عاوز بطارية

**abosharbat** · 22-08-2013 09:15 PM

مساء الفل
الحمد الله رب العالمين
الاحد الماضى وانا فى الشغل وركن العربية فى ميدان ابن الحكم فى حلمية الزيتون ودها بالمناسبة ازحم ميدان فى مصر وحتة زحمة جدا
نزلت الساعة 2 ظ واكتشفت اختفاء بطاريتى حبيبتى طبعا بخ اتسرقت
وبما ان انا معاى عربية 127 فعاوز بطارية 44 وبعد بحث وتنقيب وتدوير اكتشفت ان مفيش بطاريات 44 فى البلد ، الكل بيقول انها مش موجودة
فحد يعرف ممكن اجدها فين وياريت يكون فى دائرة الحلمية او مصر الجديدة لانى لاقيت الرومانى فى جسر السويس الحمد الله اتسرق واتحرق من بلطجية عين شمس وراحت كمان لشرارة ابن سندر واشرفكوا فى المطرية
لان ناس كثير قالوا ان البطارية 55 مش هتدخل فى العربية علشان المكان صغير
ارجو الافادة عاوزها مياة مش جافة علشان ارخص
جزائكم الله كل خير
ولا اراكم الله مكروها فى بطاريتكم

**tota_ys** · 22-08-2013 10:17 PM

الناس وصلت بيها السفاله لسرقت البطاريات
انا بس نفسى افهم الشرطه هترجع تشتغل امتا الاخوان وخلاص مشيو ايه الحجة بقى
ملعش ربنا يعوض عليك وينتقم من اللى سرقها
ومش هقدر افيدك بصراحه فى حكايه الحجم دى بس اكيد اخوتنا اللى عندهم خبرة هيقلولك
تعمل ايه

**aw2100** · 22-08-2013 11:14 PM

المشاركة الأصلية كتبت بواسطة tota_ys

الناس وصلت بيها السفاله لسرقت البطاريات
انا بس نفسى افهم الشرطه هترجع تشتغل امتا الاخوان وخلاص مشيو ايه الحجة بقى
ملعش ربنا يعوض عليك وينتقم من اللى سرقها
ومش هقدر افيدك بصراحه فى حكايه الحجم دى بس اكيد اخوتنا اللى عندهم خبرة هيقلولك
تعمل ايه

ماتستغربش سرقة البطاريات دى منتشرة من سنتين بس فى موديلات زى ال128 و 127 اللى الكابوت بيتفتح بسهولة فى واحد معرفة معاه 128 اتسرقت منه السنة دى 3 بطاريات لدرجة اخر واحده اشتراها مستعملة وربك الستار !!