الموضوع: سنتر لوك شنطة السيارة

الاخوة الافاضل

السنتر عندي شغال على الابواب فقط و لا تفتح الشنطة الا بالمفتاح وواحد صنايعي قال لي لازم تغير السنتر كله و لكن الكهربائي الذي اتعامل معه قال لي أنه ممكن تغيير وحدة فتح السنتر مع الشنطة فقط و لا داعي لتغيير السنتر كله فهل هذا صحيح .

سؤال تاني أيه احسن ماركة و مكان اجيب منه الوحدة دي لو وجدت ؟؟؟؟؟؟؟؟؟؟؟

لو عايز تفتح شنطة العربية من داخل العربية بالكهرباء ده امر ساهل اي كهربائي يعملهولك"فردة سنتر-سلك كهرباء-مفتاح كهرباء بالتبلوه".
لو عايز تفتح شنطة العربية بالكهرباء من عن بعد "وانت واقف بعيد عن العربية" ده امر اسهل بواسطة شراء جهاز سنتر لاسلكي "وليس جهاز انذار"،به ريموت لفتح الطبلة وغلقها من عن بعد فقط و يكون معك بجانب ريموت الإنذار.وتمنه رخيص بكتير عن الإنذار.
لو عايز باب الشنطة يفتح ويترفع من نفسه وانت بعيد عن العربية ويقفل من نفسه تاني لما تضغط على الريموت ده امر سهل بس حيتطلب الأتي:
- سنترال لوك لاسلكي عن بعد وليس انذار به فتح الشنطة لأن انا عاوز الموتور الكهربة شغال فتح وقفل.
- مساعدين كهرباء"نفس فكرة البوزيشنر في رسيفر الدش"بمحرك كهرباء على اكس مشرشر او مساعدين هيدروليكي كهربي"اغلى ومش متواجد بسهولة"
- تركيب جهاز السنتر و تركيب المساعدين الكهرباء مكان فتح و قفل الشنطة بالقرب من مفصلت الشنطة من الداخل.
- ربط الكهرباء بين جهاز السنتر و الموتور الكهربي اللي بيحرك الأكس
ده امر سهل اي كهربائي سيارات يعمله وهو نفس طريقة توصيل جهاز الإنذار لماكينات السنتر.
واخيرا جرب الفتح و القفل بعد ما الكهربائي يركب الكتاوت في الكهرباء اللي رايحة للموتور اللي حيرفع باب الشنطة.
واتفرج علي الشنطة وهي بتفتح و بتقفل وانت واقف بعيد أو في البلكونة مثلا وطلبت من احد المعارف بجلب لك شئ من شنطة العربية اللى واقف جنبها و يلاقي شنطة العربية بتتفتحله هو بس وبيأخذ حاجته و بتتقفل الشنطة تاني من نفسها بدون اي تدخل يدوي.
انا مش بقول خيال علمي انا بقول ابسط فكرة في هندسة الكهروميكانيكا.