اول مشكله مع توكيل هيونداى

**احمد الطيب** · 24-08-2013 12:26 AM

بعد ما ربى اكرمنى بالعروسه i 10 ورخصت اتصلت بالتوكيل عشان افعل الضمان وفعلته وتمام التمام .
اتصلت بيهم بعدها عشان عاوز اركب سنتر وانذار وزجاج كهرباء ووحده رفع للعربيه فقالولى ان العربيه ميركبش ليها حاجه ف الكهرباء لا سنتر ولا انذار وده بتوصيه من الشركه الام ف كوريا . ولو حاولت تركبه هتضيع الضمان عليك .ايه الحل يا جماعه وهل قفل المفتاح امان للعربيه ولا لازم انذار وسنتر...؟

**M I D O** · 24-08-2013 12:42 AM

دة اية الهبل بتاعهم دة .. العالم كلة بيتقدم الا احنا بنتاخر .. مفيش حل لانك لو ركبت حاجة من دي هتطلع من الضمان بس عموما وانت بتعمل صيانة الالف اسئل في التوكيل وقول عاوز اركب انذار بس علي الاقل وفي التوكيل عشان مخرجش برة الضمان وشوف هيقولو اية

**Ultramisho** · 24-08-2013 02:14 AM

موضوع كوريا ده كدبة كبيرة
الحقيقة انهم بيركبوا الانذار بتاع الار بي هنا في مصر وغالبا بيبقى صيني ومابيعرفوش يعملوا عليه اي اضافات عكس الالنترا بييجي من كوريا انذار ساذج لكن بيقدروا يزودوا عليه حساس اهتزاز جاي من كوريا برضه
والله اعلم

تحياتي

**mahmoud_afifi** · 24-08-2013 02:23 AM

الانذار والسنتر هيطلعك من ضمان الكهربا فقطططططططط
رأيي توكل على الله واعملهم وتطلع من ضمان الكهربا احسن من ان العربيه كلها لا قدر الله تروح.
وياريت تزود على الانذار وحدة فصل طرمبة البنزين. بتزيد 25 جنيه على سعر الانذار
وربنا يحفظ عربيات الجميع

**nbabad** · 24-08-2013 08:12 AM

المشاركة الأصلية كتبت بواسطة mahmoud_afifi

الانذار والسنتر هيطلعك من ضمان الكهربا فقطططططططط
رأيي توكل على الله واعملهم وتطلع من ضمان الكهربا احسن من ان العربيه كلها لا قدر الله تروح.
وياريت تزود على الانذار وحدة فصل طرمبة البنزين. بتزيد 25 جنيه على سعر الانذار
وربنا يحفظ عربيات الجميع

أنا رأيي تصبر شوية ياعم الحاج لما تتأكد من إن كهربا العربية تمااااااام ومافيهاش حاجة قبل ماتخرج نفسك من الضمان .. أحسن بعد كده تظهر معاك مشكلة لا قدر الله وتحتاس بيها .. وفي التوكيل بسم الله ماشاء الله أحسن ناس تستهبل عشان تلبسك الليلة وتدفعك دم قلبك في أي مشكلة صغيرة

**amagroup** · 24-08-2013 11:23 AM

المشاركة الأصلية كتبت بواسطة nbabad

أنا رأيي تصبر شوية ياعم الحاج لما تتأكد من إن كهربا العربية تمااااااام ومافيهاش حاجة قبل ماتخرج نفسك من الضمان .. أحسن بعد كده تظهر معاك مشكلة لا قدر الله وتحتاس بيها .. وفي التوكيل بسم الله ماشاء الله أحسن ناس تستهبل عشان تلبسك الليلة وتدفعك دم قلبك في أي مشكلة صغيرة

صح كده .....كلام سليم