يعنى ايه موتور على الارض

**MarEgypt** · 21-08-2013 07:18 PM

فى واحد كاتب أن عنده موتور راكب فى نص مش على الارض

يعنى اية "راكب فى نص"؟ ويعنى ايه "على الارض"؟

وليه بيقول انه راكب فى نص انها ميزة ؟

هل فعلا ميزة ولا اشتغالة تسويق ودعاية ؟؟؟؟؟؟

**misoalex** · 21-08-2013 08:10 PM

راكب فى نص يعنى النص جاى كامل من بره بموتوره وده بيبقى حالته افضل لان انت بتشوف النص كله ادامك وحالته ايه وبتقيم على اساسه حاله الموتور وبتشوف كمان لو العداد راكب الموتور ده ماشى اد ايه
ده اولا
ثانيا لو النص مش كويس ايه اللى حيخليهم يجيبوه من بره بيفكو الموتور بس ويجيبوه وانت وحظك بقى يطلع حلو يطلع معفن
ده فيه مواتير بتيجى لونها ابيض من كتر الركنه بره الموتور ملح وبياخدوه بتراب الفلوس ويبيعوه هنا

وعموما هو الموتور حاله مش شرط عشان يبقى فى نص يبقى حالته كويسه 100% ممكن يبقى مهلوك وماشى كتير
وغير كده بقى لو انت حتسقط مكنه غير مكنتك ففى الحاله دى لالالالالالازم تجيب الموتور من نص عشان تاخد معاها الفتيس بالضفيره بالكنترول يونيت وممكن ريدراتير وحبه حجات كمان فدى ميزه تانيه ان الموتور يبقى راكب فى نص

**SERGIOOO90** · 21-08-2013 10:17 PM

المشاركة الأصلية كتبت بواسطة misoalex

راكب فى نص يعنى النص جاى كامل من بره بموتوره وده بيبقى حالته افضل لان انت بتشوف النص كله ادامك وحالته ايه وبتقيم على اساسه حاله الموتور وبتشوف كمان لو العداد راكب الموتور ده ماشى اد ايه
ده اولا
ثانيا لو النص مش كويس ايه اللى حيخليهم يجيبوه من بره بيفكو الموتور بس ويجيبوه وانت وحظك بقى يطلع حلو يطلع معفن
ده فيه مواتير بتيجى لونها ابيض من كتر الركنه بره الموتور ملح وبياخدوه بتراب الفلوس ويبيعوه هنا

وعموما هو الموتور حاله مش شرط عشان يبقى فى نص يبقى حالته كويسه 100% ممكن يبقى مهلوك وماشى كتير
وغير كده بقى لو انت حتسقط مكنه غير مكنتك ففى الحاله دى لالالالالالازم تجيب الموتور من نص عشان تاخد معاها الفتيس بالضفيره بالكنترول يونيت وممكن ريدراتير وحبه حجات كمان فدى ميزه تانيه ان الموتور يبقى راكب فى نص

انا اكتشفت إني لا افقه أي شيئ في الميكانيكا :) ربنا يزيد علمك

**sheko_2000eg** · 23-08-2013 12:17 PM

طبعا علي نص افضل زي ما قال misoalex
لكن برضو مش شرط الحالة انا عن نفسي سقطت في حياتي كلها
حوالي 25 ماتور لا اللي في النص بيثبت انه كويس و لا حتي اللي في الارض
انت و حظك بس اوعي توافق ان ماتور ينزل في عربيتك و انت شاكك في كفائته لان تغيره هيباه افضل من البهدلة اللي هتشوفها
بعد كده منه --- انا في عربيتي الحالية سقط 5 مواتير كل ما حط واحد ياما صوته في تكتكة و دي بداية النهاية -
او جاب ميه من المانافول و دا معناه وش سلندر - او ادواته مش كاملة و طبعا ده معناه انه جيه تجزئة مش بيع
و حاجات من ديه كتير --- كل اللي اقدر اقولهولك لازم تكون متسقط عند حد تثق فيه جدا

**srt10** · 23-08-2013 05:48 PM

هوا مافييش مواتير بتيجي جديدة ؟

**sheko_2000eg** · 23-08-2013 08:24 PM

المواتير الجديدة بيتعمل بيها اردر

**musama** · 24-08-2013 06:49 AM

ايه الاختبارات الاوليه اللى بتعملها على الموتور قبل ماتسقطوه. وايه الحجات اللى لو لقيتها فيه تصرف نظر عنه قبل ما تسقطة.

وتسقيط موتور بيكلف كم تقريبا؟
وانك تشيله وتسقط غيره بتبقى نفس التكلفه ولا نظامها ايه؟ وبترجع الموتور وتاخد غيره فى فترة كم؟