الموضوع: حد استخدم البوليش بتاع الخدوش ؟؟

بيشيل الحكات السطحة فقط .. و الطريقة ان حضرتك حتجيب كيس قطن طبي من الصيدلية .. و تيجي علي الحتة اللي فيها الخدش و تحط حتة صغيرة من البولش و تدعك جامد بالقطنة لحد ما يعمل طبقة بيضاء (يجير)
و بعدين شيلة بقطنة نظيفة .. و ياسلام لو بعد كدة اديت العربية واكس بنفس الطريقة .. بالنسبالي العربية بتفرق .

اه كنت حنسي اقولك .. الافضل انك تعالج كل منطقة في العربية لوحدها .. بمعني نعمل الشنطة لوجدها و بعد منخلصها نعمل الباب .. و هكذا

لو حضرتك بتستسهل يبقي روح لكاركير .

ده موضوع ممكن يفيد حضرتك : http://www.nilemotors.net/Nile/255388-a.html

المشاركة الأصلية كتبت بواسطة kareem_eg

بيشيل الحكات السطحة فقط .. و الطريقة ان حضرتك حتجيب كيس قطن طبي من الصيدلية .. و تيجي علي الحتة اللي فيها الخدش و تحط حتة صغيرة من البولش و تدعك جامد بالقطنة لحد ما يعمل طبقة بيضاء (يجير)
و بعدين شيلة بقطنة نظيفة .. و ياسلام لو بعد كدة اديت العربية واكس بنفس الطريقة .. بالنسبالي العربية بتفرق .

اه كنت حنسي اقولك .. الافضل انك تعالج كل منطقة في العربية لوحدها .. بمعني نعمل الشنطة لوجدها و بعد منخلصها نعمل الباب .. و هكذا

لو حضرتك بتستسهل يبقي روح لكاركير .

ده موضوع ممكن يفيد حضرتك : http://www.nilemotors.net/Nile/255388-a.html

الف شكر ياباشا

المشاركة الأصلية كتبت بواسطة amr axel

فيه نقطة لازم تاخد بالك منها فيه فرق بين البولش العادي اللي بيلمع و الكومباوند و اللي بيشيل اثار دهان العربيات التانية ع عربيتك و في نفس الوقت لمعة
و لازم تفرق اذا كانت خدوش جت ع الفيلر اللي تحت الدهان و لا الخدوش ديه لون العربيات و لزق ع عربيتك

بالنسبة البولش العادي اللي بيلمع قدامك من اول البولش اللي بيتباع عن الموان ابو 7 ج تقوله بولش عربيات و ديه تكفيك 3-4 مرات
لحد الماركات الموجودة في ماركت البنزينات لا تقل عن 35 ج
و لما تجيب بولش يكون بولش كريم متجيبش سائل
الكومباوند زي البولش بس فيه زي حبيبات عشان شيل آثار اللون اللي بهت عندك و يلمع

نيجي للنقطة التانية لو الخدوش اللي ع العربية عبارة عن دهان بهت علي عربيتك قدامك حلين ياما قطنة تشممها بس تنر و تمسحها ياما الكومباوند اللي قولتلك عليه
اما لو خدوش اللي هي شالت طبقة الدهان و بقت ع الفيلر الابيض يبقي قدامك كذا حل
ياما تستخدم بولش بلون العربية زي سيمونز او سونكس و ده بيلمع و يداري الخدوش اللي لونها ابيض و سونكس بيكون معاه قلم شمع تقريبا بتمشي ع الخدوش العميقة شوية اللي البولش مقدرش يخفيها
ياما شغل مرمات و ديه يظبطهالك واحد بوهيجي عربيات

طريقة عمل البولش زي ما أ \ كريم وضح هتجيب البولش و تحط نقط نقط منه ع كل قطعة لوحدها يعني كبوت لوحده و رفرف لوحده و تمسك حتة قطنة اد كف الايد و تفضل شغال دواير في نفس الاتجاه بايديك لحد ما تلاقي البولش نشف و جير و القطن أفضل لأنك مش هتعرف تستخدم صاروخ البولش و ممكن يجيب نتيجة عكسية معاك
بعد ما تخلص العربية كلها تجيب فوطة قطن و تمسك قطعة قطعة برده لوحدها دواير تشيل البولش اللي نشف هتحس بالفرق بس اهم حاجة تعمل الكلام ده في النور و في نفس الوقت ميكونش تحت اشعة الشمس مباشرة
بس احب انبهك انك لو مش متعود زي حالاتي هتتعب جداااا عشان كده لو هتستسهل يبقي روح لواحد بس هيكلفك مش اقل من 80-100 ج بولش بس و لو مكان ع اده هيستخدم برده العلبة ام 7 ج ديه اسمها بولش كريم علبة لونها برتقالي و غطاها احمر يعني مش نوعية نضيفة زي سونكس و غيرها و هيقعد يقولك بولش الماني و ايطالي و هجس ما بعده هجس الا لو شوفت البولش الحقيقي قدامك

اما الواكس او الشمع فده نفس طريقة البولش لكن ده عبارة عن طبقة بعد البولش عشان تحمي الدهان من التراب و تقدر تشيل التراب بسهولة

و اي استفسار اتفضل :)

والله يااستاذ عمرو انت دايما بتفحمنى بردودك :) بس دلوقتى انا الخدوش اللى عندى كام خط رفيعين اوى بس قلبهم من جوه لونه ابيض يعنى البويه متشاله مش بهتان بويه تانيه عليه وانا لما جبت بوليش جبت الكومبوند اللي بيشيل الخدوش ... واللى انا فهمته من كلامك ان ده اللي بيشيل البويه اللى باهته على البويه بتاعتى واعتقد كده انا محتاج اجيب القلم اللى قولت عليه ... انا كده فاهم صح ولا عندك اى تصحيح ؟؟
مشكور جدا