تغيير كاوتش الكورولا 2010

hh · 24-08-2013 01:39 AM

محتاجة أغير كاوتش كورولا 2010 ضروروي عشان فيه فردتين مابقوش ينفعوا خالص. عندي شوية استفسارات ضروري بعد اذنكم:

أولا: مقاس الكاوتش الستاندرد للكورولا الموديل ده ايه؟ انا عايزة العادي مش عايزة أعرض.

ثانيا: المفروض لما اشتري الفردة يبقى تاريخ تصنيعها مش ابعد من امتى؟ يعني لو سنة مثلا كويس و لا لازم ميزدش عن كام شهر؟؟ و هل الفردة بيبقى مكتوب عليها و هي ملفوفة و لا لازم الفردة تتفتح و يتشال اللف اللي عليها عشان أقرا الرموز و الارقام اللي عليها؟

ثالثا: ايه تاني غير التاريخ المفروض أبص عليه؟؟ أن عارفة ان بيبقى فيه أرقام و حروف على الفردة انما مش عارفة أهميتها.

رابعا: ايه الأنواع اللي تنصحوني بيها؟؟ أنا كنت بأفكر في الكونتيننتال زي الأصلية اللي راكبة أو البريدجستون. ايه رأيكو؟؟

خامسا: ايه أحسن مكان مضمون أشتري منه ناحية المهندسين؟؟ و لو مش في المهندسين يبقى الهرم.

معلش أنا عارفة ان الاسئلة كتيرة بس أنا مش بأفهم في الكاوتش خالص و مستعجلة جدا

و شكرا مقدما

**Hosam_Optrawy** · 24-08-2013 02:47 AM

المشاركة الأصلية كتبت بواسطة hh

أولا: مقاس الكاوتش الستاندرد للكورولا الموديل ده ايه؟ انا عايزة العادي مش عايزة أعرض.

اللى عند حضرتك طاسات 15 ولا جنوط سبور 16 ؟

عموما ال 15 الطاسات مقاس 195/65 والجنوط سبور 16 مقاس 205/55

ثانيا: المفروض لما اشتري الفردة يبقى تاريخ تصنيعها مش ابعد من امتى؟ يعني لو سنة مثلا كويس و لا لازم ميزدش عن كام شهر؟؟ و هل الفردة بيبقى مكتوب عليها و هي ملفوفة و لا لازم الفردة تتفتح و يتشال اللف اللي عليها عشان أقرا الرموز و الارقام اللي عليها؟

مش أكتر من سنة , يعنى مش أقل من الإسبوع ال 30 لسنة 2012 , تاريخ الإنتاج بيبقى مكتوب على الفرده نفسها

ثالثا: ايه تاني غير التاريخ المفروض أبص عليه؟؟ أن عارفة ان بيبقى فيه أرقام و حروف على الفردة انما مش عارفة أهميتها.

رمز السرعه ودا بيبقى مكتوب بعد المقاس على طول , فى الغالب هايكون H ودا يستحمل لحد سرعة 210 , لو V يكون أفضل ودا بيستحمل حتى سرعة 240 , وقبل رمز السرعة على طول بيبقى فى رقمين ودول بيبقوا أقصى وزن يقدر الكاوتش يتحمله , مثلا ال 80 يتحمل 450 كجم وال 85 يتحمل 515 كجم وال90 يتحمل 600 كجو

التماسك Traction يكون A على الأقل ولو AA يبقى ممتاز

بلد الصنع Made in

رابعا: ايه الأنواع اللي تنصحوني بيها؟؟ أنا كنت بأفكر في الكونتيننتال زي الأصلية اللي راكبة أو البريدجستون. ايه رأيكو؟؟

حسب الميزانيه , لو مقاس ال 15 , أرخص حاجه يابانى هاتكون Toyo ودا سعر الفرده 520 , البريدجستون والكونتينيتال معنديش فكره بس غالبا هايكون أغلى

خامسا: ايه أحسن مكان مضمون أشتري منه ناحية المهندسين؟؟ و لو مش في المهندسين يبقى الهرم.

أولاد على سليمان شارع وادى النيل

معلش أنا عارفة ان الاسئلة كتيرة بس أنا مش بأفهم في الكاوتش خالص و مستعجلة جدا

و شكرا مقدما

نصيحه أخيره , يفضل تغيير الفردتين بنفس النوع اللى راكب فى العربيه عشان ال 4 كاوتشات يكونوا نفس النقشه ونفس الموديل , أو تغيير ال 4 فرد كلهم بأى نوع أخر

بالتوفيق

**Hosam_Optrawy** · 27-08-2013 01:36 AM

المشاركة الأصلية كتبت بواسطة hh

ربنا يكرمك يا أستاذ حسام على الرد الوافي. أنا عندي الجنوط ال16.

غالبا حجيب الكونتننتال أو الريدجستون على حسب السعر. تنصحني حضرتك بفردة معينة من كل ماركة؟؟ و يا ترى ألاقيهم عند على سليمان؟؟ أنا عموما لو لقيت عنده فيزا حجيب 4 فرد.

أسف على التأخير فى الرد

فى البريدجستون أعتقد أفضل نوع هو التورانزا gr90

فى الكونتينينتال معنديش فكره

مش عارف هايبقوا متوفرين ولا لأ