الموضوع: سوزوكي سنتر لاستيراد و بيع قطع غيار سوزوكي - موضوع اعلاني -

المشاركة الأصلية كتبت بواسطة letux

رأيى لشخصى و عن تجربة لانى اشتريت حاجات كتير للعربية من تانى سنة ما جبتها .

سوزكى سنتر اول ما اتعاملت معاه كنت شايفه كويس و تمام .
بس لانه يعتبر المستورد الوحيد او من القلائل الى شغالين فى حاجات الالتو . فاسعاره فيها استغلال كبير .
دة غير انى اكتشفت انه بيعمل شغل تحت بير السلم و يبيعه عى انه هندى و برده باسعار اوفر زيادة عن اللزوم .

مثال على الاسعار الى ملهاش مبرر .
جوان وش سلندر . بيبيعه ب 60 و ساعات ب 50 . على حسب الزبون .
الجوان دة انا لسة جايبه امبارح من محل تانى فى التوفيقية بتاع جوانات ب 30 جنيه .
قيس على كدة حاجات كتير اوى بقى . من سيور و فلتر و تيل ... الخ .

بحكم انى ليا فى المهنة " تجارة و تصنيع قطع غيا السيارات " . فاكيد فاهم ايه الهندى من الى معمول فى شبرا الخيمة .
ففى حاجات ان مسكتها بايدى من عندهم مكتوب عليها من برة هندى و استحالة تكون دى هندى . و لو كانت هندى حتى فالهند بردك فيها ورش تحت بير السلم .

اتمنا يراعى ربنا فى اسعاره . احنا مبنسرقش الفلوس ولا راكبين طيارات . دى عربية 800 cc و مفهاش حتى تكييف .

و امنا بردك المصرى يبيعه على انه مصرى عادى :) و الله هنشترى بردك .

بسم الله الرحمن الرحيم
اسعار الألتو ارخص سعر بعد التوكيل لأن بضاعتنا درجه اولى و جيده
و بالنسبه للشغل تحت بير السلم عندنا استعداد اى قطعه تأخذها و تذهب بها للتوكيل وهو يحكم بنوعيتها وخاصه ان سيادتك عندك خبره واسعه بالنوعيه حيث جوان وش سلندر عندنا ب50 جنيه
وحضرتك اشتريته من محل جوانات بالتوفيقيه وللعلم هم يصنعونه بأيديهم و هو خامه و صنع مصر وليس مستورد من الهند وهذا يوضح مدى خبرتك الواسعه فى معرفه الأصناف و الخامات و الصنع
وللمره الثانيه يمكن حضرتك تحضرالينا وتشرفنا وترى خامتنا الهنديه الجديده ونتعلم من سيادتك الفرق بين خامتنا الهنديه الجيده وخامه شبرا الخيمه
و شكرا على الملاحظه