اقتباس المشاركة الأصلية كتبت بواسطة nbabad مشاهدة المشاركة
السلام عليكم

عربيتي فيرنا 2013 أشترتها من حوالي 4 شهور وماكنش ليا خبرة بالعربيات خالص قبل كده .. علشان كده لما أشتريت ماكنتش عارف إيه إللي المفروض يكون موجود في العربية علشان أجربه وقت الإستلام ..
المهم .. بعد ما أخدت العربية ومع إستخدامي ليها لاحظت إن لما أدوس مفتاح الريموت العربية بتفتح عادي والفوانيس تنور مرتين .. ، لكن لما أدوس الفمتاح تاني الأبواب بتتقفل والكشافات مش بتنور خالص !.. ، يادوب بس أسمع صوت اللوك بتاع الأبواب وهو بيقفل عشان أعرف إن العربية إتقفلت !
طبعا الموضوع ده كان غريب بالنسبالي لكن قولت يمكن ده العادي بتاعها ! .. ، وروحت صيانة الألف كيلو في أبو رواش .. وعادي جداً عربيتك زي الفل يافندم وكله تمام !
شوية وقابلت واحد صاحبي جاب فيرنا برضه فسألته عن القصة ديه قاللي إن مع القفل لازم الفوانيس تنور مرة واحده ومع الفتح مرتين !.. فياترى المشكلة ده إيه وهل صعبه ولا ممكن تتظبط ؟!

الأمر الثاني وهو إللي قالقني فعلاً هو إن ساعات لما آجي أقفل الأبواب بالريموت مش بتقفل ولا بسمع صوت اللوك خالص !! ..، أدوس مرة وأتنين وتلاتة علي مفتاح الريموت ولا الهوا !! .. ، ولما أحاول حتي أقفل العربية بالمفتاح يدوياً من باب السائق ألاقي باب السائق بس هو إللي إتقفل لكن باقي الأبواب لسه مفتوحه !!.. ، فتحت الباب ودخلت جوه العربية وحاولت أقفل اللوك من الداخل لباب السائق ( الطبيعي إن كل الأبواب تتقفل هيا كمان ) ! لكن في الوقت ده باقي الأبواب ماقفلتش ! .. مرة وأتنين وتلاتة مافيش فايده ! .. ، طبعاً مش هاسيب العربية مفتوحه وهامشي ! أفضل أحاول معاها أكتر من مرة لغاية ماتلقط ويشتغل السنتر لوك !! .. مش عارف إيه حكاية التهنيجة ديه !! قولت يمكن بطارية الريموت خلصت وروحت جيبت المفتاح الإحتياطي برضه نفس المشكله !! ..، الموضوع ده إتكرر لغاية دلوقتي أربع أو خمس مرات علي مدى الأربع شهور من ساعة ما أشتريت العربية .. أنا خايف يجي يوم ماترضاش تقفل خالص !!

وفيه حاجه كمان حصلت معايا تاني يوم أشتريت العربية ماعرفش هل له علاقة بموضوع السنتر لوك ولا لأ !... تاني يوم شراء العربية صحيت علي صوت كلاكس العربية بيزعق بصوت متكرر بيييب بيييب بيييب بيييب !! ..، أنا أعرف إن الفيرنا مافيهاش إنذار عشان كده قمت بالراحة وعلي مهلي معتقد إن الصوت ده مش من عربيتي !! ، لكن لما نزلت الشارع لقيتها فعلاً عربيتي !! ومش عارف إيه إللي خلاها تعمل الصوت ده ؟!!
قريت في دليل المستخدم إن العربيه فيها أمان ولما الأمان بيشتغل أي محاولة لفتح الأبواب بالمفتاح دون الريموت تعمل الصوت ده ... حاولت بكل الطرق الممكنة والغير ممكنه إني أخللي العربية تعمل الكلاكسات ديه تاني مش ممكن أبداً !! ... ولحد اليوم ماعملتهاش تاني أبداً ولا أنا عارف أخليها تعملها عشان أطمن إن الأمان شغال تماام !
فياريت إللي يعرف حاجة عن موضوع الأمان ده يقوللي أحسن أخوكم محتاس وخايف أنزل في يوم مالاقيش العربية أصلاً !!
اقتباس المشاركة الأصلية كتبت بواسطة p r i n c e مشاهدة المشاركة
عندي الكشافات بتنور بس لما افتح السنتر لوك
لكن لما بقفلها مش بتنور
دا العادي و هيا كدا من وقت مجبتها
لا مش عادي ...لما تقفل والنور مينورش مره واحده بتاع الاشارات بيدل ان في حاجه مفتوحه وغالبا بيكون العيب من الشنطه لان دا حصل معايا...والفيرنا فيها انزار لما بتفتح حاجه بلمفتاح وانت مش فاتح من الريموت بتزمر والعربيه مش هتدور