 ملم
كده العربية هتتقسم نصين على اول مطب كبير للاسف :oh::oh::oh:
قاعدة العجلات كل ما كانت قصيره كل ما خلت العجل اللي قدام يقابل العجل اللي ورا بسرعة على المطب
مما يجعل منتصف المطب من منتصف قاعدة العجلات بأرتفاع عن الارض
انما لو كانت قاعدة العجلات طويلة والارتفاع قليل (زي الكورولا) هتلاقي الاتي :
العجل اللي قدام في بعد المطب
العجل اللي ورا قبل المطب
العربية متعلقة في النص على المطب
لازم يشوفوا حل قبل ما ينزلوها يا اما مش هتنفعنا للاسف
حرام والله اللى التوكيلات بتعملة فينا
عارف اول اما الناس تشتكى ابعتولنا العربيات على التوكيل ويركبوا فيها عليات 2 سم تخيل العربية بتاعتك لسه زيرو ويفكو 4 مساعدين وشوف بقى فى مصر ولو نسيوا يركبوا باقى المسامير انا مش فاهم فين قسم الدعم الفنى اللى شغاليين فى التوكيلات فين الدراسة اللى بتتعمل على العربية قبل ما تنزل السوق المصرى اسكودا اوكتافيا كانت 14 سم ولما الناس اشتكت علوها بقيت 16 سم:01964e~163:
ياريت ياباشا تبص ع البوست دا
http://www.nilemotors.net/Nile/3875084232-post4.html
:U_thin1[1]::U_thin1[1]::U_thin1[1]:
الصراحة HTB !!!!!!
و بيأكد كدة الصور اللى التوبيك دا
http://www.nilemotors.net/Nile/374237-a.html
whatever ,,
if so ,, يبقى المطبات هتعمل issue كبيرة
:Copy of majd(4):
كدة يبقى التوكيل محصلش ورشة
لما قاعدة العجلات تزيد ويقل ارتفاع العربية اذن العجلتين اللى فى الاول ينزلو من المطب ويشربو 2 شاى
و العجلتين اللى ورا لسه حيطلعوا المطب
صبااااح الحك ؟؟
انا شايف اننا نتتظر
لان الارقام دي مش دليل علي شئ
وفي كذا معاير لقياس الارتفاع
ومعروف عن الكورولا انها عربية عائلية وفكل موديل مبتكنش واطية معادا 94 لانها كانت معايا
وكانت واطية لكن بردوا تحفه
والله اعلم ..
العربية مصفح من اسفل الموتور بالكامل وغير كده مساعدين التويوتا لا تتاثر بالوزن كما هو فى الكوررى يعنى بالبلدى كده مش بتريح اوى مع الوزن
عامة ديه اراء والفاصل هو الاستعمال والتجربه
انا شوفت العربية
وشايف انها اعلى من الانترا
كانوا جمب يعض
انا ذهبت بنفسى اليوم توكيل تويوتا في التجمع الخامس علشان موضوع الارتفاع من الارض
وقستها من المنتصف بين البابين طلعت 20 سم من الامان منخفضة حوالى 2 سم من الاكصدام الامام
بس طلعت عالية اكتر حاجةعجبانى فيها الشنطة واسعة واسقف لصالون من الخلف عالى اللى مجننى الناس هناك ماشاء الله في الحجز
وبعد كدة عديت على الهوندا قولت اما اتفرج عليها هما التوكيلين جانب بعض قعد في السيفيك
الصالون اضيق من التويوتا ومن الخلف السقف واطى بس خامات الهوندا احسن بكتير من خامات التويوتا شنطة السيفيك اصغر من شنطة التويوتا بس عفشة الهوندا احسن علشان هيا مالتى لينك
المهم التويوتا مناسبة فى السعر على الاقل بسعر الكورى عفشة ناشفة واستهلاك عالى في البنزين زى كيا
احسن فئة في الكورولا 185 الف ودية اللى شوفت معظم الناس بتحجزها
حضرتك شوفت كل الفئات ولا فئة واحدة
مش عارضين الا اول وتاني فئة اوتو
الله يطمنكوا يا رجالة...... الله ينور عليكم
انا ليا 2 استفسار1- الناس بتشتكى من الخامات الداخليه بتاعت السيفيك مع انها معايا بس 2012 بس شايفها معقوله فمعنى ان التويوتا اسوا تبقى ازاى؟
2-انا كنت سالت عن ال park assist قبل كده على تويوتا ايجيبت وانتا جاوبت عليا انه العربيه بتركن لوحدها وبعد كده الادمن قال لا ده لمساعدة السائق لما رحت التوكيا لقيت ايه؟ والف شكر مقدما
اولا انا السيفيك عجبانى جدا بس الكنبة الخلفية ضيقة عن الكورولا تانى حاجة الكورولا يوم اما تحب تبيع بتخلص بسرعة جدااااااا
نظام الركن علشان انا فعلا كنت فاهمة غلط
شوف انتا بتوقف بين عربيتن وبعدين تدوس على زرار البارك على شاشة التبلوة بيجيلك تنقل للامام او الخلف انما الدكسيون ممنوع تمسكة ورجلك على الفرامل
انتا بتنقل الفتيس وفرامل فقط وممنوع تمسك الدركسيون
تمام سعتك انقل لما هو يطلب منى ولا ايه ...
