الموضوع: يعنى ايه موتور 8 فالف و موتور 16 فالف وايه الفرق بين ال 1 كامه و التنين كامه

يا جماعه انا خلاص قررت ان انا هسقط مكنه بالتكيف والضفيره والكونترول ومبفكرشى اجيب نص لان انا مش شايف ليه اى لزمه انا كل اللى محتاجه هو الموتور بس وكدا كدا عربيتى فيها مواسير التكيف فمش هحتاج النص فى حاجه فهيبقى مصاريف على الفاضى

بس انا بصيت لموضوعات قديمه لاقيت فيها اللى بيتكلم عن موتور ال 1400 سسى بكذا شكل
مثلا
1400 سىسى 1 كامه و 1400 سىسى 2 كامه و 1400 سىسى 8 فاف و 1400 سىسى 16 فالف يعنى ايه الكلام ده انا مش فاهم

بس انا واحد صاحبى اللى فهمهولى ال 2 كامه قالى ان الموتور ده قبل 100 كيلو بيبقى 1400 سىسى عادى بس بعد الى 100 بيفتح كامه تانيه وده بيخليه يستهلك بنزين اكتر بس بيبقى اشد بكتير زيه زى الموتور ال 1800 ياترى ايه رايكوا فى الكلام ده لو ده صح انا شايف انه احسن من ان الواحد يسقط 1600 على الاقل انه هيوفر بنزين جوا البلد ولما يجى يجرى بيه المكنه هتساعدهه فهيبقى روعه صح ولا غلط

بس السؤال بقى هو الموتور ده هو اللى موجود فى الجولف 4 هو ال 1400 سىسى 2 كامه ولا غلط وياترى مواتير الجولف هى هى برده مواتير البولو ولا فى فرق بينهم


وايه رايكوا الواحد يسقط موتور ال 1400 سىسى ده هيعوز يغير العفشه انا اعرف ان ال 1600 لازم اغير العفشه علشان كدا مفكرتش فيه بس لو فى 1600 برده حاجه كويسه ياريت تقولولى عليه وياريت لو حد يحطلى مقارنه بين المواتير كلها اللى ممكن اسقطها للابيزا الانجيكشن مواتير ال 1600 و مواتير ال 1400 بس

وياريت تقولولى اشمعنى بتسقطوا مواتير البولو بس ليه محدش شوفته بيقول انه سقط موتور جولف على الابيوزا ولا هو مينفعشى ولا مينفعشى ترخصها فى المرور على الابيزااا

وفى عربيات بولو 1400 سىسى و 1400 سىسى 2 كامه و 1600 سىسى ياترى ايه موديل كل واحد منها
واستهلاك البنزين ليهم وقطع الغيار و موتور السات ال 1600 ده حلو ولا اخلينى فى مواتير البولو احسن انا لا افقه شئ فى المواتير ياريت حد يدينى درس عنها من الاول للاخر ويفهمنى كل حاجه من فضلكوا

وممكن حد يقولى ايه لزمه الهورس باور بالنسبه للسرعه ساعات فى عربيات الهورس باور بتاعتها كبير وبتبقى بطيئه وسحبها ضعيف ايه لزمه الهورس باور بتاع العربيات يعنى الابيزا الهورس باور بتاعها ضعيف لو قارنتوا بالاسبرانزا a113 يعنى لو الهورس باور بيزود سرعه العربيه كان المفروض ان ال a113 اسرع من الابيزا وده مستحيل