فك بطاريتين واستبدال الارباع البايظة

**ahmedfaash** · 21-08-2013 02:46 AM

انا فى عندى بطاريتين من نوع كلورايد السائلة والاتنين بايظين بس واحد بايظ فيها ربعين والتانية بايظ فيها ربع واحد
فهل ممكن انى افك الاتنين واستبدل الارباع البايظة من واحدة فى التانية وبالشكل ده يكون عندى بطارية شغالة لانى ناوى ابيع العربية ومش عايز اشترى بطارية جديدة

فهل حد هنا فك البطاريات واستبدل الالواح البايظة

مع العلم انى ليا معرفة كويسة جدا بالكهرباء وكمان فكيت بطارية قبل كده كانت 6فولت وكان ربع فيها بايظ بس ساعتها مكانش معايا بطارية تانية عشان ابدلها بالارباع البايظة

**ahmedfaash** · 21-08-2013 11:01 PM

ما شاء الله 40 واحد شاف الموضوع ولا حتا رد واحد

**akmm** · 22-08-2013 11:34 AM

تحياتى انا مش عارف ده ممكن ينفع عمليا ولا لأ ولكن هونظرى ممكن اسال حد من بتوع البطاريات ان قدر يعمل كده وتسيلبطاريه والالواح الرصاص فى مقابل ذلك لانهم بيبيعوهم كرصاص والبطاريات الكلورايد السائله اعرف انه بيتغير لها ارباع وبعد كده بيوضع الاء او ما يسمى ميه النار؟

**ahmedfaash** · 25-08-2013 05:20 AM

فى الواقع انى شوفت فيديو كامل على اليوتيوب انو جاب الواح البطارية القديمة السليمة الارباع واخد السليم بس منها ومن البطارية التانية بردو وجهز الالواح وحطهم فى جف بطارية جديدة (جف فاضى طبعا)

وبعد كده لحم اطراف التوصيل السالب والموجب ولحم غطا البطارية الجديدة

فايه راى الناس فى العملية دى حتنفع عندنا هنا ولا بس عندهم

على فكرة انا عايز انفذ الفكرة لانها عجبتنى جدا
بس مخلى بالى انى الراجل اللى فى الفيديو ده محترف يعنى عمل بطاريات كتيير قبل كده مش زى حالتى دى اول محاولة ليا ويا اما تنجح وابقا استصلحت واحدة منهم
او انى اكون بس بوزت بطريتين واكيد طبعا بهدلة نفسى