بروتوني قديم.....ولكن !!!!!!!

**sherief fayed** · 22-08-2013 05:06 PM

السلام عليكم ورحمه الله وبركاته
احب الاول اعرفكوا بنفسي انا جديد في المنتدى واسمي شريف فايد من المحله الكبرى / الغربيه

وابدي اعجابي الشديد بالمنتدى (( Nilemotors )) وارجوا السماح لي بالانضمام معكم

في هذا المنتدى الرائع .

وبالرغم اني مالك لسياره بروتون ويرا 2005 من زماااااان الا اني في مشكله كبيره ..المهم عشان ماطولش عليكوا ...عربيتي كانت اتسرقت والحمد لله رجعت بس لما جيت استلمها لقيت اللي سرقها كاسر العلبه الفيبر حوالين الكونتاكت عشان طبعا يعرف يشغل العربيه بدون المفتاح ....ولفيت كتير اوي عشان الاقيها عشان بصراحه شكل الدركسيون وحش اوي من غيرها ..وكل اللي لقيتوا بتبقا علبه خاصه بالسيارات اللي الدركسيون فيها يمين فا مش بتنفع تركب عندي ...فا ارجوووووو لو حد عندو فكره هل ليها بديل من عربيه تانيه ولا اعمل ايه بالظبط ...ولكم جزييييل الشكر

**windofchange** · 22-08-2013 07:44 PM

هاتها استيراد اليمين ديه وعدلها عند بتاع فايبر محترم

**yousefsemsem** · 22-08-2013 07:44 PM

اهلا وسهلا بيك ياشريف باشا نورتنا وحمدالله علي سلامت رجوع عربيته ومبروك ياباشا
ماتقلقش انت قريب جدا من المنصوره روح هناك الحسنيه
هتلاقي عند اي حد هناك بتاعت البطه تركب عندنا عادي
لو مالقتش في واحد هناك اسمه الهريدي هيجبهالك ولو برضه لاقدر الله ماعرفش في في ميت غمر واحد بيشتغل في البطه بس اسمه احمد سالم موجوده عنده

**sherief fayed** · 22-08-2013 07:58 PM

المشاركة الأصلية كتبت بواسطة yousefsemsem

اهلا وسهلا بيك ياشريف باشا نورتنا وحمدالله علي سلامت رجوع عربيته ومبروك ياباشا
ماتقلقش انت قريب جدا من المنصوره روح هناك الحسنيه
هتلاقي عند اي حد هناك بتاعت البطه تركب عندنا عادي
لو مالقتش في واحد هناك اسمه الهريدي هيجبهالك ولو برضه لاقدر الله ماعرفش في في ميت غمر واحد بيشتغل في البطه بس اسمه احمد سالم موجوده عنده

الله يبارك فيك يا باشا ...وشكرا بجد على المعلومات دي ويارب الاقيها هناك