تانى حاجة الحجز بملغ كام والاستلام بعد أد ايه والف شكر لحضرتك وايه الألوان المتوافرة
العربيه استلام فورى فى كذا معرض الفئه التانيه ب 186k
سوف أقوم بزيارة غداً لفرع التجمع صباحا واسأل عن ذلك بالتفصيل
انا روحت تانى النهاردة التوكيل تويوتا علشان الفئة هاى لين وصلت عندهم وكن عاوز اشوف 25 الف جنية كماليات زيادة عن 185الف على الطبيعة كل اللى عجابنى الكاسيت فقط والكراسى الامامية عادية مش كهرباء زى اماكانو كاتبين كل الناس تتفرج عليها وبعد كدة يحجزوا 185 الف
انا كمان سالت على 2 ايرباج لما يضربوا لا قدر الله فبقولة حوالى 12 الف جنية كدة تقريبا
مسئول المبيعت بيقولى 40 الف جنية تغييرهم قولت امال اللى فيها 7 ايرباج هتكون كام؟؟؟؟؟
بعد الزيار امس للتوكيل وسالت بخصوص Ground Clearance
نقطة قياس الارتفاع من عند الشكمان وهى تعتبر اوطى نقطة فى العربية
تقبلوا تحياتى
والحل ؟؟؟ عربية واطية يعني هتحك في المطبات
للاسف انا امتلك سيارة كورولا 2014 جبتها اول دفعة نزلت مصر و لم ينصحنى احد السيارة زبالة فى المطبات و تحك لو فية زلطة فى الارض و بالرجوع الى التوكيل افاد ان الجانب اليبانى لم يرد حتى الان على هذة المشكلة.
استاذ محمود منورنا والله
بس حضرتك بتغيب علينا فترات طويلة و كنت كتبت موضوع :
http://www.nilemotors.net/Nile/412035-2014.html
وردينا علي حضرتك بس حضرتك معلقتش خالص و مش عارف هل حضرتك شفت الردود و لا لأ .
مش اقدر اعرف ايه موضوع الزلط اللي بتحك فيه ده ازاي يعني !! عموما انا هنقلها لحضرتك تاني عشان تطمن :
ده كان سؤالك :
الى كل من يريد شراء سيارة جديدة كورولا 2014 ارجو الانتظار لوجود عيب خطير و هو قربها الشديد من الارض مما يسبب احتكاكها فى الظلط الموجود بالاسفلت للاسف لم اجد من ينصحنى عند شرائها حيث انى قمت بشرائها اول مانزلت و ارجو من تويوتا اعادة تقييم السيارة للسوق المصرى مرة اخرى و شكرا.
الاجابة :
اولا مرحبا بيك عضو جديد في منتدي نايل موتورز.
ثانيا حضرتك اشتركت النهاردة او دلوقتي حالا عشان تدخل تقول ان العربية فيها عيب خطير انها بتحك في الظلط !!! و لا قصدك المطبات.
المفروض قبل ما حضرتك تشتري العربية تكون عارف مواصفاتها وان ارتفاعها عن الارض 12.5 سم من اوطي نقطة و هذا لا يعيب العربية نهائيا لكنه عيب شوارعنا في مصر.
عموما انا مش عاوزك تقلق خالص من الموضوع ده لكذا سبب :
1. العربية مصفحة من تحت, ولو مقلق انك حكيت ارفعها و اتفرج عليها من تحت وقولي لو فيه اي خدش.
2. تم تعديل ارتفاع العربية بما لايضر الثبات و ده للعربيات الجديدة.
3. سيتم استدعاء العربيات القديمة لعمل التعديل اللازم و ببلاش في خلال شهرين من تويوتا ايجيبت بما لا يضر الثبات, ,وده ابسط رد علي طلب حضرتك ان اللي عاوز يشتري العربية ينتظر و انا مش شايف ان في اي داعي للانتظار لأنها اتعدلت بقالها 3 شهور يا فندم .
طيب هل دي حاجة الزامية لتويوتا انه يعمله و ببلاش ؟؟ انا شايف لأ بصراحة لأن ده عيب في الشارع مش في العربية بس عموما هي حركة كويسة جدا من تويوتا ايجيبت انه يستجيب بسرعة و ميكلفش العميل اي حاجة .
بس انا ليا سؤالين عند حضرتك :
1. ليه متسألش قبل متشتري و تبقي عارف موصفات العربية اللي بتشتريها ؟
2. ليه معملتش شكوي و قولتلهم المعلومة دي ؟
احب ارحب بيك مرة تانية , و منورنا
اشكرك على اهتمامك و بالنسبة للسؤال الاول :
1) انا جايب اول دفعة نزلت مصر فى شهر 9/2013 فلم تكن السيارة قد جربت من قبل.
السؤال الثانى:
2) لقد قدمت شكوى بالفعل فى اليابان و لم يتم الرد على و كذلك عندما قمت بصيانة 1000 كم فى مركز تويوتا اسكندرية وتم الرد على بأن الموضوع قيد الدراسة من الجانب اليبانى و عندما سيادتك اعلنت ان الموضوع تم حلة منذ اسبوعين قمت بالاتصال بالتوكيل الذى افاد بأنة لم ترد الية معلومات و ان النت ليس المكان المناسب لاستياق المعلومات الصحيحة.
فى النهاية لم اريد الا فقط تحذير غيرى من هذة المشكلة و عندما عبرت بقول زلطة فى الشارع كنت اقصد ذلك لانى فى مرة كان معة الاولاد و لم يكن هناك مطب و السيارة حكت فى طوبة فى الارض مرتفعة بعض الشئ.
و لعلم سيادتك انا الى الان لم يتصل بى التوكيل المحترم لابلاغى بالتعديل مع العلم انهم ابلغونى فى الصيانة السابقة انى سوف يتم ابلاغة فور وصول التعديل من اليابان.
و لسيادتكم جزيل الشكر على الاهتمام,,,,,,,