تجربة تغيير زيت Xado

**Mohamed Fahmy** · 08-09-2013 07:40 PM

أنا غيرت زيت و بوجيهات gm و حاسس بفرق كبير للأحسن و الحمد لله.

**damasry** · 08-12-2013 04:15 PM

بعد استخدام الزيت لاكتر من 6 الاف كم فاقدر اقول ان الزيت كويس وادائه حلو ويمكن الموضوع خد وقت شوية على ما ادائه يظهر بالصورة دى لأنى كنت حاطط زيت وولف 10w40 رغم انى من الزيرو بحط 5w40 لكن العربية ادائها بقى وحش جدا مع الوولف واضطريت انزله بعد 4 الاف كم واحط الزادو.

ودلوقتى بعد 6 الاف كم اداء الموتور جميييل والسحب رائع وصوت الموتور فى السلانسيه ولحد ال100 اقل نسبيا من قبل كده.

محتار انزل الزيت عند ال7 الاف كم ولا اكمل بيه ال10 الاف!!!

**Astra Lovers** · 08-12-2013 04:50 PM

في فرق بينه وبين الكاسترول ولا لا
وطبعا الوولف اللي اتعمل عليه بروبوجنده وفرح مالبدايه وباين انه زيت زفت مكنش لازم تجربه اصلا
خللي بالك تغيير الزيوت للموتور بالشكل اللي بتوصفه هيقلل من عمره الافتراضي سريعا

**damasry** · 08-12-2013 06:29 PM

المشاركة الأصلية كتبت بواسطة opelcars

في فرق بينه وبين الكاسترول ولا لا
وطبعا الوولف اللي اتعمل عليه بروبوجنده وفرح مالبدايه وباين انه زيت زفت مكنش لازم تجربه اصلا
خللي بالك تغيير الزيوت للموتور بالشكل اللي بتوصفه هيقلل من عمره الافتراضي سريعا

الكاسترول انا غيرته من مدة كبيرة فاكيد مش فاكر ادائه اوى بس اقدر افتكره انه كان كويس مع ان صديق ليا معاه اوبترا جربه معايا ومعجبهوش خالص.

انا مقدرش اقول على الوولف انه وحش لانى لما جربته جربت لزوجة اعلى من اللزوجة اللى الموتور متعود عليها وفيه ناس تانية بتشكر فى الوولف.

الزيت اللى فعلا عجبنى هو الليكوى مولى (اوطى صوت للموتور) والفالفولين (اقوى اداء)

وغالبا ها ارجع للفالفولين واجرب الزيت بتاعهم الجديد اللى معمول للشرق الاوسط واجربه ال8 الاف كم اللى باقيين على ال160 الف ولو عجبنى ها اكمل معاه ولو معجبنيش ها استمر مع الشيل الهيلكس.

شكرا على النصيحة وخوفك، بس طالما انا بغير لزيوت كويسة وكلها تخليقية بالكامل ونفس اللزوجة فميش خطر على الموتور طالما بغير الزيت فى معاده ومواظب على الصيانة الدورية للموتور.